पुणे : पुणे (Pune) आणि आसपासच्या प्रवाशांसाठी महत्त्वाची बातमी समोर आली आहे. पुरंदर येथे प्रस्तावित छत्रपती संभाजीराजे आंतरराष्ट्रीय विमानतळावर पुणे शहरातून जलद आणि सोयीने पोहोचता यावे, यासाठी राज्य सरकारने मोठी योजना आखली आहे. हडपसरपासून थेट पुरंदर विमानतळापर्यंत सुमारे 10 किलोमीटर लांबीचा दुहेरी बोगदा तयार करण्याचा प्रस्ताव पुढे आला आहे.
पुण्यातील लोहगाव विमानतळावर सध्या प्रवासी आणि विमानसेवेचा वाढता ताण आहे. भविष्यातील गरजा लक्षात घेऊन पुरंदर येथे नवीन आंतरराष्ट्रीय विमानतळ उभारण्याचे नियोजन करण्यात आले आहे. मात्र, पुणे शहरातून या विमानतळापर्यंत पोहोचण्यासाठी सुलभ आणि वेगवान वाहतूक व्यवस्था उभारणेही महत्त्वाचे आहे. त्यासाठी दिवे घाटाच्या खालून बोगदा तयार करण्याचा विचार करण्यात आला आहे. (Pune Airport)
इंटरनेट वापरताना अनेक वेबसाइटवर 'I'm Not A Robot' म्हणजेच 'मी रोबोट नाही' या पर्यायावर क्लिक करावा लागतो. अनेकांना वाटते की हे फक्त माणूस आणि रोबोट यांच्यात फरक ...
या प्रस्तावित बोगद्याचे वैशिष्ट्य म्हणजे त्यामध्ये दोन वेगवेगळ्या वाहतूक व्यवस्थांसाठी स्वतंत्र मार्ग असतील. एका मार्गावर मेट्रो धावणार असून दुसऱ्या मार्गावर सामान्य वाहनांची वाहतूक केली जाण्याची शक्यता आहे. त्यामुळे पुणे शहरातून विमानतळापर्यंतचा प्रवास अधिक जलद आणि सोयीचा होऊ शकतो. (Pune Metro)
सध्या या प्रकल्पासाठी अनुभवी सल्लागाराची नियुक्ती करण्याची प्रक्रिया सुरू आहे. सल्लागाराची नियुक्ती झाल्यानंतर बोगद्याच्या मार्गाचे सर्वेक्षण, तांत्रिक तपासणी आणि आराखडा तयार करण्याचे काम सुरू होईल. संपूर्ण आराखडा तयार करण्यासाठी सुमारे 6 ते 8 महिन्यांचा कालावधी लागू शकतो. त्यानंतर बोगदा नेमका कुठून सुरू होईल आणि कुठे संपेल, याचे चित्र स्पष्ट होणार आहे. (Purandar Airport)
या प्रकल्पाचा आराखडा महामेट्रोकडून तयार केला जाणार असल्याची माहिती आहे. मात्र, प्रत्यक्ष बांधकामाची जबाबदारी कोणत्या सरकारी यंत्रणेकडे सोपवली जाणार, याबाबत अद्याप अंतिम निर्णय झालेला नाही. महाराष्ट्र राज्य रस्ते विकास महामंडळ किंवा महाराष्ट्र राज्य पायाभूत सुविधा विकास महामंडळ यापैकी एका यंत्रणेकडे प्रकल्पाची जबाबदारी दिली जाण्याची शक्यता आहे.
