नवी दिल्ली : भारतीय वायुसेनेच्या (IAF) एका कार्यरत विंग कमांडरला संरक्षणाशी संबंधित संवेदनशील माहिती कथितरीत्या लीक केल्याच्या आरोपावरून दिल्ली पोलिसांनी अटक केली आहे. या अधिकाऱ्याविरोधात Official Secrets Act अंतर्गत गुन्हा दाखल करण्यात आला असून, सध्या तो न्यायालयीन कोठडीत असल्याची माहिती समोर आली आहे. (IAF Officer Arrest)
पोलिसांच्या माहितीनुसार, हा अधिकारी कथितरित्या पाकिस्तानी गुप्तचर यंत्रणेच्या हनीट्रॅपचा बळी ठरला होता. या प्रकरणाच्या तपासातून संरक्षण क्षेत्राशी संबंधित महत्त्वाची माहिती मिळवण्याच्या उद्देशाने कार्यरत असलेल्या एका मोठ्या हेरगिरीच्या नेटवर्कचा संशय व्यक्त करण्यात आला आहे. (IAF Officer Arrest)
३० मे रोजी अटक, ३० जुलैला आरोपपत्र :
दिल्ली पोलिसांनी दिलेल्या माहितीनुसार, ३० मे २०२६ रोजी भारतीय वायुसेनेच्या अधिकाऱ्यांनी दिलेल्या तक्रारीच्या आधारे या प्रकरणात संबंधित अधिकाऱ्याला अटक करण्यात आली. तपास पूर्ण झाल्यानंतर ३० जुलै २०२६ रोजी सक्षम न्यायालयात आरोपपत्र दाखल करण्यात आले, अशी माहिती पोलिसांनी दिली आहे.
अटकेनंतर सुरुवातीला अधिकाऱ्याला पोलिस कोठडीत ठेवण्यात आले. त्यानंतर त्याची रवानगी तिहार कारागृहातील न्यायालयीन कोठडीत करण्यात आली.
या अधिकाऱ्यावर राष्ट्रीय संरक्षणाशी संबंधित वर्गीकृत माहिती आणि गोपनीय कागदपत्रे शेअर केल्याचा आरोप आहे. (IAF Officer Arrest)
Ahilyanagar : अहिल्यानगर जिल्ह्यात सुरू असलेल्या मतदार यादी विशेष सखोल पुनरिक्षण अर्थात SIR मोहिमेत मोठी आकडेवारी समोर आली आहे. जिल्ह्यात आतापर्यंत ४ लाख २६ ...
सोशल मीडियावरून महिलेने साधला संपर्क :
तपासात समोर आलेल्या माहितीनुसार, संबंधित अधिकारी आपल्या वैयक्तिक आयुष्यातील एका कठीण काळातून जात असताना सोशल मीडियावर एका महिलेच्या संपर्कात आला. दोघांमध्ये सुरुवातीला ऑनलाइन संवाद सुरू झाला. त्यानंतर व्हिडिओ कॉलवरही त्यांचे संभाषण होऊ लागले. हळूहळू त्या महिलेने अधिकाऱ्याचा विश्वास संपादन केल्यानंतर त्याच्याकडून फोटो, व्हिडिओ तसेच लष्करी युनिट्सच्या हालचाली आणि तैनातीशी संबंधित माहिती मागितल्याचा आरोप आहे. पोलिसांच्या तपासानुसार, अधिकाऱ्याने डिजिटल माध्यमातून संबंधित महिलेला काही महत्त्वाची कागदपत्रे आणि डेटा पाठवल्याचा संशय आहे. (IAF Officer Arrest)
सहकाऱ्याच्या मोबाईलमध्ये संशयास्पद अॅप इन्स्टॉल करण्यास सांगितले :
तपासादरम्यान आणखी गंभीर बाब समोर आल्याचे पोलिस सूत्रांनी सांगितले. संबंधित महिलेने अधिकाऱ्याला त्याच्या सहकाऱ्याच्या मोबाईलमध्ये एक विशिष्ट अॅप इन्स्टॉल करण्यास सांगितल्याचा आरोप आहे. पोलिसांच्या मते, हे अॅप डेटा चोरी, लोकेशन ट्रॅकिंग किंवा डिजिटल संवादावर नजर ठेवण्यासाठी वापरल्या जाणाऱ्या स्पायवेअर अथवा रिमोट-अॅक्सेस प्रकारातील सॉफ्टवेअरशी संबंधित असू शकते.या माध्यमातून सहकाऱ्याच्या मोबाईलमधील माहितीवर नियंत्रण मिळवण्याचा प्रयत्न झाला का, याचा तपास सुरू आहे. (IAF Officer Arrest)
पाकिस्तानातील हँडलर्सशी संबंध असल्याचा संशय :
तपास यंत्रणांच्या मते, सोशल मीडियावरून संपर्क साधणारी महिला पाकिस्तानस्थित हँडलर्सच्या सांगण्यावरून काम करत असावी. दिल्ली पोलिसांच्या वरिष्ठ सूत्रांनी हा प्रकार संरक्षण क्षेत्रातील धोरणात्मक लष्करी माहिती गोळा करण्याच्या मोठ्या हेरगिरीच्या नेटवर्कचा भाग असण्याची शक्यता व्यक्त केली आहे. या महिलेने यापूर्वीही संरक्षण दलातील इतर कर्मचाऱ्यांना अशाच प्रकारे लक्ष्य केले होते का, याचाही तपास केला जात आहे. (IAF Officer Arrest)
मुंबई : अन्नसुरक्षा नियमांचे उल्लंघन करणाऱ्या खाद्य आस्थापनांविरोधात महाराष्ट्र अन्न व औषध प्रशासनाने (FDA) मुंबईत मोठी कारवाई केली आहे. आयआयटी बॉम्बे ...
राष्ट्रीय सुरक्षेला धोका निर्माण झाला का?
तपास यंत्रणांसमोर आता सर्वात मोठा प्रश्न आहे तो म्हणजे अधिकाऱ्याकडून शेअर करण्यात आलेल्या माहितीमुळे राष्ट्रीय सुरक्षेला प्रत्यक्ष धोका निर्माण झाला का? तसेच ही माहिती भारतविरोधी कारवायांसाठी वापरण्याचा उद्देश होता का, याचाही तपास सुरू आहे.पोलिस सध्या संबंधित अधिकाऱ्याच्या डिजिटल संवादाचा संपूर्ण डिजिटल ट्रेल तपासत आहेत. त्याने कोणाशी संपर्क साधला, कोणती माहिती शेअर केली आणि ती माहिती पुढे कुठे पोहोचली, याचा माग काढण्याचे काम सुरू आहे. (IAF Officer Arrest)
IAF चीही कारवाई :
भारतीय वायुसेनेच्या प्रवक्त्याने संबंधित अधिकारी सुरक्षा यंत्रणांच्या सक्रिय निगराणीखाली होता आणि त्याला योग्य कायदा अंमलबजावणी संस्थांकडे सोपवण्यात आले, अशी माहिती दिली. दरम्यान, या प्रकरणात परदेशातील कथित हँडलर्सची ओळख पटवणे आणि या संपूर्ण नेटवर्कमध्ये आणखी कोणाचा सहभाग आहे का, याचा तपास दिल्ली पोलिसांकडून केला जात आहे. (IAF Officer Arrest)
हे प्रकरण सध्या न्यायप्रविष्ट असून, संबंधित अधिकाऱ्यावरील आरोप न्यायालयात सिद्ध होणे बाकी आहे.