नालासोपारा : वसई-विरार महापालिका (Vasai-Virar Mahanagpalika) क्षेत्रातील नालासोपारा पूर्वेकडील वाकणपाडा परिसरातून एक अत्यंत किळसवाणा आणि धक्कादायक प्रकार समोर आला आहे. येथील एका हॉटेलमध्ये ग्राहकांना वाढण्यासाठी ठेवलेल्या भाताच्या पातेल्यावर चक्क उंदीर फिरताना आणि ताव मारतानाचा व्हिडिओ सोशल मीडियावर प्रचंड व्हायरल झाला आहे. या घटनेमुळे नालासोपाऱ्यातील हॉटेल्समधील स्वच्छता आणि अन्नसुरक्षेचा प्रश्न पुन्हा एकदा ऐरणीवर आला आहे.
सोशल मीडियावर व्हिडिओ व्हायरल
View this post on Instagram
व्हायरल झालेल्या व्हिडिओमध्ये स्पष्ट दिसत आहे की, हॉटेलच्या काउंटरवर किंवा सर्व्हिस टेबलवर उघड्यावर ठेवलेल्या भातावर उंदीर फिरत आहे. हॉटेल चालकांचा हा बेफिकीरपणा ग्राहकांच्या थेट आरोग्याशी खेळणारा आहे. हा व्हिडिओ ग्राहकाने आपल्या कॅमेऱ्यात कैद करून सोशल मीडियावर टाकताच, नागरिकांमधून प्रचंड संताप व्यक्त केला जात आहे.
अन्न व औषध प्रशासनाच्या कारभारावर प्रश्नचिन्ह
मुंबई : मुंबईत गणेशोत्सवाचा उत्साह सुरू असतानाच, माझगाव परिसरातील 'माझगाव मोरया' (Mazgoan Morya) गणपतीच्या आगमन मिरवणुकीदरम्यान एक खळबळजनक घटना समोर आली आहे. ...
हॉटेलमध्ये अन्नपदार्थ सुरक्षित आणि झाकून ठेवणे बंधनकारक असताना, असा निष्काळजीपणा कसा केला जातो? असा सवाल नागरिक विचारत आहेत. अन्नपदार्थांवर उंदीर किंवा घुशी फिरल्याने 'लेप्टोस्पायरोसिस' आणि अन्नातून विषबाधा (Food Poisoning) होण्याचा मोठा धोका असतो. त्यामुळे वसई-विरार पालिका आरोग्य विभाग आणि अन्न व औषध प्रशासन (FDA) केवळ हप्तेवसुलीत मग्न आहे का, असा संतप्त सवाल स्थानिक रहिवासी विचारत आहेत.
कठोर कारवाईची मागणी
या किळसवाण्या प्रकारानंतर संबंधित हॉटेलवर तात्काळ सील ठोकून मालकावर गुन्हा दाखल करण्याची मागणी नागरिकांनी केली आहे. तसेच परिसरातील इतर हॉटेल्सचीही अन्न सुरक्षानिबंधकांमार्फत तातडीने तपासणी करण्यात यावी, अशी मागणी जोर धरू लागली आहे. आता प्रशासन या बेजबाबदार हॉटेल मालकावर काय कारवाई करते, याकडे सर्वांचे लक्ष लागले आहे.
