ठाणे : ठाण्यातील विवियाना मॉलमध्ये सोमवारी प्रेक्षक हर हर महादेव सिनेमा पाहण्यासाठी आले. मात्र, या प्रेक्षकांना पॉलिटिकल पिक्चर पाहायला मिळाला. विवियाना मॉलमधील राड्याप्रकरणी आव्हाड यांच्यासह १०० कार्यकर्त्यांवर गुन्हा दाखल झाला आहे. वर्तकनगर पोलिसांत गुन्हा दाखल करण्यात आला आहे.
राष्ट्रवादीच्या या आंदोलनानंतर मनसे नेते अविनाश जाधव यांनी विवियाना मॉल गाठले आणि चित्रपटाचा शो पुन्हा सुरु केला. यावेळी अविनाश जाधव यांनी शो बंद करुन दाखवा, असे थेट आव्हान आव्हाडांना दिले. विवियाना मॉलमधील राड्याप्रकरणी फिर्यादी परिक्षित विजय धुर्वे यांच्या तक्रारीवरुन आव्हाड यांच्या १०० कार्यकर्त्यांवर वर्तकनगर पोलिसांत गुन्हा दाखल करण्यात आला आहे.