मुंबई : कतरिना कैफ आणि विकी कौशलचं लग्न राजस्थानमध्ये पार पडतंय. लग्नानंतर हे दोघे नवं दांपत्य कुठे राहणार? त्यांचे शेजारी कोण कोण असणार? याची उत्सुकता त्यांच्या फॅन्सला लागून राहिलीय. पण तुमची उत्सुकता अधिक न ताणता याची पक्की खबर आम्ही तुमच्यासाठी घेऊन आलो आहोत.
लग्नानंतर कतरिना आणि विकी टीम इंडियाचा दिग्गज क्रिकेटपटू विराट कोहलीचे शेजारी होणार आहेत. विकी आणि कतरिना दोघेजण लग्नानंतर राहण्यासाठी घर शोधत होते. त्यांच्या घराचा शोध संपला असून त्यांनी जुहू परिसरात असलेलं एक आलिशान अपार्टमेंट भाडेतत्वावर घेतले आहे. हे घर पाच वर्षांसाठी भाड्याने घेतले असून त्यासाठी मोठी रक्कम दिल्याचं बोललं जात आहे. आठव्या मजल्यावर असलेले हे अपार्टमेंट जुलै २०२१ मध्ये भाड्याने घेतले आहे.