नागपूर : उपराजधानी नागपूरमध्ये (Nagpur Heavy Rain) हवामान खात्याच्या अंदाजानुसार मुसळधार पावसाने धुमाकूळ घातला आहे. सकाळपासून सुरू झालेल्या या मुसळधार पावसामुळे नागपूरकरांची मोठी तारांबळ उडाली आहे. शहरात सकाळी ढगाळ वातावरणासह पावसाच्या हलक्या सरी कोसळत होत्या, मात्र दुपारच्या सुमारास पावसाने अचानक जोर धरला. यामुळे शहरातील अनेक प्रमुख रस्ते आणि सखल भागात पाण्याचे साम्राज्य निर्माण झाले असून काही ठिकाणी तर रस्त्यांवर गुडघाभर पाणी साचल्याचे चित्र पाहायला मिळत आहे.
नागपूर : नागपूर शहरातील मनीष नगर परिसरातून एक अत्यंत मन हेलावून टाकणारी घटना समोर आली आहे. आपल्या वडिलांच्या दुकानाबाहेर खेळणाऱ्या अवघ्या तीन ...
रस्त्यांच्या कामांमुळे पाणी साचण्यात भर
पावसाचा सर्वाधिक फटका शाळांना आणि विद्यार्थ्यांना बसला आहे. प्रतापनगर येथील प्रसिद्ध सोमलवार शाळेच्या संपूर्ण मैदानात पावसाचे पाणी साचल्यामुळे तळ्याचे स्वरूप आले आहे. शाळा सुरू असतानाच अचानक पाणी साचल्याने चिमुकल्या विद्यार्थ्यांची आणि पालकांची मोठी अडचण झाली. त्यातच परिसरात रस्त्यांची कामे अपूर्ण आणि संथ गतीने सुरू असल्याने पाण्याचा निचरा योग्य प्रकारे होऊ शकलेला नाही, ज्यामुळे ठिकठिकाणी पाणी तुंबण्याच्या समस्यांमध्ये वाढ झाली आहे.
हवामान विभागाचा 'यलो अलर्ट' आणि प्रशासनाचे आवाहन
प्रादेशिक हवामान केंद्राने नागपूर जिल्ह्यासाठी आधीच 'यलो अलर्ट' जारी केला होता. दुपारनंतर पावसाची तीव्रता अधिक वाढेल असा अंदाज हवामान तज्ज्ञांनी व्यक्त केला आहे. ही परिस्थिती लक्षात घेता स्थानिक प्रशासनाने नागरिकांना सतर्क राहण्याचा इशारा दिला आहे. अनावश्यक प्रवास टाळण्याचे तसेच सखल भागात आणि पाणी तुंबणाऱ्या ठिकाणी काळजीपूर्वक वाहतूक करण्याचे आवाहन प्रशासनाकडून करण्यात आले आहे.
