मुंबई: टीम इंडियाचे माजी क्रिकेटर्स गौतम गंभीर(gautam gambhir) आणि एस श्रीसंत(s sreesanth) यांच्यातील वाद काही थांबण्याचे नाव घेत नाही आहे. बुधवारी लीजेंड्स क्रिकेट सामन्यादरम्यान सुरू झालेला हा वाद आता सोशल मीडियावरही सुरू आहे. कधी श्रीसंत व्हिडिओच्या माध्यमातून गौतम गंभीरवर आरोप करत आहे तर कधी गंभीर पोस्टच्या माध्यमातून या वादात तेल ओतण्याचे काम करत आहे.
आताची लेटेस्ट अपडेट म्हणजे आता गंभीरच्या पोस्टवर श्रीसंतने बरीच मोठी प्रतिक्रिया व्यक्त केली आहे.
येथून झाली सुरूवात
६ डिसेंबर २०२३च्या संध्याकाळी लालभाई कॉन्ट्रॅक्टर स्टेडियममध्ये गुजरात जायंट्स आणि इंडिया कॅपिटल्स यांच्यात लीजेंड् लीग क्रिकेटचा एलिमिनेटर सामना खेळवण्यात आला. या दरम्यान इंडिया कॅपिटल्सचा गौतम गंभीर आणि गुजरात जायंट्सचा श्रीसंत यांच्यात वाजले. वाद इतका वाढला की क्रिकेटर्ससोबत अंपायरर्सनाही यावे लागले. गोष्ट इथेच संपली नाही. यानंतर सोशल मीडियावर वाद सुरू झाला.
इन्स्टाग्राम व्हिडिओ ते सोशल मीडिया बनला वादाचा आखाडा
सगळ्यात आधी श्रीसंतने इन्स्टाग्रामवर व्हिडिओ शेअर करत गौतम गंभीरवर अनेक आरोप केले. त्याच्या या पोस्टवर त्याची पत्नी भुवनेश्वर कुमारीनेही गंभीरला बरेच सुनावले.यानंतर गौतम गंभीरने आपल्या इन्स्टाग्राम पोस्टवर हसतानाचा फोटो लावला आणि लिहिले की जेव्हा जग केवळ लक्ष वेधण्यासाठी काहीही करत असेल तेव्हा फक्त हसा. गंभीरच्या या पोस्टनंतर श्रीसंत आणखीनच बावचळला आणि त्याने या दिग्गज फलंजाला खूप काही सुनावले.
गंभीरच्या पोस्टवर श्रीसंतने दिली की प्रतिक्रिया
श्रीसंतने लिहिले, तुम्ही एक खेळाडू आणि भावाच्या मर्यादा पार केल्या आहेत. सगळ्यात मोठी बाब म्हणजे की तुम्ही लोकांचे प्रतिनिधित्व करता. यानंतरही तुम्ही प्रत्येक क्रिकेटरशी भांडत असता. तुमचा प्रॉब्लेम काय आहे. मी फक्त हसून पाहिले आणि तुम्ही मला फिक्सर असा करार दिला. तुम्ही सुप्रीम कोर्टापेक्षा वर आहात आहे. तुम्हाला असे बोलण्याचा आणि काहीही म्हणण्याचा अधिकार नाही. तुम्ही अंपायरला अपशब्द वापरले आणि तरीही तुम्ही हसायचे असे म्हणता आहात.
तुम्ही एक अहंकारी आणि पूर्णपणे क्लासलेस व्यक्ती आहात. जे तुम्हाला सपोर्ट करतात त्यांच्या मनातही तुमच्याबद्दल आदर नाही. कालपर्यंत मी तुमचा आणि तुमच्या कुटुंबियांचा आदर ठेवत होतो. तुम्ही फिक्सर हा अपमानजनक शब्द केवळ एकदा नाही तर सात ते आठ वेळा वापरलात. तुम्ही सातत्याने मला उकसवताना अंपायर आणि माझ्याबद्दल एफ शब्द प्रयोग केलात. मला विश्वास आहे की ईश्वर तुम्हाला कधीच माफ करणार नाही.