नवी दिल्ली : जुन्या दिल्लीतील तुघलकाबाद परिसरात १२ जूनच्या मध्यरात्री दोनच्या सुमारास एका इमारतीला आग लागली. या दुर्घटनेत जखमी झालेल्या आठ जणांना जवळच्या एम्स ट्रॉमा सेंटर आणि सफदरजंग रुग्णालयात दाखल करण्यात आले. तर पंकज पांडे, सुशीला देवी आणि सोनिया कुमारी या तीन जणांचा मृत्यू झाला. नियमानुसार आग प्रकरणी चौकशी सुरू झाली. ही चौकशी करत असताना पोलिसांना आग लागल्याचा नाही तर आग लावण्यात आल्याचा संशय येऊ लागला. एक सीसीटीव्ही फूटेज हाती आल्यानंतर पोलिसांचा संशय आणखी बळावला आहे.
मुंबई : दिव्यांगजनांचे पुनर्वसन, आरोग्य सेवा आणि सामाजिक सक्षमीकरणासाठी समर्पित असलेल्या भारतातील अग्रगण्य संस्थांपैकी एक असलेल्या 'नारायण सेवा ...
पोलिसांनी तपासलेल्या फूटेजमध्ये एका कॅमेऱ्याचे फूटेज आग लावण्यात आल्याचा संशय गडद करण्यास कारणीभूत ठरले आहे. या फूटेजमध्ये इमारतीत वावरत असलेल्या एका मुलीच्या हालचाली अतिशय संशयास्पद अशा आहेत. या मुलीला कोणीतरी आग लावण्यास सांगितल्याचा संशय पोलिसांना आला. यानंतर संबंधित मुलीला शोधून पोलिसांनी तिची कसून चौकशी केली. या चौकशीतून पोलिसांना धक्कादायक माहिती मिळाली.
Mumbai : मुंबई महानगर प्रदेश विकास प्राधिकरणाने (एमएमआरडीए) वांद्रे-कुर्ला संकुलात (बीकेसी) वाहतूककोंडीवर उपाय म्हणून दर शुक्रवारी 'सार्वजनिक वाहतूक दिन' ...
सरिता नावाच्या इमारतीतच राहणाऱ्या महिलेच्या सांगण्यावरून मध्यरात्री आग लावल्याची कबुली मुलीने पोलिसांसमोर दिली आहे. सरिताने पेट्रोल आणि काडेपेटी दिली. पाचव्या मजल्यावर राहणाऱ्या दीपकच्या स्कूटरला आग लावण्याची योजना होती. मात्र, आग केवळ स्कूटरपुरती मर्यादित राहिली नाही. तिने झपाट्याने संपूर्ण इमारतीला आपल्या भक्ष्यस्थानी पाडले. या आगीत तीन जणांचा बळी गेला आणि अनेक कुटुंबांचे आयुष्य बदलून गेले.
Birmingham : महिला टी-20 विश्वचषक 2026 मध्ये आज (14 जून) भारत आणि पाकिस्तान यांच्यातील हायव्होल्टेज सामना होणार आहे. बर्मिंगहॅमच्या एजबेस्टन मैदानावर दोन्ही कट्टर ...
दीपक आणि निरंजन यांच्यात बऱ्याच काळापासून आर्थिक वाद होता. धक्कादायक बाब म्हणजे, दीपक हा बाहेरचा नसून निरंजनचा चुलत भाऊ आहे. पोलिसांच्या म्हणण्यानुसार, निरंजनला दीपकवर सूड घ्यायचा होता. म्हणूनच त्याने त्याच्या स्कूटरला लक्ष्य करण्याची योजना आखली. पण स्कूटर जाळण्याचा प्रयत्न सुरू असताना आग पसरली आणि संपूर्ण इमारत संकटात सापडली. या प्रकरणी पोलिसांनी सरिता, निरंजन आणि राजकुमार यांना अटक केली आहे. अल्पवयीन मुलीलाही चौकशीसाठी ताब्यात घेतले आहे. गोविंदपुरी पोलीस पुढील कायदेशीर कारवाई करत आहेत.
