LATEST ARTICLES

INDW vs NEPW: टीम इंडियाचा बंपर विजय, नेपाळला ८२ धावांनी हरवले

मुंबई: भारताच्या महिला संघाने नेपाळविरुद्ध ८२ धावांनी बंपर विजय मिळवला आहे. महिला आशिया कप २०२४च्या ग्रुप स्टेजमध्ये टीम इंडियाने आपले तीन सामने जिंकत ग्रुप एमध्ये अव्वल स्थान मिळवले आहे.

भारताने आधीच आशिया कपच्या सेमीफायनलमध्ये आपले स्थान पक्के केले आहे. या लढतीत भारताने पहिल्यांदा खेळताना १७८ धावांचा विशाल स्कोर उभा केला होता. प्रत्युत्तरात नेपाळच्या संघाने सातत्याने विकेट गमावल्या आणि २० षटकांत त्यांना केवळ ९६ धावा केल्या. या पराभवासोबतच नेपाळ अधिकृतपणे स्पर्धेतून बाहेर गेली आहे.

भारताने नेपाळसमोर १७९ धावांचे आव्हान ठेवले होते. आव्हानाचा पाठलाग करताना २१ धावांच्या आत २ विकेट गमावले होते. दरम्यान कर्णधार इंदु बर्मा आणि सीता मगर यांनी मिळून २२ धावा केल्या. मात्र केवळ ६ बॉलच्या अंतराने दोन्ही फलंदाज बाद झाले. कर्णधार इंदुने १४ धावा आणि सीताने १८ धावा केल्या. या दोघी बाद झाल्यानंतर नेपाळच्या संघाने ५२ धावांवर ४ विकेट गमावल्या. येथूनच त्यांच्या विकेट पडत गेल्या आणि नेपाळने पुढील ४० धावांच्या आत ४ विकेट गमावल्या.

भारताची सेमीफायनलमध्ये धडक

भारताला महिला आशिया ग्रुपच्या एमध्ये स्थान देण्यात आले होते. टीम इंडियाने आपले तीन सामने मोठ्या अंतराने जिंकले आणि आशिया कपच्या सेमीफायनलमध्ये प्रवेश केला. ग्रुप एमधून भारताशिवाय पाकिस्ताननेही टॉप ४मध्ये स्थान मिळवले आहे. आता सेमीफायनलचे सामने ठरलेले नाहीत कारण ग्रुप बीचे २ सामने अद्याप बाकी आहेत.

Rahul Dravid: टीम इंडियानंतर आता राहुल द्रविड बनू शकतात या संघाचे प्रशिक्षक

मुंबई: भारतीय क्रिकेट संघाचे मुख्य प्रशिक्षक राहुल द्रविड(rahul dravid) यांनी आयसीसी टी-२० वर्ल्डकप विजयानंतर आपल्या पदाचा राजीनामा दिला. टीम इंडियासोबत राहुल द्रविडचा करार या स्पर्धेपर्यंत होता. आयसीसी वनडे वर्ल्डकपच्या फायनलमधील पराभवानंतर त्यांचा करार बीसीसीआयने टी-२० वर्ल्डकपर्यंत वाढवला होता. या स्पर्धेत जेतेपद पटकावल्यानंतर त्यांनी प्रशिक्षकपदाला अलविदा म्हटले.

आता ते इंडियन प्रीमियर लीगच्या फ्रेंचायजी टीम राजस्थान रॉयल्ससोबत ते काम करू शकतात. २००८मध्ये खेळवण्यात आलेल्या पहिल्या आयपीएलमध्ये राजस्थानने विजय मिळवला होता.

राहुल द्रविड हे प्रशिक्षकपदापासून दूर झाल्यानंतर आता त्यांचा पुढील प्रोजेक्ट काय असणार आहे याची उत्सुकता त्यांच्या चाहत्यांना आहे. मिडिया रिपोर्टनुसार इंडियन प्रीमियर लीगमध्ये राहुल द्रविडचे कोच म्हणून पुन्हा पुनरागमन होऊ शकते. आपल्या जुन्या संघासोबत ते पुन्हा जोडले जाऊ शकतात. या संघाकडून खेळलेल्या राहुल द्रविड यांनी कर्णधार म्हणून दीर्घकाळ या फ्रेंचायझीला आपली सेवा दिली आहे. दरम्यान, रिपोर्टमध्ये सांगितल्याप्रमाणे राजस्थानच्या संघाशी बातचीत सुरू आहे आणि लवकरच याची घोषणा केली जाऊ शकते.

राजस्थानसोबत राहुलचे करिअर

५१ वर्षीय राहुल द्रविडने राजस्थान रॉयल्ससोबत कर्णधार म्हणून खेळी केली आहे. त्यांनी २०१३मध्ये चॅम्पियन्स लीग टी-२० फायनलमध्ये पोहोचवले होते. द्रविडच्या नेतृत्वात खेळताना राजस्थानचा संघ प्लेऑफमध्येही खेळला होता.

तरूणपणात केलेल्या या ५ चुका भविष्य बिघडवू शकतात

मुंबई: आचार्य चाणक्य यांच्या मते तरूणपणात काही चुका करू नयेत त्याचे नुकसान आयुष्यभर सहन करावे लागते. आचार्य चाणक्य यांच्यानुसार ज्या व्यक्ती या चुका करतात त्यांना नेहमी आर्थिक तंगी जाणवते. कोणते ना कोणते संकट राहते.

आचार्य चाणक्य यांच्या मते प्रत्येक व्यक्तीने तरूणपणी आपल्या वेळेची कदर केली पाहिजे. वेळ उगाचच वाया घालवू नये. जी व्यक्ती आपली वेळ वाया घालवते त्या व्यक्ती आयुष्यात यशस्वी होऊ शकत नाही. नेहमीच त्यांना तंगी जाणवते.

आचार्य चाणक्य म्हणतात की प्रत्येक व्यक्ती तरूणपणी पैशाचे महत्त्व समजले पाहिजे. ज्या व्यक्तीला पैशाचे महत्त्व समजत नाही अथवा ते व्यर्थ खर्ची करतात. त्यांच्या खिशात कधीच पैसा टिकत नाही.

आचार्य चाणक्य म्हणतात की प्रत्येक व्यक्तीने आळसापासून लांब राहिले पाहिजे. आळशी व्यक्ती कधीही यशस्वी होऊ शकत नाही. प्रत्येक व्यक्तीने आपल्या रागावर नियंत्रण ठेवले पाहिजे. तरूणपणात क्रोध नेहमीच आपल्यावर चढ असतो. तो सांभाळणारी व्यक्तीच यशस्वी होऊ शकते.

आचार्य चाणक्य म्हणतात की तरूणपणी कधीही चुकीची संगत धरू नये. अशा व्यक्तींना आयुष्यभर त्रास सहन करावा लागतो.

Airtelचा ८४ दिवसांचा सर्वात स्वस्त प्लान, मिळतायत खूप फायदे

मुंबई:एअरटेलच्या पोर्टफोलिओमध्ये अनेक रिचार्ज प्लान्स आहेत. हे प्लान्स विविध किंमतीचे आणि फीचर्ससोबत येतात. आज आम्ही तुम्हाला ८४ दिवसांच्या व्हॅलिडिटीचा सर्वात स्वस्त प्लानबद्दल सांगत आहोत.

एअरटेलच्या या प्लानची किंमत ५०९ रूपये इतकी आहे. हा प्लान तुम्हाला ३ महिन्यांची व्हॅलिडिटी देतो. जाणून घेऊया याचे फायदे

एअरटेलच्या या रिचार्ज प्लानमध्ये युजर्सला अनलिमिटेड कॉलिंगचा फायदा मिळतो. हा प्लान ८४ दिवस चालतो. यात लोकल आणि एसटीडी कॉलचा समावेश आहे.

एअरटेलचा हा प्लान ६ जीबी डेटा लिमिटसोबत येतो. हा प्लान त्या लोकांसाठी आहे जे कॉलिंगचा वापर जास्त करतात.

एअरटेलच्या या प्लानमध्ये १०० एसएमएस मिळतात. जर तुमचा डेटा संपला तर तुम्ही या एसएमएसचा वापर करू शकता.

एअरटेलच्या या प्रीपेड रिचार्ज प्लानमध्ये युजर्सला Free hello tunes on wynk आणि wynk musicचा फायदा मिळेल.

जिओच्या प्लानशी तुलना

एअरटेलचा हा प्लान जिओच्या व्हॅल्यू प्लानला टक्कर देण्यासाठी तयार करण्यात आला आहे. जिओचा ४७९ रूपयांचा प्लान आहे. यात ८४ दिवसांची व्हॅलिडीटी मिळते.

जिओच्या या प्लानमध्ये युजर्सला अनलिमिटेड कॉल्स मिळतात. यात लोकल आणि एसटीडीचा समावेश आहे. यात एसएमएसही मिळतात.

जिओच्या रिचार्ज प्लानमध्ये युजर्सला संपूर्ण प्लानमध्ये एकूण ६ जीबी डेटा मिळतो.

अर्थसंकल्पात नितीन गडकरींच्या खात्याला मिळाले झुकते माप

नवी दिल्ली : केंद्रीय अर्थमंत्री निर्मला सीतारामन मंगळवारी देशाचा अर्थसंकल्प सादर केला. सरकारच्या मते, अर्थसंकल्पात गरीब, शेतकरी, महिला आणि तरुणांवर विशेष लक्ष केंद्रित करण्यात आले आहे. दरवर्षीप्रमाणे यंदाही सर्वसाधारण अर्थसंकल्पात विविध मंत्रालयांसाठी निधीची तरतूद करण्यात आली आहे. पंतप्रधान मोदी यांच्या तिसऱ्या सरकारच्या राजवटीत मंत्रिमंडळातील कोणत्या मंत्र्यांच्या खात्यासाठी अधिक निधी मिळणार, याकडे सर्वांचे लक्ष होते. मंत्रिमंडळातील इतर मातब्बर मंत्र्यांच्या तुलनेत सर्वांधिक निधी नितीन गडकरी रस्ते वाहतूक आणि महामार्ग मंत्रालयाला मिळाला आहे.

केंद्रीय मंत्री नितीन गडकरी यांच्या रस्ते वाहतूक आणि महामार्ग मंत्रालयाला २०२४-२५ च्या अर्थसंकल्पात सर्वाधिक निधी मिळाला आहे. गडकरींच्या परिवहन मंत्रालयासाठी अर्थसंकल्पात ५,४४,१२८ कोटी रुपयांची तरतूद करण्यात आली आहे. या यादीत केंद्रीय मंत्री राजनाथ सिंह यांचे संरक्षण मंत्रालय दुसऱ्या क्रमांकावर आहे. अर्थसंकल्पात संरक्षण मंत्रालयासाठी ४,५४,७७३ कोटी रुपयांची तरतूद करण्यात आली आहे.

भाजपा नेते अमित शहा यांच्याकडे केंद्रीय गृह खात्याची जबाबदारी आहे. यंदाच्या अर्थसंकल्पात अमित शाह यांच्या गृह मंत्रालयासाठी १,५०,९८३ कोटी रुपयांची तरतूद करण्यात आली आहे. केंद्रीय कृषीमंत्री शिवराज सिंह चौहान यांच्या मंत्रालयासाठी यंदाच्या अर्थसंकल्पात १,५१,८५१ कोटी रुपयांची तरतूद करण्यात आली आहे. ग्रामीण विकास मंत्रालयासाठी २,६५,८०८ कोटी रुपयांची तरतूद करण्यात आली आहे. भाजपाध्यक्ष जेपी नड्डा यांच्या आरोग्य मंत्रालयासाठी ८९,२८७ कोटी रुपयांची तरतूद करण्यात आली आहे.

धर्मेंद्र प्रधान यांच्या शिक्षण मंत्रालयासाठी १,२५,६३८ कोटी रुपयांची तरतूद करण्यात आली आहे. एस जयशंकर यांच्या परराष्ट्र मंत्रालयासाठी २२,१५५ कोटी रुपयांची तरतूद करण्यात आली आहे. यंदाच्या अर्थसंकल्पात मनोहरलाल खट्टर यांच्या शहरी विकास मंत्रालयासाठी ८२,५७७ कोटी रुपयांची तरतूद करण्यात आली आहे. तसेच, ऊर्जा मंत्रालयासाठी ६८,७६९ कोटी रुपयांचा निधी जाहीर झाला आहे. आश्विनी वैष्णव यांच्या आयटी आणि दूरसंचार मंत्रालयासाठी १,१६,३४२ कोटी रुपयांची तरतूद करण्यात आली आहे. तसेच, रेल्वे मंत्रालयासाठी २,५२,२०० कोटींची तरतूद करण्यात आली आहे.

Budget 2024 : भविष्याचा वेध घेणारा अर्थसंकल्प – फडणवीस

मुंबई : केंद्रीय अर्थमंत्री निर्मला सीतारमण यांनी आज सादर केलेला केंद्रीय अर्थसंकल्प (Budget 2024) हा भविष्याचा वेध घेणारा अर्थसंकल्प आहे. देशाचा अर्थसंकल्प देशातील युवा, गरीब आणि शेतकऱ्यांना डोळ्यासमोर ठेवून सादर करण्यात आला आहे, असे कौतुक करत विरोधकांनी अर्थसंकल्पावर केलेल्या टीकेला चोख प्रत्युत्तर उपमुख्यमंत्री देवेंद्र फडणवीस यांनी दिले. तसेच केंद्रीय अर्थसंकल्पामधून महाराष्ट्राला काय मिळाले, याची यादीच फडणवीस यांनी वाचून दाखवली.

केंद्रीय अर्थमंत्री निर्मला सीतारमण यांनी आज एनडीए सरकारचा अर्थसंकल्प सादर केला. या अर्थसंकल्पावर विरोधकांनी टीका केली आहे. महाराष्ट्रासाठी अर्थसंकल्पामधून काहीही मिळालेलं नाही, अशी ओरड महाराष्ट्रातील विरोधी पक्षांच्या खासदारांनी केली. यावर उपमुख्यमंत्री देवेंद्र फडणवीस म्हणाले की, या अर्थसंकल्पाची थीम पूर्वेकडील राज्याच्या धर्तीवर घेतली. त्यामुळे देशातील काही राज्यांची नावे आली. लगेचच महाराष्ट्रातील विरोधी पक्षाच्या नेत्यांनी अर्थसंकल्प न वाचता घोषणाबाजी केली आणि प्रतिक्रिया दिल्या. पण मला असे वाटते की जनता तेव्हा तुम्हाला निवडून देते तेव्हा एवढी अपेक्षा असते की काय तरतुदी आहेत त्या वाचल्या पाहिजेत. मी पाहिले तर मला महाराष्ट्रासाठी अनेक मोठ्या घोषणा केल्याचे दिसून आले, असे फडणवीस यांनी सांगितले.

अनेक प्रगत देश अर्थव्यवस्थेशी झुंजत आहेत. अशा परिस्थितीत भारताने ८.२ टक्याची वाढ दाखवली आहे. ही वाढ भारताच्या अर्थव्यवस्थेच्या ताकदीचा अनुभव करुन देणारी वाढ आहे. २०२३-२४ मध्ये सामाजिक क्षेत्राचा खर्च दुप्पट झाला असून जवळपास ११ लाख कोटी वरून २३ लाख कोटीवर गेला आहे. तसेच आरोग्य क्षेत्राचा खर्च २०१७-१८ च्या तुलनेत आता जवळपास दुप्पट झाला आहे. २.५ लाख कोटीवरून ५.८५ लाख कोटीवर गेला आहे, असे फडणवीस यांनी सांगितले.

तसेच वित्तीय तूट देखील कमी होताना दिसत असून अर्थव्यवस्था आणखी मजबूत होत आहे. तसेच लाभार्त्यांच्या खात्यात ४० लाख कोटी रुपये थेट जमा करण्याचे काम मोदी सरकारने केले आहे. भारताच्या भविष्यात मोठी गुंतवणूक करणारा हा अर्थसंकल्प आहे. शेतकरी, महिला, युवा, गरीब या चार घटकांना समोर ठेऊन हा अर्थसंकल्प सादर करण्यात आला आहे. तसेच रोजगाराच्या क्षेत्रात आता अॅप्रेंटशीपची योजना केंद्राने सुरु केली आहे. या योजनेतून तरुणांना रोजगार मिळण्यासाठी मदत होणार आहे. तसेच तीन कोटी अतिरिक्त घरे बांधण्याचा निर्णय केंद्र सरकारने घेतला आहे. सर्वच क्षेत्रात रोजगार निर्माण होतील, देशात गुंतवणुकीला मोठा फायदा होईल. तसेच मुद्रा लोन १० लाखांपर्यंत कोणत्याही गॅरंटी शिवाय आधी मिळत होते. आता २० लाख रुपयांपर्यंत मुद्रा लोन कोणत्याही गॅरंटी शिवाय मिळणार आहे. एक कोटी कुटुंबांना ३०० युनीट वीज मोफत देण्यात येणार आहे, अशी माहिती फडणवीस यांनी दिली.

फडणवीस पुढे म्हणाले, या अर्थसंकल्पाच्या माध्यमातून ११ लाख कोटी रुपयांची गुंतवणूक पायाभूत सुविधांसाठी होणार आहे. दीड लाख कोटी रुपयांचे व्याजमुक्त कर्ज ५० वर्षांसाठी आणि १५ वर्षांसाठी अशा दोन योजना केंद्राने राज्यांसाठी आणल्या आहेत. तसेच नवी पेन्शन योजनेसंदर्भातही मोठी घोषणा करण्यात आली आहे. राज्यात ज्या प्रकारे आपण सर्व कर्मचारी संघटनांना बरोबर घेऊन काही नियम केले आहेत. त्याच धर्तीवर आता केंद्र सरकार देखील पुढे नेण्याचे काम करत आहे. या अर्थसंकल्पात फक्त घोषणांचा पाऊस न पाडता भविष्याचा वेध घेत हा अर्थसंकल्प सादर करण्यात आलेला आहे.

केंद्रीय अर्थसंकल्पामधून महाराष्ट्राला काय मिळाले?

⦁ विदर्भ मराठवाड्यातील सिंचन प्रकल्प : ६०० कोटी
⦁ महाराष्ट्र ग्रामीण रस्ते सुधार : ४०० कोटी
⦁ सर्वसमावेशक विकासासाठी इकॉनॉमिक कॉरिडॉर : ४६६ कोटी
⦁ पर्यावरणपूरक शाश्वत कृषि प्रकल्प : ५९८ कोटी
⦁ महाराष्ट्र कृषी आणि ग्रामीण परिवर्तन प्रकल्प : १५० कोटी
⦁ एमयूटीपी-३ : ९०८ कोटी
⦁ मुंबई मेट्रो : १०८७ कोटी
⦁ पुणे मेट्रो : ८१४ कोटी
⦁ नागपूर मेट्रो : ६८३ कोटी
⦁ मुळा मुठा नदी संवर्धन : ६९० कोटी
⦁ दिल्ली-मुंबई औद्योगिक कॉरिडॉर : ४९९ कोटी
⦁ एमएमआर ग्रीन अर्बन मोबिलिटी : १५० कोटी
⦁ नाग नदी पुनरुज्जीवन : ५०० कोटी

Maharashtra Rain : गडचिरोलीत पावसाचा हाहाकार! चौथ्या दिवशीही पूरजन्य स्थिती कायम

अनेक मार्ग बंद; नागरिकांचे जनजीवन विस्कळीत

गडचिरोली : गेल्या काही दिवसांपासून पावसाने महाराष्ट्रात (Maharashtra Rain) जोरदार हजेरी लावली आहे. यातच हवामान विभागाने (IMD) मागील तीन दिवस दिलेला अतिवृष्टीचा (Heavy Rain) इशारा देखील खरा ठरला आहे. मुंबईसह अनेक जिल्ह्यांत पावसाने धुमाकूळ घातल्याने अनेक रस्त्यांना नदीचे स्वरुप आले असून नागरिकांचे जनजीवन देखील विस्कळीत झाले. यातच गडचिरोली (Gadchiroli) जिल्ह्यातही मुसळधार पावसामुळे पूरस्थिती निर्माण झाली होती. अजूनही ती कायम तशीच राहिली असून नागरिकांना मोठा त्रास सहन करावा लागत आहे.

मिळालेल्या माहितीनुसार, मागील तीन दिवसांपासून गडचिरोली विभागात पावसाची संततधार सुरु असल्याने अनेक भागात पूरजन्य परिस्थिती निर्माण झाली. तसेच शेतांमध्येही पाणी साचल्यामुळे शेतातील पिकांचे मोठ्या प्रमाणात नुकसान झाले. यासोबत जिल्ह्यातून गेलेल्या तीन राष्ट्रीय महामार्गांसह २३ प्रमुख मार्ग वाहतुकीसाठी अजूनही बंदच ठेवल्याचे दिसून येत आहे. पाऊस सतत चालू असल्यामुळे पाण्याची पातळी कमी होत नाही, यामुळे नागरिक हैराण झाले आहेत.

दरम्यान, वाहतूक बंद असणाऱ्या रस्त्यांवर पोलीस प्रशासनांकडून बॅरिकेट्स देखील लावण्यात आले आहेत. तसेच सलग दुसऱ्या दिवशीही शाळा, महाविद्यालयांना जिल्हाधिकाऱ्यांनी सुट्टी जाहीर केली आहे. त्यासोबत गोसेखुर्द धरणाच्या पाण्यामुळे वैनगंगा नदीला पूर आल्याने वाहनचालकांचे मोठ्या प्रमाणात हाल होत आहेत.

PM Narendra Modi : मध्यमवर्गीयांना ताकद देणारा, मागासवर्गीय, दलितांचं सक्षमीकरण करणारा अर्थसंकल्प!

अर्थसंकल्पाबाबत पंतप्रधान नरेंद्र मोदी नेमकं काय म्हणाले?

नवी दिल्ली : एनडीए सरकारच्या (NDA Government) तिसऱ्या कार्यकाळात आज केंद्रीय अर्थसंकल्प (Union budget 2024) सादर केला जात आहे. अर्थसंकल्पीय भाषणात हा अर्थसंकल्प गरीब, महिला, तरुण आणि शेतकरी यावर केंद्रित असल्याचं केंद्रीय अर्थमंत्री निर्मला सीतारामन (Nirmala Sitharaman) यांनी सांगितलं आहे. तसेच यात अनेक तरतूदी करण्यात आल्या असून २०२४-२५ साठी एकूण खर्च ४८,२०,५१२ कोटी रुपये अपेक्षित आहे. या अर्थसंकल्पावर पंतप्रधान नरेंद्र मोदी (PM Narendra Modi) यांनी माध्यमांशी संवाद साधत आपली प्रतिक्रिया दिली आहे. ‘मध्यमवर्गीयांना ताकद देणारा, मागासवर्गीय, दलितांचं सक्षमीकरण करणारा हा अर्थसंकल्प’ असल्याचं पंतप्रधान मोदी म्हणाले.

पंतप्रधान नरेंद्र मोदी म्हणाले, ‘मागील १० वर्षांत २५ कोटी लोक गरीबीशी झुंजत होते. आजचा खरा अर्थसंकल्प गरीबांसाठी आहे. या अर्थसंकल्पामधून असंख्य संधी उपलब्ध होणार आहेत. शिक्षा आणि कौशल्यासाठी हा महत्वाचा अर्थसंकल्प आहे. मध्यमवर्गीयांना ताकद देणारा अर्थसंकल्प आहे. मागासवर्गीय, दलितांचं सक्षमीकरण करणारा अर्थसंकल्प आहे. या अर्थसंकल्पामध्ये अनेक योजना आहेत. या अर्थसंकल्पातून महिलांचं आर्थिक सक्षमीकरण होणार आहे. या अर्थसंकल्पातून छोट्या व्यापाऱ्यांना प्रगतीचा नवा मार्ग मिळेल, असंही ते म्हणाले.

पंतप्रधान नरेंद्र मोदी म्हणाले, ‘सरंक्षण दलाला आत्मनिर्भर करण्यासाठी अनेक तरतुदी या योजनेत करण्यात आल्या. जगातील लोकांचं भारताप्रती आकर्षण वाढलं आहे. त्यामुळे पर्यटन क्षेत्रातून गरीब आणि मध्यमवर्गीयांना अनेक संधी उपलब्ध होतात. त्यामुळे या अर्थसंकल्पात पर्यटन क्षेत्रावरही भर देण्यात आला आहे.

नव्या करप्रणालीतून मिळणार दिलासा

यंदा करप्रणालीत गरीब आणि मध्यमवर्गीयांना दिलासा देण्यात आला आहे. तसेच स्टॅडंर्ड डिडक्शन देखील वाढवण्यात आला आहे. टीडीएसच्या नियमातही बदल करण्यात आले आहेत. या अर्थसंकल्पात शेतकऱ्यांवर अधिक लक्ष देण्यात आलं. छोट्या शेतकऱ्यांसाठी अर्थसंकल्पात विचार करण्यात आला आहे. तसेच मध्यमवर्गीयांना अन्नाची उपलब्धता होण्यासाठी होणार आहे, असेही पंतप्रधान मोदींनी सांगितले.

अर्थसंकल्पात कोणत्या महत्त्वाच्या घोषणा?

पंतप्रधान मुद्रा योजनेसह, प्रधानमंत्री आवास योजना, MSME क्षेत्र यांबाबत काही महत्त्वाच्या घोषणा करण्यात आल्या आहेत. तसेच मोबाईल, इलेक्ट्रॉनिक वस्तूंसह कॅन्सरवरील औषधं, सोलार पॅनल, सोने, चांदी, लिथिअम बॅटरी, इलेक्ट्रॉनिक वाहनं, चामड्याच्या वस्तू या सर्व गोष्टी स्वस्तात मिळणार आहेत. नव्या कररचनेनुसार ३ लाखांपर्यत उत्पन्न असलेल्या व्यक्तींना कर भरावा लागणार नाही. त्यामुळे नवीन कररचना स्विकारलेल्यांना दिलासा मिळाला आहे.

अर्थसंकल्पातील घोषणा सविस्तर जाणून घेण्यासाठी यावर क्लिक करा –  

Union budget 2024 : भारताचा अर्थसंकल्प गरीब, महिला, तरुण आणि शेतकरी यांवर केंद्रीत!

 

Union Budget 2024 : इंटर्नशीप ते मॉडेल स्किल लोन… यंदाच्या अर्थसंकल्पात तरुणांसाठी खुशखबर!

Union Budget 2024 : ‘नवरत्न’ अर्थसंकल्पात युवा भारताचे प्रतिबिंब

मुख्यमंत्री एकनाथ शिंदे यांची प्रतिक्रिया

सर्वसामान्यांना दिलासा; विकसित भारत संकल्पनेला बळ

पंतप्रधानांनी कोट्यवधी देशवासियांचा विश्वास ठरविला सार्थ

मुंबई : कररचनेत मोठे बदल करून सर्वसामान्यांना दिलासा देऊन पंतप्रधान नरेंद्र मोदी यांनी कोट्यवधी देशवासियांचा विश्वास सार्थ ठरविला. केंद्रिय अर्थमंत्री निर्मला सीतारामन यांनी मांडलेला हा अर्थसंकल्प शेतकरी, महिला, युवा, कौशल्य विकास, रोजगार, पायाभूत सुविधांची उभारणी, शहरांचा विकास अशा विविध नऊ घटकांवर लक्ष केंद्रीत करणारा नवरत्न अर्थसंकल्प असल्याची प्रतिक्रिया व्यक्त करतानाच युवकांच्या कल्याणासाठी भरीव तरतूद, रोजगाराला चालना देणारा आणि ‘विकसित भारत’ संकल्पनेला बळ देणारा असल्याचे मुख्यमंत्री एकनाथ शिंदे यांनी आज येथे सांगितले.

शेतकऱ्यांना बळ

केंद्रीय अर्थमंत्री निर्मला सीतारामन यांनी सलग सातव्यांदा आज केंद्रीय अर्थसंकल्प मांडला त्याबद्दल त्यांचे अभिनंदन करीत मुख्यमंत्री श्री. शिंदे म्हणाले, गरीब, महिला, युवा, शेतकरी या घटकांवर भर देतानाच कृषी व संलग्न क्षेत्रांसाठी १.५२ लाख कोटींची तरतूद तसेच शेती क्षेत्रातील उत्पादकता वाढवण्यासाठी डिजिटल पब्लिक इन्फ्रास्ट्रक्चर पुरविण्याचा निर्णय हा कृषी क्षेत्राबरोबरच शेतकऱ्यांना बळ देणारा आहे. त्याचबरोबर एक कोटी शेतकऱ्यांना नैसर्गिक शेतीसाठी प्रोत्साहन देण्याचा निर्णय हा काळाची गरज असल्याचे मुख्यमंत्र्यांनी सांगितले. राज्य शासनाने देखील महाराष्ट्रात नैसर्गिक शेतीला चालना देण्यासाठी पावले उचलल्याचे मुख्यमंत्र्यांनी सांगितले.

नविन कररचना ही सामान्यांना, नोकरदारांना दिलासा देणारी असून त्याचे मी स्वागतच करतो. या नव्या कररचनेमुळे करदात्यांची संख्याही वाढेल. यातून विकासाला आवश्यक असणारे करसंकलनातही महाराष्ट्रात अग्रेसर राहील, असा विश्वास मुख्यमंत्र्यांनी व्यक्त केला.

ग्रामीण भागाचा कायापालट

या अर्थसंकल्पात शेती क्षेत्रातील उत्पादकता, रोजगार व कौशल्य विकास, मनुष्यबळ विकास व सामाजिक न्याय, उत्पादन व सेवा, शहरी विकास, उर्जा संरक्षण, पायाभूत संरचना, संशोधन व विकास, नव्या पीढीतील सुधारणा या नऊ घटकांचा प्रामुख्याने विचार करण्यात आल्याने सर्वसमावेशक असा हा अर्थसंकल्प असल्याचे सांगत ग्रामीण भारताच्या विकासासाठी केलेली २.६६ लाख कोटी रुपयांची तरतूद खेड्यांचा कायापालट करणारी ठरेल, असा विश्वास मुख्यमंत्री श्री. शिंदे यांनी व्यक्त केला.

५० लाख अतिरिक्त रोजगार

आपला देश युवांचा आहे असे नेहमी म्हटले जाते. त्याचे प्रतिबिंब आजच्या अर्थसंकल्पात पहायला मिळाले असून युवा वर्गासाठी मोठ्या प्रमाणात तरतुदी करण्यात आल्या आहेत पहिल्यांदाच रोजगारासाठी तयार झालेल्या युवकांना एक महिन्याचा भत्ता पहिल्या महिन्यात देण्याचा निर्णय हा युवांसाठी दिलासा देणारा आहे. ५० लाख अतिरिक्त रोजगार निर्माण करण्याचा देखील निर्धार अर्थसंकल्पातून करण्यात आला आहे. यामुळे महाराष्ट्रातील युवकांनाही रोजगाराची मोठी संधी निर्माण होणार आहे.

देशातील ५०० अग्रणी कंपन्यांमध्ये युवकांना इंटर्नशिप संधी मिळणार असून पाच वर्षांत सुमारे एक कोटी तरुणांना याचा फायदा होणार आहे. कौशल्य विकासासाठी जाहिर केलेल्या नवीन योजनेद्वारे राज्य सरकार व उद्योगविश्व यांच्या संयुक्त विद्यमातून ५ वर्षांच्या काळात २० लाख युवकांना कौशल्यविकास प्रशिक्षण देण्यात येणार आहे. मुद्रा योजनेतून दुप्पट कर्ज देण्याचा निर्णयही युवांना सक्षम करणारा आहे.

पायाभूत सुविधांसाठी ११ लाख कोटी

अर्थसंकल्पात पायाभूत सुविधांच्या निर्माणासाठी देखील भरीव तरतूद करण्यात आला आहे. देशात पायाभूत सुविधा उभारणी कामात महाराष्ट्र अग्रेसर आहे. अर्थसंकल्पात पायाभूत सुविधा उभारण्यासाठी ११ लाख कोटींची भांडवली तरतूद करण्यात आली आहे. याशिवाय पायाभूत सुविधांमध्ये होणाऱ्या खासगी गुंतवणुकीला सरकारी धोरणांमधून प्रोत्साहन देण्याचा निर्णय घेतला आहे. यामुळे महाराष्ट्रातील पायाभूत सुविधांच्या कामांना अधिक पाठबळ मिळेल असा विश्वासही मुख्यमंत्र्यांनी व्यक्त केला आहे. देशभरात रस्तेबांधणीसाठी २६ हजार कोटींचा खर्च केला जाणार असल्याने दळणवळणाचे जाळे मजूबत होणार आहे. देशभरात १२ इंडस्ट्रियल पार्कला नॅशनल इंडस्ट्रियल कॉरिडॉर डेव्हलपमेंट प्रोग्रॅमअंतर्गत मंजुरी देण्याचा निर्णय हा उद्योगक्षेत्राला भरारी देणारा आहे.

देशभरातील २५ हजार गावांसाठी चांगल्या दर्जाचे रस्ते बनवण्यासाठी पंतप्रधान ग्राम सडक योजना टप्पा ४ सुरू करण्याचा निर्णय महाराष्ट्राच्या ग्रामीण भागातील रस्त्यांच्या विकासासाठी महत्वपूर्ण ठरणार आहे. पीएम सूर्यघर मुफ्त बिजली योजनेद्वारे सौर ऊर्जेला चालना मिळणार असून अर्थसंकल्पातील तरतुदी आणि योजनांमुळे महाराष्ट्राच्या विकासात मोठी भर होणार असल्याचे मुख्यमंत्र्यांनी सांगितले.

Union Budget 2024 : नव्या अर्थसंकल्पात मोबाईल, इलेक्ट्रॉनिक वस्तूंसह ‘या’ गोष्टी स्वस्त

सोने, चांदीच्या दरात घसरण तर कॅन्सरवरील औषधंही मिळणार स्वस्तात

नवी दिल्ली : एनडीए सरकारच्या (NDA Government) तिसऱ्या कार्यकाळात आज केंद्रीय अर्थसंकल्प (Union budget 2024) सादर करण्यात आला. यंदाच्या अर्थसंकल्पात सर्वसामान्यांना दिलासा देणाऱ्या घोषणा करण्यात आल्या आहेत. त्यातच मोबाईल, इलेक्ट्रॉनिक वस्तूंसह अनेक गोष्टींच्या किंमती कमी करण्यात आल्या आहेत. त्यानुसार कॅन्सरवरील औषधं, सोलार पॅनल, सोने, चांदी, लिथिअम बॅटरी, इलेक्ट्रॉनिक वाहनं, चामड्याच्या वस्तू या सर्व गोष्टी स्वस्तात मिळणार आहेत.

देशाच्या अर्थमंत्री निर्मला सीतारामन यांनी आज संसदेत अर्थसंकल्प सादर केला. या अर्थसंकल्पात अनेक महत्त्वाच्या निर्णयांसह मोबाईल, चार्जर आणि इतर गोष्टींवरील १५ टक्क्यांनी कमी करण्यात आलं आहे. या गोष्टींवर सीमाशुल्क (Custom Duty) खूप जास्त असल्याने या वस्तू खूप महाग होत्या. मात्र, आता मोबाइलवरील पीसीबीए (Printed Circuit Board Assembly) आणि मोबाईल चार्जरवरील बीसीडी (Basic Custom Duty) कस्टम ड्युटी १५ टक्क्यांपर्यंत कमी करण्याचा प्रस्ताव देण्यात आला आहे. त्यामुळे आता ही उत्पादने स्वस्त होणार आहेत. सरकार देशात मोबाइल फोन, इलेक्ट्रॉनिक्स वस्तूंचे उत्पादन करण्याला प्राधान्य देणार आहे.

का कमी करण्यात आली कस्टम ड्युटी?

अर्थसंकल्प सादर करताना निर्मला सीतारामन यांनी सांगितले की, गेल्या काही दिवसांत देशांतर्गत मोबाईल फोनच्या उत्पादनात वाढ झाली आहे आणि मोबाईल फोनच्या निर्यातीत १०० पट वाढ झाली आहे. गेल्या सहा वर्षात भारतातील मोबाईल उद्योग खूप विकसित झाला आहे. त्यामुळे मोबाईल आणि चार्जरवरील कस्टम ड्युटी १५ टक्क्यांनी कमी करण्याचा निर्णय घेण्यात आला आहे.

सोने चांदीच्या दरात घसरण

सोने-चांदी आणि प्लॅटिनमच्या किंमती आता स्वस्त होणार आहेत. सोने-चांदीवरील कस्टम ड्युटी ६ टक्क्यांनी कमी करण्यात आली आहे, तर प्लॅटिनमवरील कस्टम ड्युटी ६.५ टक्क्यांनी कमी करण्यात आली आहे. त्यामुळे आता सर्वसामान्य नागरिकांना दिलासा मिळाला आहे.