४६ वर्षीय महिला रुग्णाच्या गर्भाशयातून ५.५ किलो वजनाची काढली गाठ
मुंबई (विशेष प्रतिनिधी) : मानखुर्द येथील ४६ वर्षीय महिलेला गेल्या दोन वर्षांपासून पोटाची वाढती सूज, बोथट पोटदुखी आणि श्वास घेण्यास त्रास यासारख्या आरोग्याच्या तक्रारी होत्या. या तक्रारींच्या अनुषंगाने महानगरपालिकेच्या घाटकोपर येथील सेठ वाडीलाल छत्रभुज गांधी व मोनजी अमीदास व्होरा महानगरपालिका सर्वसाधारण रूग्णालय (राजावाडी रुग्णालय) येथील स्त्रीरोग विभागाच्या बाह्यरुग्ण विभागात उपचार घेण्यास सुरूवात केली होती. या रूग्णाच्या गर्भाशयातून सुमारे ५.५ किलो वजन आणि ३० सेंटीमीटर आकाराची गाठ काढण्यात रूग्णालयाच्या चमूला यश आले. (Rajawadi Hospital)
Maharashtra Weather Update : पुढील चार दिवसांसाठी विजांचा कडकडाट आणि काही जिल्ह्यांत जोरदार पावसाचा वेधशाळेचा अंदाज
मुंबई : मुंबई प्रादेशिक हवामान केंद्राने राज्यासाठी पुढील चार दिवसांचा हवामानाचा अंदाज जाहीर केला असून, मेघगर्जना, विजांचा कडकडाट आणि काही ठिकाणी ...
आरोग्याच्या तक्रारींमध्ये लक्षणीय वाढ होत असल्याने या रूग्णाची संपूर्ण वैद्यकीय इतिहास, शारीरिक तपासणी आणि आवश्यक तपासण्या करण्यात आल्या. या तपासणी दरम्यान रुग्णामध्ये सुमारे ३० सेमी आकाराची गर्भाशयातील गाठ (ट्युमर) असल्याचे निदान झाले. प्राथमिक निदानानुसार ही गाठ जायंट लिओमायोमा असल्याचा संशय होता. शस्त्रक्रियेदरम्यान आणि त्यानंतर उद्भवू शकणाऱ्या अडचणी लक्षात घेऊन सर्व आवश्यक खबरदारी व नियोजन करण्यात आले. त्यानुसार रुग्णावर शस्त्रक्रिया करण्यात आली.
BMC News : पदपथांवरील सर्व अतिक्रमणे, अनधिकृत बांधकामांवर फिरणार जेसीबी
- कोणतीही अनधिकृत बांधकामे होणार नाहीत अधिकृत - महापालिका आयुक्तांचे सर्व सहायक आयुक्तांना कडक निर्देश मुंबई (विशेष प्रतिनिधी) शाळा, रुग्णालये, ...
स्त्री रोग विभागामार्फत करण्यात आलेल्या शस्त्रक्रियेसाठी डॉ. स्वाधिना बी. मोहंती, डॉ. शालिनी बगारिया, डॉ. अरवा कांबळे आणि डॉ. काजल साळवी यांनी महत्वाची भूमिका बजावली. भूलतज्ज्ञ डॉ. छवी यांच्या मार्गदर्शनाखाली डॉ. श्रेयश आणि डॉ. नेत्रा यांनी भूल विभागाची जबाबदारी सांभाळली. तसेच सर्जिकल स्टाफ नर्स नीलाक्षी गुरव आणि त्यांच्या टीमने शस्त्रक्रियेसाठी सहकार्य केले.
BMC News : मुंबईत कचऱ्यांच्या संवेदनशील ठिकाणांवर सीसीटीव्हीची नजर, कचरा फेकणाऱ्यांवर दंडात्मक कारवाई
मुंबई (विशेष प्रतिनिधी) : मुंबई उच्च न्यायालयाने नुकत्याच दिलेल्या निर्देशांच्या पार्श्वभूमीवर, महानगरपालिकेच्या घनकचरा व्यवस्थापन विभागाकडून ...
ट्युमरचा मोठा आकार आणि त्यामधील वाढलेली रक्तवाहिन्यांची जाळी यामुळे शस्त्रक्रिया अत्यंत काळजीपूर्वक पार पाडण्यात आली. शस्त्रक्रियेनंतर काढलेला ५.५ किलो ट्युमर हिस्टोपॅथॉलॉजिकल तपासणीसाठी पाठविण्यात आला आहे. या चाचणीचा अंतिम अहवाल प्रतिक्षेत आहे. शस्त्रक्रियेनंतर रुग्णावर विशेष काळजीपूर्वक उपचार करण्यात आले. शस्त्रक्रियेनंतर पाचव्या दिवशी रूग्णाला उत्तम प्रकृतीत रुग्णालयातून घरी सोडण्यात आले. मोठ्या आकाराच्या गर्भाशयातील गाठीची प्रकरणे अत्यंत दुर्मिळ अशी आहे.
