नवी दिल्ली (हिं.स.) : मेक्सिकोतील उत्तरेकडील राज्य सिनालोआ येथे नौदलाचे ब्लॅक हॉक हेलिकॉप्टर कोसळल्याची माहिती समोर आली आहे. या अपघातात १४ जणांचा मृत्यू झाला तर एका जखमीवर रुग्णालयात उपचार सुरू आहेत. या हेलिकॉप्टरमध्ये १५ जण असल्याची माहिती मिळाली आहे.
हा अपघात कशामुळे झाला याचे कारण अद्याप अस्पष्ट आहे. मात्र यामागे घातपात असण्याची शक्यता वर्तवण्यात येत आहे. सिनालोतील ड्रग्ज माफिया राफेल कारो क्विंटेरो याच्या अटकेमुळे हा अपघात झाला असल्याचे म्हटले जात आहे.
दरम्यान शुक्रवारी ड्रग माफिया राफेल कारो क्विंटेरो याला अटक केली होती. त्याच्यावर अँटी-नार्कोटिक्स अधिकाऱ्याची हत्या केल्याचा आरोप होता. याचप्रकरणी त्याला सिनालोआ राज्यातील चोईक्स नगरपालिकेच्या हद्दीत पकडले.