मुंबई : राष्ट्रवादीचे नेते आणि गृहनिर्माण मंत्री जितेंद्र आव्हाड यांच्या शिवगड या बंगल्यासमोर एका महिलेने आत्महत्या करण्याचा प्रयत्न केला. मात्र यावेळी तेथे हजर असलेल्या पोलिसांच्या सतर्कतेमुळे अनर्थ टळला. या महिलेने स्वतःवर ज्वलनशील पदार्थ टाकून स्वतःला पेटवून घेण्याचा प्रयत्न केला. परंतु पोलिसांनी तिला अडवले.
मिळालेल्या माहितीनुसार, तृप्ती कांबळे असे या आत्महत्या करणाऱ्या महिलेचे नाव आहे. ही महिला बीडीडी चाळीत राहण्यास आहे. या घटनेनंतर या महिलेला मरीन लाईन्स पोलिसांनी ताब्यात घेतले आहे. या महिलेने इतके टोकाचे पाऊल का उचलले, याचा तपास पोलिसांकडून सुरू आहे.