Mumbai : मुंबईतील बॉलिवूड अभिनेता शाहरुख खानच्या वांद्रे येथील प्रसिद्ध ‘मन्नत’ निवासस्थानी नागपंचमीच्या दिवशीच दोन साप आढळल्याची घटना समोर आली आहे. 17 ऑगस्ट रोजी मन्नतच्या लॉन आणि परिसरात दोन साप दिसल्यानंतर सर्पमित्रांना तातडीने पाचारण करण्यात आले. या घटनेमुळे काही काळ परिसरात खळबळ उडाली. मिळालेल्या माहितीनुसार, बचाव पथकातील सर्पमित्र विकी दुबे मन्नत येथे पोहोचले. शोध घेतल्यानंतर जिन्याखाली सुमारे 8 फूट लांबीचा धामन आढळून आला. धामन म्हणजेच इंडियन रॅट स्नेक. हा साप बिनविषारी असून उंदरांसारख्या प्राण्यांची शिकार करून पर्यावरणातील समतोल राखण्यात त्याची महत्त्वाची भूमिका असते. सर्पमित्रांनी या सापाला कोणतीही इजा न होता सुरक्षितपणे बाहेर काढले. त्यानंतर वन विभागाच्या मार्गदर्शक तत्त्वांनुसार त्याला त्याच्या नैसर्गिक अधिवासात सोडण्यात आले.
मुंबई : भारतातील उद्योग जगतातील सर्वात मोठी उद्योग समूह असलेला टाटा सन्सबाबत एक मोठी बातमी समोर येत आहे. टाटा सन्सच्या १०० वर्षांहून अधिक काळाच्या ...
मात्र, दुसऱ्या सापाची कहाणी अद्याप संपलेली नाही. मन्नत परिसरात लोकांची ये-जा सुरू झाल्यानंतर दुसरा साप निसटल्याचे सांगण्यात येत आहे. त्याचा शोध घेण्यात आला; मात्र तो अद्याप सापडलेला नाही. या घटनेची माहिती वन विभागालाही देण्यात आली. सुदैवाने, सापडलेला धामन बिनविषारी असल्याने रहिवासी किंवा कर्मचाऱ्यांना कोणतीही इजा झाल्याचे वृत्त नाही. विशेष म्हणजे, नागपंचमीच्या दिवशीच ही घटना घडल्याने सोशल मीडियावरही या घटनेची चर्चा रंगली आहे. दरम्यान, यापूर्वी अभिनेता सलमान खानच्या गॅलेक्सी अपार्टमेंटमध्येही साप आढळला होता, ज्याची सर्पमित्रांनी सुरक्षितपणे सुटका केली होती. आता मन्नतमधून निसटलेला दुसरा साप नेमका कुठे गेला, याकडे सर्वांचे लक्ष लागले आहे.
