India - Italy Relations : भारत-इटली संबंधांना नवी उंची! २०२९ पर्यंत २२ अब्ज युरो व्यापाराचे लक्ष्य; ‘स्पेशल स्ट्रॅटेजिक पार्टनरशिप’वर शिक्कामोर्तब

भारत आणि इटलीमधील संबंधांनी आता एक नवा ऐतिहासिक टप्पा गाठला आहे. पंतप्रधान नरेंद्र मोदी आणि इटलीच्या पंतप्रधान जॉर्जिया मेलोनी यांच्यात रोम येथे झालेल्या द्विपक्षीय चर्चेनंतर दोन्ही देशांनी आपल्या संबंधांना अधिकृतपणे ‘स्पेशल स्ट्रॅटेजिक पार्टनरशिप’चा दर्जा दिला आहे. या निर्णयामुळे भारत-इटली संबंध अधिक मजबूत आणि भविष्याभिमुख होणार असल्याचे स्पष्ट झाले आहे. (India - Italy Relations)

Melody Trend and Parle Shares : 'Melodi' ट्रेंडची कमाल; क्षणार्धात वाढले पार्लेचे शेअर्स; पण फायदा मात्र दुसऱ्याच कंपनीचा झाला; जाणून घ्या नेमकं काय घडलं

नवी दिल्ली : भारताचे पंतप्रधान नरेंद्र मोदी सध्या इटलीच्या दौऱ्यावर आहेत. या दौऱ्यावर नरेंद्र मोदी यांनी इटलीच्या पंतप्रधान जॉर्जिया मेलोनी यांची ...

२२ अब्ज युरो व्यापाराचे मोठे लक्ष्य :

दोन्ही देशांनी आर्थिक सहकार्याला नवी गती देत सध्याचा सुमारे १४ अब्ज युरो असलेला द्विपक्षीय व्यापार २०२९ पर्यंत २२ अब्ज युरोपर्यंत नेण्याचे महत्त्वाकांक्षी लक्ष्य निश्चित केले आहे. या वाढीसाठी भारत-युरोपियन युनियन यांच्यातील प्रस्तावित मुक्त व्यापार करार (FTA) निर्णायक भूमिका बजावेल, असा विश्वास दोन्ही नेत्यांनी व्यक्त केला. या निर्णयामुळे दोन्ही देशांतील उद्योग, व्यापार आणि गुंतवणुकीला मोठी चालना मिळणार आहे. (India - Italy Relations)

तंत्रज्ञान, AI आणि अंतराळ क्षेत्रात मोठे सहकार्य :

भारत आणि इटली यांच्यातील भविष्यातील भागीदारीचा केंद्रबिंदू तंत्रज्ञान असणार आहे. आर्टिफिशियल इंटेलिजन्स (AI), क्वांटम तंत्रज्ञान, अंतराळ संशोधन आणि नागरी अणुऊर्जा या क्षेत्रांमध्ये सहकार्य वाढवण्यावर भर देण्यात आला आहे. (India - Italy Relations)

Virat Kohli : ९ वर्षांत कुणी विचारलंच नाही – तू कसा आहेस ? कसोटी कर्णधारपद सोडण्यावरून विराट कोहलीचा भावनिक खुलासा ..

बेंगळुरू : विराटने कसोटी कर्णधारपद सोडून आज ४ वर्षे उलटून गेली आहेत तरीही त्याच्या त्या निर्णयावर अजूनही बऱ्याच चर्चा रंगताना आपल्याला पाहायला ...

याच पार्श्वभूमीवर ‘भारत-इटली इनोव्हेशन सेंटर’ स्थापन करण्याची घोषणा करण्यात आली आहे. यामुळे दोन्ही देशांतील स्टार्टअप्स, संशोधन संस्था आणि उद्योगांना एकत्रित काम करण्याची मोठी संधी उपलब्ध होणार आहे. (India - Italy Relations)

दहशतवादाविरोधात संयुक्त भूमिका :

सुरक्षा आणि जागतिक शांततेच्या मुद्द्यावर दोन्ही देशांनी दहशतवादाविरोधात कठोर भूमिका घेतली आहे. पंतप्रधान मोदी यांनी स्पष्ट केले की भारत आणि इटली दहशतवादाच्या वित्तपुरवठ्याविरोधात एकत्र काम करत आहेत आणि या लढाईत ठोस परिणाम साध्य केले आहेत. युक्रेन आणि पश्चिम आशियातील संघर्षांवरही दोन्ही देशांनी शांततामय आणि मुत्सद्देगिरीच्या मार्गाने तोडगा काढण्यावर भर दिला. (India - Italy Relations)

Maharashtra Heat Wave : महाराष्ट्रात उष्णतेचा कहर! IMD चा हाय अलर्ट; ‘गरज असेल तरच घराबाहेर पडा’, नागरिकांना इशारा

महाराष्ट्रात पुन्हा एकदा उष्णतेची तीव्र लाट उसळली असून राज्यातील अनेक जिल्ह्यांमध्ये तापमानाने अक्षरशः विक्रमी पातळी गाठली आहे. विदर्भ आणि ...

Appena atterrato a Roma, ho avuto l'opportunità di incontrare il Primo Ministro Meloni a cena, seguita da una visita all'iconico Colosseo. Abbiamo scambiato opinioni su una vasta gamma di argomenti. Attendo con interesse i nostri colloqui di oggi, durante i quali proseguiremo la… pic.twitter.com/12yt8UipaJ

— Narendra Modi (@narendramodi) May 20, 2026

८०० हून अधिक इटालियन कंपन्यांचा भारतात सहभाग :

या दौऱ्यादरम्यान पंतप्रधान मोदी यांनी सांगितले की ८०० हून अधिक इटालियन कंपन्या भारताच्या विकासात सक्रिय योगदान देत आहेत. भारत-इटली संयुक्त सामरिक कृती योजना २०२५-२०२९ ही दोन्ही देशांच्या संबंधांना व्यावहारिक आणि भविष्याभिमुख दिशा देणार असल्याचेही त्यांनी स्पष्ट केले.

एकूणच, भारत-इटली भागीदारी आता केवळ व्यापारापुरती मर्यादित न राहता तंत्रज्ञान, सुरक्षा आणि जागतिक सहकार्याच्या नव्या युगात प्रवेश करत असल्याचे या चर्चेतून स्पष्ट झाले आहे. (India - Italy Relations)