Vidya Balan : 'महाराष्ट्राची हास्यजत्रा' हा कार्यक्रम केवळ महाराष्ट्रातील प्रेक्षकांचाच नाही, तर बॉलीवूड कलाकारांचाही आवडता ठरत असल्याचे पुन्हा एकदा समोर आले आहे. अशातच अभिनेत्री विद्या बालनने (Vidya Balan) हास्यजत्रेतील ओंकार भोजनेच्या एका गाजलेल्या स्किटमधील डायलॉगवर रील बनवला आहे. विद्या बालन अनेक वेळा कॉमेडी रील्स सोशल मीडियावर शेअर करत असतात.
अनेक वेळा भाऊ कदम यांच्या कॉमेडी व्हिडिओजवरही रील्स बनवल्या आहेत. आता विद्या बालनने हास्यजत्रेतील अभिनेता ओंकार भोजनेच्या लोकप्रिय डायलॉगवर रील बनवत सर्वांचे लक्ष वेधून घेतले आहे. विद्या बालनने तिच्या सोशल मीडियावर ओंकार भोजनेच्या 'अगं अगं आई' या गाजलेल्या प्रहसनातील डायलॉगवर आधारित एक मजेशीर व्हिडिओ शेअर केला. "एवढेच हवे आहे जगण्यासाठी... हा हा हा हा!" असे कॅप्शन देत तिने ही रील पोस्ट केली असून ती सध्या सोशल मीडियावर तुफान व्हायरल होत आहे.
मुंबई पोलिसांच्या तात्काळ कारवाईने आरोपीला २४ तासाच्या आत अटक Mumbai Local Train Murder Case : मुंबई: मुंबईच्या (Mumbai) लोकल ट्रेनमध्ये (Local Train) किरकोळ वादातून झालेल्या ...
विद्याही म्हणते, काय लागतं जगण्यासाठी ?
या रीलमध्ये विद्या, "काय लागतं जगण्यासाठी? अन्न, वस्त्र, निवारा... बस्स! टीव्ही लागतो, फिरायला बाईक लागते, बाईकमध्ये पेट्रोल लागतं, रिचार्ज करायला पैसे लागतात, जेवायला चायनीज लागतं... बापरे! लई काय काय लागतंय!" हा लोकप्रिय संवाद आपल्या खास अंदाजात सादर करताना दिसत आहे.
Cyber Attack News : जग डिजिटल झालं. मोबाईलमुळे कितीतरी कामे सोपी झाली. मोबाईलमुळे जग जवळ आलं खरं पण काळजी घेतली नाही तर याच मोबाईलमुळे अनेकांना लाखोंचा भुर्दंड ...
हास्यजत्रा कलाकारांच्या भन्नाट कमेंट्स
विद्याच्या या व्हिडिओवर 'महाराष्ट्राची हास्यजत्रा'मधील कलाकारांनीही उत्स्फूर्त प्रतिक्रिया दिल्या आहेत. नम्रता संभेरावने हसण्याचे इमोजी पोस्ट करत आनंद व्यक्त केला, तर सई ताम्हणकरने "Yayyy Ma'am" अशी कमेंट केली. प्रियदर्शनी इंदलकरसह अनेक कलाकारांनीही या रीलचे कौतुक केले आहे. विद्या बालन सोशल मीडियावर अशा विनोदी रील्ससाठी ओळखली जाते. यापूर्वीही तिने मराठी कॉमेडी कलाकारांच्या स्किट्सवर व्हिडिओ बनवले आहेत. त्यामुळे ओंकार भोजनेच्या डायलॉगला दिलेल्या तिच्या या हटके टचमुळे चाहत्यांसह सेलिब्रिटींनीही भरभरून प्रतिसाद दिला आहे.
