'टॅलिस्मान' म्हणजे नशीब फिरवणारा ताईत. सध्या रॉयल चॅलेंजर्स बंगळुरू साठी हा ताईत म्हणजे विराट कोहलीच. अहमदाबादच्या नरेंद्र मोदी स्टेडियमवर त्याने पुन्हा एकदा आपल्या अनुभव आणि सातत्याने संघाला महत्त्वपूर्ण विजय मिळवून दिला.
टॅलिस्मान’ म्हणजे गळ्यातील ताईत. विराट कोहली सध्या रॉयल चॅलेंजर्स बंगळुरू (आरसीबी) संघासाठी अशाच ताईतासारखा ठरला. काल अहमदाबादच्या नरेंद्र मोदी स्टेडियमवर त्याने आपल्या संघाला मिळवून दिलेला विजय केवळ आरसीबीसाठीच नव्हे, तर अनेक भारतीय चाहत्यांसाठीही संस्मरणीय ठरला. विराट कोहली सध्या ३७ वर्षांचा आहे. त्यामुळे तो पारंपरिक अर्थाने विशेषतः कसोटी क्रिकेटमध्ये आधीइतका सक्रिय दिसत नाही. भविष्यात त्याला संधी मिळू शकते, पण सध्याच्या घडीला तो प्रामुख्याने मर्यादित षटकांच्या क्रिकेटवर लक्ष केंद्रित करत आहे. टी-२० क्रिकेटमध्ये मात्र तो अजूनही आपली चमक कायम ठेवत आहे. कालच्या सामन्यातही त्याने गुजरात टायटन्ससारख्या बलाढ्य संघाविरुद्ध आपल्या फलंदाजीने आणि मैदानावरील उत्साही उपस्थितीने प्रभाव टाकला.
जळगाव - जमीन व्यवहारात मध्यस्थी केल्याचा दावा करून भारतीय सैन्य दलातील जवान व त्यांच्या वयोवृद्ध वडिलांकडे ५० हजार रुपयांची खंडणी मागितल्याचा तसेच ...
गुजरात टायटन्सची गोलंदाजी साधारणतः भक्कम मानली जाते, ज्यात कागिसो रबाडासारखे दर्जेदार गोलंदाज आहेत. तरीही विराटच्या आक्रमक खेळापुढे त्यांना प्रभावी कामगिरी करता आली नाही आणि गुजरातचा संघ १५६ धावांत गारद झाला. जेथे एका दिवसात दोन्ही संघ मिळून पाचशे ते साडेपाचशे धावा करतात, तेव्हा असे आव्हान काहीच मोठे वाटत नाही. हेच तर काल विराटच्या संघाने दाखवून दिले. गुजरातने दिलेले आव्हान खरे तर ते आव्हानच नव्हते.आरसीबीने ते अगदी पाच विकेट्स आणि बरेच चेंडू राखून सहज पार करत विजेतेपदाला गवसणी घातली. यामुळे आरसीबी हा संघ केवळ एकाच खेळाडूवर अवलंबून नाही, हे सिद्ध करणारा विजय होता. विराटच्या या कामगिरीचे कौतुक करावे तितके थोडेच आहे आणि त्याबद्दल संपूर्ण आरसीबी संघ त्याच्याप्रति कृतज्ञ राहील. विराट हा असा खेळाडू आहे, की ज्याने आपला संघ किंवा फ्रँचायझी कधीही बदलली नाही. आयपीएल सुरू झाल्यापासून तो आरसीबीकडूनच खेळत आहे. या काळात संघाचे मालक बदलले. किंगफिशरच्या विजय मल्ल्यांपासून ते आता बिर्ला समूहापर्यंत विराट मात्र तिथेच स्थिर राहिला आहे.
मुंबई : मुंबई महानगर प्रदेशातील सार्वजनिक वाहतूक व्यवस्था अधिक सक्षम करण्यासाठी मेट्रो (Metro) नेटवर्कचा विस्तार वेगाने सुरू आहे. याच पार्श्वभूमीवर वसई, ...
विराट कोहलीच्या नेतृत्वाखालील संघाने अलीकडच्या सामन्यांमध्ये उत्कृष्ट कामगिरी केली. त्यांच्या संघाची गोलंदाजी आणि फलंदाजी दोन्हीही प्रभावी ठरली. विशेष म्हणजे या संघात आता असा सकारात्मक बदल दिसतो की संपूर्ण संघ एका खेळाडूवर अवलंबून राहत नाही. एखाद्या सामन्यात एखादा खेळाडू अपयशी ठरला तरी दुसरा खेळाडू पुढे येऊन जबाबदारी स्वीकारतो आणि संघाला विजय मिळवून देतो. हीच गोष्ट कोणत्याही यशस्वी संघाची खरी ओळख असते. सध्याच्या क्रिकेट जगतात एक गंभीर मुद्दा पुढे येतो, तो म्हणजे इंडियन प्रीमियर लीगची बदलती लोकप्रियता आणि क्रिकेटवरील त्याचा परिणाम. आजकाल वर्षभर विविध टी-२० लीग आणि आंतरराष्ट्रीय सामने होतात, त्यामुळे खेळाडूंवर सततचा ताण असतो आणि त्यांना पूर्ण तयारीसाठी पुरेसा वेळ मिळत नाही. पूर्वीच्या काळात, विशेषतः सचिन तेंडुलकर आणि त्याआधी सुनील गावसकर यांच्या काळात, कसोटी क्रिकेटला अधिक महत्त्व दिले जात असे. त्या काळात सामने कमी असत, त्यामुळे प्रेक्षकांमध्ये उत्सुकता आणि आकर्षण अधिक होते. लोक आवडीने मैदानावर जाऊन सामने पाहत असत. मात्र, क्रिकेटमध्ये पैसा आणि मनोरंजना वाढल्यामुळे खेळाचा मूळ गाभा काही प्रमाणात बदलल्याचे जाणवते. सपाट खेळपट्ट्या, नियमांमध्ये होणारे बदल आणि टी-२० स्वरूपातील वेगवान खेळ यामुळे कसोटी क्रिकेटचे महत्त्व कमी होत असल्याची चर्चा आहे. सुनील गावसकर यांनीही अलीकडे “इम्पॅक्ट प्लेअर” नियमात सुधारणा व्हायला हवी, असे मत व्यक्त केले.
इस्रायलमध्ये सक्तीच्या लष्करी भरतीविरोधात सोमवारी हजारो अतिधार्मिक (अल्ट्रा-ऑर्थोडॉक्स) ज्यू नागरिक रस्त्यावर उतरले. देशभर झालेल्या आंदोलनांमुळे ...
त्यांच्या मते क्रिकेटचा मूळ आत्मा कसोटी क्रिकेटमध्ये आहे. टी-२० आणि आयपीएल हे मनोरंजनाचे माध्यम असले तरी तेच खरे क्रिकेट नाही, असे काही माजी खेळाडूंना वाटते.भारतीय क्रिकेट नियामक मंडळ आणि इतर संस्थांना आर्थिक फायदा मोठ्या प्रमाणात होत असला तरी, खेळाच्या संतुलनावर आणि पारंपरिक स्वरूपावर त्याचा परिणाम होतो आहे का, हा प्रश्न विचारात घेणे गरजेचे आहे. ग्रामीण आणि नवोदित खेळाडूंना संधी मिळणे ही आयपीएलची मोठी सकारात्मक बाजू असली तरी क्रिकेटचा दर्जा आणि दीर्घकालीन विकास यावरही लक्ष देणे आवश्यक आहे.शेवटी, क्रिकेट हे फक्त आयपीएलपुरते मर्यादित नसून त्याचे सर्व स्वरूप विशेषतः कसोटी क्रिकेट हेच या खेळाचे खरे मूळ आहे, हे विसरून चालणार नाही.
आजच्या क्रिकेटमध्ये परिस्थिती थोडी वेगळी आहे, कारण मर्यादित षटकांच्या सामन्यांमध्ये गोलंदाजांच्या षटकांवर बंधने आहेत. त्यामुळे त्यांचा प्रभाव काही प्रमाणात कमी होताना दिसतो. आयपीएलमध्ये तर आक्रमक फलंदाजी आणि मोठे फटके पाहण्यासाठी प्रेक्षक मोठ्या संख्येने येतात, त्यामुळे सामना अधिक फलंदाजप्रधान झाल्याचे जाणवते. विराट कोहलीच्या नेतृत्वाखालील संघाचा विजय आणि त्यांनी मिळवलेला आयपीएल करंडक निश्चितच कौतुकास्पद आहे. विराटने अनेक वर्षांच्या प्रतीक्षेनंतर अखेर गेल्या वर्षी पहिला करंडक जिंकला आणि
मुंबई : मुंबई महानगर प्रदेशातील सार्वजनिक वाहतूक व्यवस्था अधिक सक्षम करण्यासाठी मेट्रो (Metro) नेटवर्कचा विस्तार वेगाने सुरू आहे. याच पार्श्वभूमीवर वसई, ...
