- सिनेमागृहाचे आरक्षण बदलून निवासी वापराचे आरक्षण टाकले जाणार; सुधार समितीच्या बैठकीत प्रस्ताव सादर
मुंबई (विशेष प्रतिनिधी) : भायखळा नागपाडा येथील अलेक्झाड्रा सिनेमागृहाची जुनी ओळख ही वास्तू धोकादायक झाल्यामुळे बंद करून पुसली गेली. त्यातच आता याठिकाणी कधी काळी अलेक्झाड्रा सिनेमा गृह होते याचीही कायमस्वरुपी ओळख आता पुसून टाकली जाणर आहे. या सिनेमा गृहाच्या जागेवर आता निवासी इमारत बांधण्याचा विचार असून त्यासाठी यावरील सिनेमागृहाचे आरक्षण रद्द करून रहिवाशी तथा निवासी वापर अशाप्रकारचे आरक्षण टाकले जाणार आहे. त्यामुळे भायखळा नागपाडा येथील सिनेमागृह होते याचाही लोकांना विसर पडला जाणार आहे. (Alexandra Cinema in Nagpada)
मुंबई : राज्यभर अन्न सुरक्षेचे नियम मोडणाऱ्या आस्थापनांविरोधात अन्न व औषध प्रशासनाने (FDA) धडक कारवाई सुरू केली असून, त्याअंतर्गत मालाड पश्चिम येथील ...
मुंबईच्या विकास आराखडा-२०३४मध्ये भायखळा येथील न.भू.क्र. ३३९ या भूखंडावरील ‘सिनेमागृह ही विद्यमान सुविधा रद्द करून सदर भूखंडाचा ‘रहिवासी/निवासी वापर क्षेत्रात’ समावेश करण्याचा प्रस्ताव महापालिकेच्या सुधार समितीसमोर मांडण्यात आला आहे. या भूखंडाचा मालकाच्यावतीने महापालिका विकास नियोजन विभागाकडे अर्ज करण्यात आला होता. त्यानंतर महापालिकेच्या विकास नियोजन विभागाने या मागणीचा विचार करून पुढील कार्यवाहीसाठी प्रस्ताव नगर विकास विभागाकडे पाठविला आहे. महाराष्ट्र शासनाच्या नगर विकास विभागाकडूनही या संदर्भात पत्रव्यवहार झाल्याचे कागदपत्रांत नमूद आहे. विकास आराखडा-२०३४मधील संबंधित आरक्षण, जमीन वापर आणि त्यातील प्रस्तावित बदल यांचा विचार करून निर्णय घेण्याची प्रक्रिया सुरू आहे. (Alexandra Cinema in Nagpada)
कोलकाता : भारतीय क्रिकेट संघाचा माजी कर्णधार आणि ‘दादा’ म्हणून प्रसिद्ध असलेला सौरव गांगुली (Sourav Ganguly) आणि त्याची पत्नी डोना गांगुली यांच्या सुरक्षेबाबत ...
अलेक्झाड्रा सिनेमा हे चित्रपटगृह सन २००७ पासून बंद आहे. सध्याची जागेची परिस्थिती तसेच मनोरंजन क्षेत्रातील बदलत्या प्रवृत्तीमुळे चित्रपटगृह चालवणे आर्थिकदृष्ट्या व्यवहार्य राहिलेले नाही. परिणामी हे चित्रपटगृह जवळपास गेल्या २० वर्षांपासून बंद अवस्थेत आहे. ही मारत अत्यंत जीर्ण व मोडकळीस आलेल्या अवस्थेत असून त्याची स्थिती दिवसेंदिवस अधिकच खराब होत असल्याचे अर्जदारांनी आपल्या निवेदनात म्हटले आहे. (Alexandra Cinema in Nagpada)
सध्या न.भू.क्र. ३३९ हा भूखंड सिनेमागृह या सार्वजनिक/मनोरंजन सुविधेसाठी दर्शविला आहे. त्यामुळे प्रस्ताव मंजूर झाल्यास या आरक्षणात बदल होऊन भूखंडाला निवासी वापराची परवानगी मिळू शकते. त्यामुळे भविष्यात सदर भूखंडावर निवासी विकासाचा मार्ग मोकळा होण्याची शक्यता आहे. (Alexandra Cinema in Nagpada)
