मुंबई : महाराष्ट्रातील हवामानात पुन्हा एकदा मोठा बदल पाहायला मिळत आहे. भारतीय हवामान विभागाने (IMD) राज्यातील काही भागांसाठी पावसाचा इशारा जारी केला असून, विजांच्या कडकडाटासह मुसळधार पावसाची शक्यता वर्तवण्यात आली आहे. त्यामुळे नागरिकांना सतर्क राहण्याचे आवाहन करण्यात आले आहे. (Maharashtra Weather Update)
हवामान विभागाच्या ताज्या अंदाजानुसार, राज्यातील कोकण किनारपट्टी, मध्य महाराष्ट्रातील घाट परिसर आणि विदर्भातील काही भागांमध्ये पावसाचा प्रभाव कायम राहण्याची शक्यता आहे. कोकण आणि घाटमाथ्यावर हलक्या ते मध्यम स्वरूपाच्या पावसाच्या सरी कोसळू शकतात, तर काही ठिकाणी पावसाचा जोर वाढण्याची शक्यता आहे. (Maharashtra Weather Update)
नवी दिल्ली : देशभरात कार्यरत असलेल्या खासगी गुप्तहेर (Private Detectives) संस्थांवर कायदेशीर नियंत्रण आणण्याची गरज व्यक्त करत सर्वोच्च न्यायालयाने (Supreme Court) केंद्र ...
दरम्यान, मराठवाड्यातील काही जिल्ह्यांमध्ये हलक्या पावसाची शक्यता असून, विदर्भात हवामान विभागाने विशेष सतर्कतेचा इशारा दिला आहे. विदर्भातील काही भागांत विजांचा कडकडाट, वादळी वारे आणि जोरदार पावसाची शक्यता असल्याचे IMD ने सांगितले आहे. (Maharashtra Weather Update)
‘या’ ६ जिल्ह्यांना यलो अलर्ट :
राज्यातील हवामानाची स्थिती लक्षात घेता हवामान विभागाने सहा जिल्ह्यांसाठी यलो अलर्ट (Yellow Alert) जारी केला आहे. यामध्ये रत्नागिरी, सातारा, बुलढाणा, अकोला, अमरावती आणि नागपूर या जिल्ह्यांचा समावेश आहे. या भागांमध्ये काही ठिकाणी विजांच्या कडकडाटासह जोरदार पाऊस होण्याची शक्यता आहे. त्यामुळे नागरिकांनी हवामानाचा अंदाज घेऊनच घराबाहेर पडावे, असे आवाहन प्रशासनाकडून करण्यात आले आहे. (Maharashtra Weather Update)
नवी दिल्ली : देशाची राजधानी दिल्ली रविवारी (२ ऑगस्ट) पहाटे सौम्य भूकंपाच्या धक्क्यांनी हादरली. पहाटे ४.१४ वाजता झालेल्या या भूकंपाची तीव्रता रिश्टर ...
नागरिकांना सतर्कतेचे आवाहन :
विजांचा कडकडाट होत असताना नागरिकांनी मोकळ्या मैदानात जाणे टाळावे. तसेच झाडाखाली उभे राहणे, विजेच्या खांबांजवळ थांबणे आणि पावसाळी प्रवासात निष्काळजीपणा करणे टाळावे, अशा सूचना देण्यात आल्या आहेत. शेतकऱ्यांनीही हवामानाचा अंदाज घेऊन शेतीची कामे करावीत, असा सल्ला देण्यात आला आहे. अचानक येणाऱ्या पावसामुळे नदी-नाले, ओढे आणि सखल भागांमध्ये पाणी साचण्याची शक्यता असल्याने स्थानिक प्रशासनानेही तयारी ठेवली आहे. (Maharashtra Weather Update)
दरम्यान, राज्यातील पावसाचा हा प्रभाव पुढील काही दिवस कायम राहण्याची शक्यता असून नागरिकांनी IMD च्या अधिकृत अपडेट्सवर लक्ष ठेवण्याचे आवाहन करण्यात आले आहे. (Maharashtra Weather Update)
