मुंबई : टीव्ही अभिनेता नितेश पांडे यांचे २३ मे रोजी (काल) रात्री हृदयविकाराच्या धक्क्याने निधन झाले. ते ५१ वर्षाचे होते. त्यांच्या निधनाच्या बातमीने सर्वांनाच धक्का बसला आहे.
‘अनुपमा’ या प्रसिद्ध शोमध्ये रुपाली गांगुलीची मैत्रिण देविकाच्या पतीची भूमिका साकारून ते घराघरात लोकप्रिय झाले होते. त्याच्या निधनाच्या बातमीने मनोरंजन क्षेत्रात मोठी शोककळा पसरली आहे.
लेखक सिद्धार्थ नागर यांनी फेसबुकवर पोस्ट करत याबाबत माहिती दिली आहे. सिद्धार्थ नगर यांनी म्हटले आहे की, एका कार्यक्रमातून परतत असताना त्यांना नितीश पांडे यांच्या निधनाची बातमी मिळाली. नितीश शूटिंगसाठी इगतपूरला गेले होते. त्या ठिकाणी रात्री दीडच्या सुमारास त्यांना हृदयविकाराचा झटका आला होता. मात्र, मृतदेह केव्हा आणण्यात आला आणि अंत्यसंस्कार केव्हा होणार याबाबत त्यांना फारशी माहिती नसल्याचे त्यांनी म्हटले आहे.
नितेश यांचे पहिले लग्न अश्विनी काळसेकरशी झाले होते तर दुसरे मुरली शर्माशी झाले आहे. नितेश ‘ओम शांती ओम’मध्ये शाहरुखच्या असिस्टंटची भूमिका साकारण्यासाठी ओळखले जात होते. नितेशने अनेक ‘दबंग २’, ‘खोसला का घोसला’ आणि टीव्ही मालिकांमध्ये महत्त्वाच्या भूमिका साकारल्या आहेत. ते सध्या ‘इंडियावाली माँ’, ‘अनुपमा’मध्ये काम करत होते.