Nashik : श्रावण महिन्यानिमित्त त्र्यंबकेश्वर मंदिरात (Trimbakeshwar Temple) भाविक मोठ्या प्रमाणात दर्शनासाठी गर्दी करत असतात. त्यामुळे गर्दीच्या व्यवस्थापनासाठी (Crowd management) प्रशासनाने काही महत्त्वाचे निर्णय घेतले आहेत. भाविकांना कोणत्याही प्रकारचा त्रास होऊ न देता सहज दर्शन मिळावे यासाठी विशेष नियोजन करण्यात आले आहे. श्रावणात देवस्थान पहाटे पाच ते रात्री नऊ म्हणजे १७ तास खुले राहणार असल्याची माहिती देण्यात आली आहे.
Nashik : बारा ज्योतिर्लिंगांपैकी एक असलेल्या श्री क्षेत्र त्र्यंबकेश्वर देवस्थानने व्हीआयपी दर्शनाबाबत मोठा निर्णय घेण्यात आला आहे. श्रावण महिन्यात ...
श्रावण सोमवारी पहाटे ४ ते रात्री ९ पर्यंत दर्शन
भाविकांची पूर्व दरवाजा येथे गैरसोय होऊ नये, यासाठी वातानुकूलीत दर्शन रांगेची व्यवस्था करण्यात आहे. यामुळे हजारो भाविक या ठिकाणी उभे राहु शकतील. तसेच दर्शन रांगेत ज्येष्ठ मंडळीना बसण्यासाठी व्यवस्था, स्तनदा मातांसाठी हिरकणी कक्ष, पिण्याचे शुध्द पाणी तसेच प्राथमिक आरोग्य कक्ष असे सर्व नियोजन भाविकांसाठी करण्यात आले आहे. श्रावण महिन्यात मंदिर दर्शनासाठी उघडण्याची वेळ पहाटे पाचपासून रात्री नऊपर्यंत राहणार आहे. हीच वेळ प्रत्येक श्रावण सोमवारी पहाटे चार ते रात्री नऊ अशी राहील.
Nashik KumbhMela : नाशिकमधील ३ आणि त्र्यंबकेश्वरमधील १० प्रमुख आखाड्यांपलीकडे आता इतर आखाडे, त्यांच्याशी संलग्न आश्रम, मंदिरे, संस्थाने आणि महत्त्वाच्या ...
रहिवासी असल्याचा पुरावा बंधनकारक
त्र्यंबकेश्वर शहरातील ग्रामस्थांना मंदिराच्या पश्चिम दरवाज्यातून प्रवेश मिळेल. त्यांच्यासाठी सकाळी सहा ते साडेदहा आणि सायंकाळी सहा ते रात्री आठ अशी वेळ आहे. ग्रामस्थांनी दर्शनास येतांना स्थानिक रहिवासी असल्याचा पुरावा म्हणून ओळखपत्र बरोबर ठेवणे बंधनकारक आहे. धर्मदर्शन रांग पूर्व दरवाजाने आणि देणगी दर्शन रांग उत्तर दरवाज्यापासून राहील. गर्भगृह दर्शन भाविकांसाठी बंद आहे. सर्वानी सहकार्य करावे, असे आवाहन देवस्थानच्या वतीने करण्यात आले आहे.
