मुंबई : राज्यपाल रोहित पवारांनी भाजपवर आरोप करण्याऐवजी आपल्या आजोबांकडे लक्ष द्यावे. कारण आजोबा नेमके काय करतात, हे कुणालाच सांगत नाहीत. त्यामुळे तुमच्याबरोबर महाविकास आघाडीचीही अडचण झाली आहे, असा खोचक टोमणा भाजप नेते निलेश राणे यांनी लगावला आहे.
राज्यसभा निवडणुकीत सहाव्या जागेवर भाजपचा विजय झाल्यानंतर रोहित पवारांनी या निवडणूक प्रक्रियेवर आणि भाजपने वापरलेल्या दबाव तंत्रावर टीका केली होती. रोहित पवार हे राज्यपाल असल्याप्रमाणे प्रतिक्रिया देत आहेत, त्यामुळे निलेश राणे यांनी थेट रोहित पवारांना राष्ट्रवादीचे राज्यपाल म्हणत त्यांना टोमणे मारले आहेत. ट्विटरद्वारे निलेश राणेंनी ही टीका केली.
राष्ट्रवादीचे राज्यपाल रोहित पवार यांची प्रतिक्रिया बघितली. राज्यपाल रोहित पवार यांनी आजोबांकडे लक्ष द्यावे कारण आजोबा नेमके काय करतात हे कोणालाच सांगत नसल्यामुळे तुमच्या बरोबर महाविकास आघाडीची पण अडचण झाली आहे, दुसरा परिणाम संज्या लीलावतीत फोन करतोय पण त्याचा फोन कोण घेत नाही.
— Nilesh N Rane (@meNeeleshNRane) June 12, 2022
भाजपावर आरोप करणाऱ्या रोहित पवारांना निलेश राणेंनी ट्विटद्वारे उत्तर दिले आहे. तुम्ही भाजपवर आरोप करण्याआधी तुमच्या आजोबांकडे लक्ष द्या. ते काय करतात, हे कुणालाही सांगत नाहीत, त्यामुळे मविआची अडचण झाली आहे, असे ट्वीट निलेश राणे यांनी केले आहे.