मुंबई : येत्या सणासुदीच्या दिवसांत प्रत्येक घरात विविध प्रकारचे गोडधोड पदार्थ आणि पारंपारिक मिठाया बनवण्यासाठी साखरेची मागणी मोठ्या प्रमाणावर वाढते. मात्र, यंदा सण सुरू होण्याआधीच सर्वसामान्यांच्या खिशाला मोठा फटका बसण्याची दाट शक्यता निर्माण झाली आहे. एका बाजूला खुल्या बाजारात साखरेच्या किमतींमध्ये कमालीची वाढ झाली आहे, तर दुसऱ्या बाजूला किरकोळ व्यापाऱ्यांनी आणि मोठ्या सुपरमार्केट्सनी ग्राहकांच्या साखरेच्या खरेदीवर मर्यादा लादल्या आहेत. त्यामुळे जास्त पैसे मोजूनही ग्राहकांना हवी तेवढी साखर खरेदी करता येत नसल्याने यंदाचा सण-उत्सवाचा काळ सर्वसामान्यांच्या बजेटचे गणित पुरते बिघडवणारा ठरणार आहे.
ऑनलाइन ॲप्सवर साखर खरेदीवर निर्बंध
आजकाल मोबाईलवरून सामान मागवणाऱ्या लोकांसाठी एकाच वेळी जास्त साखर खरेदी करणे अवघड झाले आहे. स्विगी, झेप्टो आणि ब्लिंकिटसारख्या ॲप्सने साखरेच्या खरेदीवर मर्यादा घातली आहे . स्विगीच्या एका ऑर्डरमध्ये फक्त २ किलोच साखर घेता येईल. झेप्टोवर एकाच वेळी जास्त पॅकेट खरेदी करता येत नाहीत आणि अनेक ठिकाणी साखरेचा साठा संपल्याचे दिसत आहे. आणि ब्लिंकिटवरही साखरेच्या खरेदीवर मर्यादा लावली आहे.
पाटणा : नेपाळमध्ये आलेल्या भीषण पुराचा परिणाम आता भारतातील सीमावर्ती राज्यांवरही होण्याची शक्यता आहे. नेपाळमधून मोठ्या प्रमाणात पाणी बिहारच्या ...
दुकानांमध्ये आणि सुपरमार्केटमध्येही तीच स्थिती
साखर अचानक महाग का झाली ?
सणांच्या काळात साखरेची मागणी खूप वाढते. बाजारात साखरेची कमतरता भासू नये आणि कोणीही साखरेचा साठा करून काळाबाजार करू नये, यासाठी सरकारने महत्त्वाचे निर्णय घेतले आहेत, सरकारने परदेशातून करमुक्त (Duty-Free) साखर आयात करण्यास परवानगी दिली आहे. व्यापाऱ्यांना परदेशातून आणलेल्या साखरेवर प्रक्रिया करून ती बाजारात विकण्यासाठी २ महिन्यांचा वेळ वाढवून दिला आहे.
सामान्य माणसांवर काय परिणाम होणार ?
रोजच्या वापरासाठी १-२ किलो साखर लागणाऱ्या कुटुंबांना यामुळे फारसा फरक पडणार नाही. पण सणांसाठी, लग्नसराईसाठी किंवा जास्त प्रमाणात साखर खरेदी करणाऱ्यांना मात्र अडचणीचा सामना करावा लागणार आहे. परदेशातून आलेली साखर बाजारात विक्रीसाठी येण्यास थोडा वेळ लागेल, तोपर्यंत ही परिस्थिती अशीच राहण्याची शक्यता आहे.
