मुंबई: इंडियन प्रीमियर लीग २०२४मध्ये(indian premier league) ज्या सामन्यांची प्रेक्षक आतुरतेने वाट पाहत होते तो सामना रविवारी १४ एप्रिलला खेळवण्यात आला. चेन्नई सुपर किंग्ससमोर मुंबई इंडियन्सचा संघ खेळण्यासाठी उतरला होता.
हार्दिक पांड्याने टॉस जिंकला आणि पहिल्यांदा गोलंदाजीसाठी उतरला. चेन्नई सुपर किंग्सने मुंबईसमोर धावांचा डोंगर उभा केला. सलामीसाठी अजिंक्य रहाणेला पाठवण्याचा निर्णय चुकीचा ठरला. मात्र कर्णधार ऋतुराज गायकवाडने पहिली विकेट पडल्यानंतर डाव सांभाळला.
४० बॉलमध्ये ५ चौकार आणि तितकेच षटकार ठोकत या स्टार क्रिकेटरने ६९ धावांची खेळी केली. शिवम दुबेने या सामन्यात ३८ बॉलवर नाबाद ६६ धावांची खेळी केली. अखेरीस महेंद्रसिंग धोनीने २० धावा करत स्कोर २०० पार पोहोचवला.
DO NOT MISS
MSD 🤝 Hat-trick of Sixes 🤝 Wankhede going berserk
Sit back & enjoy the LEGEND spreading joy & beyond 💛 😍
Watch the match LIVE on @JioCinema and @StarSportsIndia 💻📱#TATAIPL | #MIvCSK | @msdhoni | @ChennaiIPL pic.twitter.com/SuRErWrQTG
— IndianPremierLeague (@IPL) April 14, 2024
धोनीने ५०० च्या स्ट्राईक रेटने कुटल्या धावा
चेन्नई सुपर किंग्सचा कर्णधार महेंद्रसिंग धोनीने शेवटच्या ओव्हरमध्ये मैदानावर पाय ठेवला आणि ५००च्या स्ट्राईक रेटने धावांचे वादळ आणले. १९.२ षटकांत विकेट पडल्यानंतर फलंदाजीसाठी उतरलेल्या माहीने ४ बॉलमध्ये ३ षटकार ठोकत २० धावा केल्या. हार्दिक पांड्या शेवटची ओव्हर करत होता आणि त्याने दुसऱ्या बॉलमध्ये डॅरेल मिचेलची विकेट मिळवली. यानंतर धोनी आला आणि त्याने सलग ३ षटकार ठोकत मुंबईच्या कर्णधाराची लाईन लेंथ बिघडवली.