२०१९ मध्ये संपूर्ण देश हादरवून सोडणाऱ्या पुलवामा दहशतवादी हल्ल्याशी संबंधित मोठी बातमी समोर आली आहे. पुलवामा हल्ल्याचा मास्टरमाईंड मानला जाणारा हमजा बुरहान उर्फ अर्जुमंद गुलजार दार याची पाकिस्तानव्याप्त काश्मीरमध्ये (PoK) अज्ञात बंदूकधाऱ्यांनी गोळ्या झाडून हत्या केल्याची माहिती समोर आली आहे. या घटनेमुळे पाकिस्तानमध्ये आणि दहशतवादी संघटनांमध्ये मोठी खळबळ उडाली आहे.
अमेरिकेचे राष्ट्राध्यक्ष डोनाल्ड ट्रम्प यांनी इराणसोबत सुरू असलेल्या अणुकरार चर्चेबाबत पुन्हा एकदा कठोर भूमिका घेतली आहे. त्यांनी म्हटले की, ...
हमजा बुरहान हा दहशतवादी संघटना ‘अल बद्र’शी संबंधित असल्याचे भारतीय सुरक्षा यंत्रणांनी यापूर्वी स्पष्ट केले होते. केंद्र सरकारने २०२२ मध्ये त्याला अधिकृतपणे दहशतवादी घोषित केले होते. केंद्रीय गृहमंत्रालयाने जारी केलेल्या अधिसूचनेत त्याचे नाव अर्जुमंद गुलजार दार उर्फ हमजा बुरहान उर्फ डॉक्टर असे नमूद करण्यात आले होते. तो जम्मू-काश्मीरमधील पुलवामा जिल्ह्यातील रत्नीपोरा येथील खरबतपोरा भागातील रहिवासी असल्याचे सांगण्यात आले होते.
इराण युद्धाच्या मुद्द्यावरून अमेरिका आणि इस्रायल यांच्यातील मतभेद आता उघडपणे समोर येताना दिसत आहेत. अमेरिकन माध्यमांच्या वृत्तानुसार, अमेरिकेचे ...
दरम्यान, हमजा बुरहानच्या हत्येमागे अंतर्गत गटबाजी, सूड की गुप्त कारवाई, याबाबत विविध तर्कवितर्क लावले जात आहेत. काही सुरक्षा तज्ज्ञांच्या मते, पाकिस्तानातील दहशतवादी संघटनांमध्ये वाढलेले अंतर्गत संघर्ष आणि वर्चस्वाची लढाई हेही या हत्येमागचे कारण असू शकते.
या घटनेनंतर भारतीय सुरक्षा यंत्रणाही सतर्क झाल्या असून, संबंधित घडामोडींवर बारकाईने नजर ठेवण्यात येत आहे. पुलवामा हल्ल्याच्या जखमा अजूनही देश विसरलेला नसताना, या घटनेने पुन्हा एकदा त्या काळाच्या आठवणी ताज्या झाल्या आहेत.
