Samantha Ruth Prabhu : दाक्षिणात्य चित्रपटसृष्टीतील लोकप्रिय अभिनेत्री सामंथा रुथ प्रभू हिने अखेर तिच्या प्रेग्नन्सीबाबत सुरू असलेल्या चर्चांवर शिक्कामोर्तब केले आहे. 'मा इंटी बंगारम' (Maa Inti Bangaaram) या चित्रपटाच्या यशानंतर आयोजित करण्यात आलेल्या सक्सेस मीटमध्ये सामंथाने आपण आई होणार असल्याची आनंदाची बातमी चाहत्यांसोबत शेअर केली. पती राज निदिमोरूसोबत (Raj Nidimoru) ती त्यांच्या पहिल्या बाळाचे स्वागत करण्यासाठी सज्ज झाली आहे.
मुंबई : प्रसिद्ध पार्श्वगायिका (Playback Singer) अलका याज्ञिक यांना यंदाचा प्रतिष्ठेचा पद्मभूषण (Padma Bhushan Award) सन्मान प्रदान करण्यात आला. राष्ट्रपती भवनात (Rashtrapati Bhavan) ...
बेबी बंपची चर्चा रंगली अन...
गेल्या काही आठवड्यांपासून सामंथाच्या प्रेग्नन्सीच्या चर्चांना सोशल मीडियावर उधाण आले होते. 'मा इंटी बंगारम'च्या प्रमोशनल कार्यक्रमातील काही व्हिडिओ व्हायरल झाल्यानंतर तिच्या बेबी बंपची चर्चा रंगली होती. मात्र, याबाबत मौन बाळगणाऱ्या सामंथाने आता स्वतःच अधिकृत घोषणा करत सर्व चर्चांना पूर्णविराम दिला आहे.
सामंथा मॅटर्निटी ब्रेक घेणार
माध्यमांशी संवाद साधताना सामंथाने सांगितले की, सध्या हाती असलेली व्यावसायिक कामे पूर्ण झाल्यानंतर ती काही काळ अभिनयापासून दूर राहणार आहे. “'मा इंटी बंगारम'नंतर माझ्या प्रकृतीनुसार मला थोडा विराम घ्यावा लागेल. मी मॅटर्निटी लिव्हवर (Maternity Leave) जाणार आहे. त्यानंतर नव्या जोमाने आणि नव्या चित्रपटासह पुन्हा प्रेक्षकांसमोर येईन,” असे ती म्हणाली.
Vidya Balan : 'महाराष्ट्राची हास्यजत्रा' हा कार्यक्रम केवळ महाराष्ट्रातील प्रेक्षकांचाच नाही, तर बॉलीवूड कलाकारांचाही आवडता ठरत असल्याचे पुन्हा एकदा समोर ...
सामंथाच्या या घोषणेनंतर उपस्थितांनी टाळ्यांच्या गजरात तिचे अभिनंदन केले. चाहत्यांकडून मिळणाऱ्या प्रेमाबद्दल तिने कृतज्ञता व्यक्त केली. यावेळी तिच्या शेजारी बसलेले राज निदिमोरूही (Raj Nidimoru) आनंद व्यक्त करताना दिसले. विशेष म्हणजे, काही दिवसांपूर्वी चित्रपटाच्या दिग्दर्शिका बी. व्ही. नंदिनी रेड्डी यांनीही सामंथाच्या आयुष्यातील या नव्या पर्वाबाबत भाष्य केले होते. त्यांनी एका मुलाखतीत सांगितले की, “आमचा चित्रपट यशस्वी ठरत असतानाच सामंथाच्या आयुष्यात आलेली ही आनंदाची बातमी अतिशय सुंदर वेळेत आली आहे.”असे त्यांनी म्हटले होते.
सामंथाने २०१७ मध्ये अभिनेता नागा चैतन्यसोबत विवाह केला होता. मात्र, २०२१ मध्ये दोघांचा घटस्फोट झाला. त्यानंतर सामंथाने दिग्दर्शक-निर्माता राज निदिमोरूसोबत १ डिसेंबर २०२५ रोजी इशा योगा सेंटरमध्ये विवाह केला. आता लग्नानंतर अवघ्या काही महिन्यांतच या जोडप्याने चाहत्यांना गोड बातमी दिल्याने त्यांच्या चाहत्यांमध्ये आनंदाचे वातावरण आहे.
