Weekly horoscope : साप्ताहिक राशिभविष्य, १७ ते २३ मार्च २०२४

वृश्चिक : कुटुंब-परिवारातील मुला-मुलींकडून त्यांच्या प्रगतीपर सुवार्ता समजतील. त्यांचे अभ्यास व खेळ क्षेत्रात चांगली प्रगती होईल. शिक्षण नोकरी-व्यवसायानिमित्त परदेशी जाण्याची संधी मिळून उच्चशिक्षणाचे मार्ग प्रशस्त होतील. त्याकामी गुरुजन तसेच इतरांची मदत मिळू शकते. कुटुंबामध्ये एखाद्या धार्मिक कार्य होऊ शकते. त्यासाठी खर्च होईल. आप्तेष्ट-नातेवाईक यांच्या गाठीभेटी होतील. व्यवसाय-धंद्यातील परिस्थिती सर्वसामान्य राहील. नोकरी-व्यवसाय-धंद्यानिमित्त मोठे प्रवास घडू शकतात. घरातील ज्येष्ठ व्यक्तींचा आदर सत्कार होईल; परंतु लहान-सहान कारणांवरून वाद-विवाद टाळावेत.

मीन :  आपल्या क्षेत्रात इतरांचे सहकार्य मिळाल्यामुळे आपली कामे लवकर पूर्ण होतील. जमीन-जुमला, स्थायी संपत्ती, वडिलोपार्जित संपत्ती इ.विषयक थंडावलेले व्यवहार पुन्हा गतिशील होतील. ओळखी-मध्यस्थींचा उपयोग होईल. आपल्याला आपली सहनशक्ती वाढवणे गरजेचे ठरेल. आपला राग आवरणे हितकारक ठरेल. कोणाचाही अपमान करू नका अथवा अपमानास्पद वागणूक देण्याचे टाळा. विद्यार्थ्यांनी इतरत्र वेळ वाया घालवू नये तसेच अभ्यासाकडे लक्ष द्यावे. कार्यक्षेत्रात चांगली प्रगती होईल. आर्थिक व्याप्ती वाढेल. नवीन करार-मदारांची शक्यता. व्यावसायिक कारणांसाठी प्रवास करावे लागतील. प्रवास कार्यसिद्ध राहतील. नवी व्यावसायिक नाती जुळू शकतात. अनावश्यक खर्च टाळा.