नवी दिल्ली : देशाची राजधानी दिल्ली रविवारी (२ ऑगस्ट) पहाटे सौम्य भूकंपाच्या धक्क्यांनी हादरली. पहाटे ४.१४ वाजता झालेल्या या भूकंपाची तीव्रता रिश्टर स्केलवर २.९ इतकी नोंदवण्यात आली. भूकंपाची तीव्रता कमी असल्याने कोणतीही जीवितहानी किंवा मालमत्तेचे नुकसान झाले नसल्याची माहिती आहे. मात्र काही नागरिकांना हलके कंप जाणवले. (Delhi Earthquake)
नॅशनल सेंटर फॉर सिस्मॉलॉजी (NCS) च्या माहितीनुसार, भूकंपाचे केंद्र उत्तर दिल्ली परिसरात होते. त्याचे स्थान २८.७२१ अंश उत्तर अक्षांश आणि ७६.९५७ अंश पूर्व रेखांश येथे असून केंद्रबिंदू जमिनीपासून सुमारे ८ किलोमीटर खोलीवर होता. उथळ खोलीवर झालेल्या भूकंपामुळे आसपासच्या भागांमध्येही सौम्य धक्के जाणवले. (Delhi Earthquake)
सिक्किम : कोविड-१९ महामारी आणि त्यानंतरच्या सीमा तणावामुळे २०२० पासून बंद असलेला भारत-चीन सीमा व्यापार तब्बल ६ वर्षांच्या खंडानंतर १ ऑगस्ट २०२६ रोजी ...
भूकंपतज्ज्ञांच्या मते, २.९ तीव्रतेचा भूकंप सौम्य स्वरूपाचा मानला जातो. अशा भूकंपामुळे मोठ्या प्रमाणात नुकसान होण्याची शक्यता अत्यंत कमी असते. त्यामुळे नागरिकांनी घाबरण्याचे कारण नसल्याचे तज्ज्ञांनी स्पष्ट केले आहे. दिल्ली-एनसीआरमधून कोणत्याही प्रकारच्या नुकसानाची किंवा जखमींची माहिती समोर आलेली नाही. (Delhi Earthquake)
रविवारची पहाट असल्याने बहुतेक नागरिक झोपेत होते. त्यामुळे अनेकांना भूकंपाची जाणीवही झाली नाही. काहींनी मात्र हलक्या कंपाची अनुभूती आल्याचे सांगितले. प्रशासनाने नागरिकांना अफवांवर विश्वास न ठेवता अधिकृत माहितीवरच विश्वास ठेवण्याचे आवाहन केले आहे. (Delhi Earthquake)
अयोध्या : उत्तर प्रदेशातील अयोध्या येथील राजर्षी दशरथ मेडिकल कॉलेजमध्ये शनिवारी सकाळी एक धक्कादायक प्रकार उघडकीस आला. महाविद्यालयाच्या एक्स-रे ...
अरुणाचल प्रदेश आणि आसाममध्येही भूकंपाचे धक्के :
दिल्लीपुरतेच नव्हे, तर रविवारी सकाळी ५.३८ वाजता अरुणाचल प्रदेश आणि आसाममध्येही भूकंपाचे सौम्य धक्के जाणवले. या भूकंपाची तीव्रता रिश्टर स्केलवर २.८ इतकी नोंदवली गेली असून त्याचा केंद्रबिंदू जमिनीखाली सुमारे ५ किलोमीटर खोलीवर होता. सुदैवाने या भागातही कोणत्याही नुकसानाची माहिती मिळालेली नाही. (Delhi Earthquake)
