मुंबई : भारताचा माजी डावखुरा क्रिकेटपटू विनोद कांबळीची फसवणूक झाली आहे. केवायसी अपडेट करण्याचे कारण देत त्याच्या बँक खात्यामधून सायबर चोरांनी १ लाख १३ हजार ९९८ रुपये काढून घेतले. याप्रकरणी वांद्रे पोलीस ठाण्यात गुन्हा दाखल करण्यात आला आहे.
कांबळीच्या मोबाइलवर ३ डिंसेबर रोजी एका व्यक्तीने फोन केला. कोटक महिंद्रा बँकेतून बोलत असल्याचे सांगून बँक त्याने अकाउंटचे केवायसी अपडेट नसल्याची माहिती दिली. केवायसी अपडेट झाले नाही, तर अकाउंटमधील व्यवहार बंद होतील असे त्या व्यक्तीने सांगितले. त्यामुळे कांबळीने ऑनलाइन केवायसी अपडेट करण्याचा निर्णय घेतला.