कोलकाता: पश्चिम बंगालच्या(west bengal) मुर्शिदाबादमध्ये रामनवमीच्या(ram navmi) उत्साहादरम्यान दगडफेक केल्याची घटना समोर आली आहे. खरंतर, मुर्शिदाबाद जिल्ह्याच्या रेजीनगर स्थित शक्तिपूर भागात बुधवारी संध्याकाळी राम नवमीनिमित्त शोभायात्रेदरम्यान हिंसाचाराची घटना घडली. यात काही लोक जखमी झाल्याचेही सांगण्यात येत आहे. असाही दावा केला जात आहे की जेव्हा राम नवमीची शोभायात्रा काढली जात होती तेव्हा या भागात दगडफेक सुरू झाली आणि लोकांना छतावरून दगड फेकताना पाहिले गेले. दरम्यान, पोलिसांना हे रोखण्यासाठी लाठी चार्जही करावा लागला. भाजपचा आरोप आहे की रेजीनगरमध्ये हिंदू भक्तांना निशाणा बनवण्यात आले.
मुशिर्दाबाग जिल्ह्यातील शक्तिपूरमध्ये बुधवारी संध्याकाळी रामनवमीनिमित्त शोभा यात्रेदरम्यान स्फोटही झाला. यात एक महिलाही जखमी झाली. पोलिसांच्या माहितीनुसार या जखमी महिलेला मुर्शिदाबाद मेडिकल कॉलेज व रुग्णालयात नेण्यात आले. पोलीस अधिकाऱ्यांनी दिलेल्या माहितीनुसार हा स्फोट बुधवारी संध्याकाळी झाला. यात एक महिला जखमी झाली. या घटनेचा तपास केला जात आहे. दरम्यान, अधिकाऱ्यांनी हे स्पष्ट केले नाही की हा स्फोट बॉम्बमुळे झाला की इतर कारणांनी.
Mamata Banerjee is a blot on West Bengal. She, once again, failed to protect Ramanavami Shobha Yatras. Hindu devotees targeted in Rejinagar, Murshidabad. Hindus are a minority in this area. Just pointing it out, so that she doesn’t blame the Hindus for the attack on themselves… pic.twitter.com/pzvJt0aZ4x
— Amit Malviya (मोदी का परिवार) (@amitmalviya) April 17, 2024
अशीही माहिती आहे की ही घटना बुधवारी संध्याकाळी शक्तिपूर भागात झाली. या ठिकाणी एक समूह राम नवमीनिमित्त जल्लोष करत होता. सोशल मीडियावर याचे अनेक व्हिडिओ व्हायरल झाले ज्यात या भागात लोक आपल्या छतावरून शोभायात्रेवर दगडफेक करताना दिसत आहे. यावेळी गोंधळ झाल्याने तो आवरम्यासाठी पोलिसांना लाठीचार्ज करावा लागला.
दरम्यान, भाजपचे नेते अमित मालवीय यांनी ट्वीट करत आरोप केला की मुर्शिदाबादच्या रेजीनगरमध्ये हिंदू भक्तांना राम नवमीच्या उत्सवादरम्यान निशाणा बनवण्यात आले. अमित मालवीय म्हणाले, ममता बॅनर्जी पश्चिम बंगालसाठी कलंक आहेत. त्यांनी पुन्हा एकदा रामनवमीच्या शोभायात्रेच्या सुरक्षेत विघ्न आणले. मुर्शिदाबादच्या रेजीनगरमध्ये हिंदू भक्तांना निशाणा बनवण्यात आले. या भागात हिंदू अल्पसंख्यांक आहेत.