मुंबई: सलमान खानने (salman khan) सिने इंडस्ट्रीमध्ये ३५ वर्षे पूर्ण केली आहेत. १९८८मध्ये आलेल्या बीवी हो तो ऐसी सिनेमात सहाय्यक भूमिका करणाऱ्या सलमानने त्यानंतर आजतायगत मागे वळून पाहिले नाही. तो देशातील लोकप्रिय अभिनेत्यांपैकी एक आहे.
आपल्या या दीर्घ यशाचे सेलिब्रेशन करण्यासाठी सलमान खानने इन्स्टाग्राम अकाऊंटवर एक व्हिडिओ पोस्ट केला आहे. यात त्याच्या शआनदार करिअरची झलक पाहायला मिळते. व्हिडिओमध्ये मैने प्यार किया, हम दिल दे चुके सनम, वाँटेड, दबंग, भारत,टायगर जिंदा है सह अनेक सिनेमांच्या क्लिप्स सामील आहेत. व्हिडिओमध्ये त्याचे काही प्रसिद्ध डायलॉगही ऐकू येत आहेत.
View this post on Instagram
सलमान खानने व्हिडिओ कॅप्शनमध्ये आपल्या चाहत्यांसाठी भावूक संदेश लिहिला आहे. त्याने लिहिले ३५ वर्षे ही ३५ दिवसांसारखीच वाटत आहेत. तुमच्या प्रेमासाठी धन्यवाद. सलमान खानचे चाहते त्याच्यावर प्रेमाचा वर्षाव करत आहेत. कोणी त्याला सुपर भाईजान म्हणत आहेत. तर कोणी लीजेंड खान लिहिले आहे. काही त्यांना बॉलिवूडचा बादशाह म्हणत आहेत. सलमान खानचे जगभरात प्रचंड चाहते आहेत. सलमानच्या आयुष्यात त्यांनी वेळोवेळी साथ दिली आहे.
आगामी सिनेमे
सध्या सलमान खान गेल्या दोन ते अडीच वर्षात खाली आलेला त्याचा करिअर ग्राफ पुन्हा वर चढवण्याच्या प्रयत्नात आहे.नुकताच शाहरूख खानच्या पठान या सिनेमात त्याचा कॅमिओ रोल पाहायला मिळाला होता. याला चाहत्यांची मोठी पसंती मिळाली होती. आता तो टायगर ३मध्ये दिसणार आहे. सिनेमात कतरिना कैफही आहे.