Nashik Crime : नाशिकमध्ये एक धक्कादायक घटना समोर आली आहे. नाशिकच्या जय भवानी रोडवरील आडके नगर येथे तोतया पोलिसांनी वृद्धेचे पाच तोळ्यांचे दागिने पळवले आहे. खरे पोलीस असल्याची बतावणी करत वृद्ध इसमाला लाखो रुपयांचा गंडा घालण्यात आला आहे. (Nashik Crime News)
Nashik Earthquake : नाशिक जिल्ह्यात मागील काही दिवसांपासून सातत्याने भूकंपाचे धक्के जाणवत आहे. दरम्यान बुधवारी सकाळीही ९ वाजता पेठ (Peth) तालुक्यात भूकंपाचे सौम्य ...
नेमकं काय घडलं ?
आडके नगर येथे वृद्ध इसम मेडिकलमध्ये पायी जात असताना त्यांना रस्त्यात तिघा तोतया पोलिसांनी (Fake Police) रोखले. चोरांनी ज्येष्ठ नागरिक महिलेला लुटले आहे, त्यामुळे तुमचे सोने सुरक्षित ठेवा असे म्हणताच हात चलाखीने महिलेचे दागिने लंपास केले. त्यांच्या हातातील बांगड्या, मंगळसूत्र असे सुमारे साडेपाच तोळ्यांचे दागिने लांबविल्याची घटना सोमवारी (दि. १७) सकाळी साडेआठ वाजेच्या सुमारास घडली.
आडके नगर येथे राहणाऱ्या फिर्यादी सरला मुरलीधर कुंडीकंट्टक (६८) यांनी दिलेल्या फिर्यादीनुसार सोमवारी त्या घरातून मेडिकल दुकानामध्ये जाण्यासाठी बाहेर पडल्या. रस्त्याने त्या पायी जात असता तिघा चोरांनी त्यांना थांबवून 'आम्ही पोलिस अधिकारी आहोत, या भागात सकाळीच एका वयोवृद्ध महिलेला चोरट्यांनी लुटले आहे, तुमचे अंगावरील दागिने व्यवस्थित ठेवा' असे सांगून विश्वास संपादन केला. यावेळी वयोवृद्ध सरला यांनी हातातील ३२ ग्रॅम वजनाच्या सोन्याच्या चार बांगड्या, २४ ग्रॅम वजनाचे मंगळसूत्र असे दोन लाख सहा हजार रुपये किमतीचे साडेपाच तोळ्याचे दागिने अंगावरून काढून ठेवू लागल्या. यावेळी तिघांनी हात चलाखीने सोन्याचे दागिने त्यांच्याकडून स्वतःच्या ताब्यात घेत पलायन केले. (Nashik Crime News)
Nashik News : कंपनीच्या कामानिमित्त मित्रासोबत वाडीवऱ्हे परिसरात (Wadivarhe area) गेलेल्या सिडकोतील ३४ वर्षीय महिलेला मृत्यूनं गाठलंय. मंगळवारी दुपारी दोन वाजेच्या ...
चोरांनी लबाडी करून दागिने चोरी केल्याचे लक्षात येताच त्यांना धक्का बसला. त्यांनी घरी गेल्यावर कुटुंबियांना घडलेला प्रकार सांगितला. यानंतर पोलिस ठाणे गाठून फिर्याद दिली. उपनगर पोलिसांनी चोरीचा गुन्हा दाखल केला आहे. दरम्यान, या घटनेमुळे ज्येष्ठ नागरिकांमध्ये भीतीचे वातावरण पसरले आहे.
