Weekly Horoscope: साप्ताहिक राशिभविष्य, १० मार्च ते १७ मार्च २०२४

वृश्चिक :
हितशत्रूंवर या कालावधीमध्ये मात करू शकाल. मात्र थोडा संयम आवश्यक आहे. सबुरीने घ्या. घाईगर्दीत कोणताही लहान-मोठा निर्णय घेण्याचे टाळा. तसेच स्वतःच्या क्रोधावर, वागण्यावर व बोलण्यावर नियंत्रण आवश्यक राहील. कोणालाही अपमानास्पद वागणूक देऊ नका. समोरील व्यक्तीचे म्हणणे पूर्णपणे समजावून घेऊन नंतर त्यावर प्रतिक्रिया व्यक्त करणे हिताचे ठरेल. नेमकी संधी ओळखून आपली पुढील पावले उचला. कुटुंब परिवारातील परिस्थिती मतभेदांमुळे अस्थिर होण्याची शक्यता आहे. त्यामुळे कुटुंबातील सदस्यांच्या मतास उचित प्राधान्य द्या. ज्येष्ठांचे मार्गदर्शन लाभेल.

मीन : 
सुरुवातीला रोजच्या जीवनात अनपेक्षित घटना घटित झाल्यामुळे आपल्या जीवन क्रमामध्ये बदल घडू शकतो. मनात गोंधळाची परिस्थिती निर्माण होण्याची शक्यता. पूर्ण विचाराअंती व शांतचित्ताने आपल्या समोरील परिस्थितीचा विचार करून निर्णय घेणे योग्य ठरेल. यशप्राप्ती होईल. व्यवसाय-धंद्यात जुनी येणी वसूल होतील व सभेच्या वेळी वाद-विवाद नको. व्यवसायिक उलाढाल वाढेल. तिचा अनुभव घेता येईल. नव्या संधींची उपलब्धता. शेअर मार्केट तसेच तेजी-मंदी संबंधित व्यवसायातून आर्थिक फायदा होऊ शकतो. वैवाहिक जीवनातून शुभ घटना घटित झाल्यामुळे कुटुंबातील वातावरण आनंदी राहील.