मुंबई : अभिनेता गोविंदा आणि त्यांची पत्नी सुनीता आहुजा यांच्या वैवाहिक आयुष्याबाबत गेल्या काही महिन्यांपासून विविध चर्चा सुरू आहेत. दोघांच्या नात्यात दुरावा निर्माण झाल्याचे दावे तसेच गोविंदाच्या कथित अफेअरच्या चर्चा सोशल मीडियावर रंगल्या आहेत. अशातच सुनीता आहुजा मुलगा यशवर्धन आहुजासोबत मुंबईतील फॅमिली कोर्टाबाहेर दिसल्याने या चर्चांना पुन्हा उधाण आले आहे. (Govinda)
समोर आलेल्या व्हिडीओमध्ये सुनीता आणि यशवर्धन कोर्टाच्या बाहेर दिसत आहेत. दोघेही काहीसे चिंतेत असल्याचे व्हिडीओत दिसून येत आहे. मात्र, सुनीता फॅमिली कोर्टात नेमक्या कोणत्या कारणासाठी गेल्या होत्या, याबाबत अद्याप अधिकृत माहिती समोर आलेली नाही. त्यामुळे त्या घटस्फोटाच्या प्रक्रियेसाठी कोर्टात गेल्या होत्या का, याबाबत केवळ चर्चा सुरू आहे. (Sunita Ahuja)
Deepali Chavan Suicide : अमरावती जिल्ह्यातील मेळघाट व्याघ्र प्रकल्पातील वनपरिक्षेत्र अधिकारी दीपाली चव्हाण यांच्या मृत्यू प्रकरणाला साडेपाच वर्षांनंतर नवे वळण ...
काही दिवसांपूर्वी गोविंदा राणी स्वर्णकार नावाच्या अभिनेत्रीसोबत विमानतळावर दिसले होते. त्यानंतर सोशल मीडियावर राणी ही गोविंदाची कथित गर्लफ्रेंड असल्याच्या चर्चा सुरू झाल्या. या चर्चांवर सुनीता यांनीही प्रतिक्रिया दिली होती. त्यांनी गोविंदावर टीका करत काही वक्तव्ये केली होती. त्यामुळे दोघांच्या नात्यात खरोखरच काही अडचणी आहेत का, असा प्रश्न उपस्थित झाला होता. (Bollywood News)
दरम्यान, गोविंदा आणि सुनीता यांनी 11 मार्च 1987 रोजी लग्न केले. या जोडप्याला टीना आणि यशवर्धन अशी दोन मुले आहेत. बॉलिवूडमधील लोकप्रिय जोडप्यांपैकी एक म्हणून त्यांच्याकडे पाहिले जाते. मात्र, गेल्या काही काळातील विविध दावे आणि सुनीता यांची वक्तव्ये यामुळे त्यांच्या वैवाहिक आयुष्याबाबत चर्चा सुरू आहे. (Family Court)
आता सुनीता आहुजा फॅमिली कोर्टाबाहेर दिसल्याने या चर्चांना आणखी बळ मिळाले आहे. मात्र, त्या कोर्टात नेमक्या कोणत्या कारणासाठी गेल्या होत्या, हे स्पष्ट झालेले नाही. त्यामुळे गोविंदा आणि सुनीता यांच्या 39 वर्षांच्या वैवाहिक नात्याबाबत सुरू असलेल्या चर्चांना सध्या अधिकृत दुजोरा मिळालेला नाही. (Entertainment News)
