मुंबई: आयपीएल २०२४मधील ४७वा सामना कोलकाता नाईट रायडर्स आणि दिल्ली कॅपिटल्स यांच्यात खेळवण्यात आला होता. यात कोलकाता नाईट रायडर्सने बाजी मारली. ईडन गार्डन्समध्ये खेळवण्यात आलेल्या या सामन्यात कोलकाताने ७ विकेटनी विजय मिळवला. हा केकेआरचा एकतर्फी विजय होता. आता या विजयानंतर पॉईंट्स टेबलमध्ये काय बदल झाले आहेत ते जाणून घेऊया…
दिल्लीविरुद्ध विजय मिळवल्यानंतर कोलकाता १२ गुण आणि +1.096 गुणांसह दुसऱ्या स्थानावर आहे. तर पराभव झालेला दिल्लीचा संघ सहाव्या स्थानावर आहे. दिल्लीकडे १० गुण आणि -0.442 हा रनरेट आहे.
पॉईंट्सटेबलमधील टॉप ४ संघांवर नजर टाकली असताना राजस्थान रॉयल्स १६ पॉईंट्ससह अव्वल स्थानावर आहे. त्यानंतर कोलकाता १२ पॉईंट्ससह दुसऱ्या स्थानावर येते. यानंतर चेन्नई सुपर किंग्स आणि सनरायजर्स हैदराबाद १०-१० गुणांसह अनुक्रमे तिसऱ्या आणि चौथ्या स्थानावर आहेत. चेन्नईकडे +0.810 आणि हैदराबादकडे +0.075 चा रनरेट आहे.
बाकी संघाची अशी स्थिती
बाकी संघाना पाहिल्यास लखनऊ सुपर जायंट्स आणि दिल्ली कॅपिटल्स १०-१० गुणांसह अनुक्रमे पाचव्या आणि सहाव्या स्थानावर आहेत. त्यानंतर गुजरात टायटन्स ८ गुणांसह सातव्या स्थानावर आहे. त्यानंतर पंजाब किंग्स, मुंबई इंडियन्स आणि रॉयल चॅलेंजर्स बंगळुरू ६-६ गुणांसह अनुक्रमे आठव्या, नवव्या आणि दहाव्या स्थानावर आहेत.