मुंबई : मुंबईतील विलेपार्ले पश्चिम परिसरात हिट अँड रनची धक्कादायक घटना समोर आली आहे. मिठीबाई कॉलेजजवळील एन. एस. रोड क्रमांक 1 येथे रस्ता ओलांडणाऱ्या 15 वर्षीय मुलीला भरधाव बाईकस्वाराने जोरदार धडक दिली. या अपघातात मुलगी गंभीर जखमी झाली असून तिच्यावर रुग्णालयात उपचार सुरू आहेत. (Mumbai Accident)
मुंबई महानगरपालिका मुख्यालयात २४ ऑगस्ट २०२६ रोजी सर्व विभाग कार्यालयांमध्ये २४ व २५ ऑगस्ट २०२६ रोजी विशेष प्रदर्शन मुंबई (विशेष प्रतिनिधी) : आगामी ...
रस्ता ओलांडताना बाईकने उडवलं
मिळालेल्या माहितीनुसार, मुलगी रस्ता ओलांडत असताना अचानक भरधाव वेगाने आलेल्या बाईकने तिला जोरदार धडक दिली. धडकेनंतर मुलगी रस्त्यावर कोसळून गंभीर जखमी झाली. मात्र, अपघातानंतर बाईकस्वाराने घटनास्थळी न थांबता तेथून पळ काढला.
घटनेची माहिती मिळताच पोलिसांनी घटनास्थळी धाव घेतली आणि जखमी मुलीला तातडीने रुग्णालयात दाखल करण्यात आले. या घटनेनंतर मुलीच्या कुटुंबीयांमध्ये चिंतेचे वातावरण आहे.
दरम्यान, पोलिसांकडून फरार बाईकस्वाराचा शोध सुरू आहे. अपघातस्थळ आणि परिसरातील दुकानं, इमारती तसेच चौकांमधील सीसीटीव्ही फुटेज तपासले जात आहे. बाईकचा वेग आणि अपघात नेमका कशामुळे झाला, याचाही तपास केला जात आहे. सीसीटीव्हीच्या मदतीने आरोपीची ओळख पटवून त्याला ताब्यात घेण्याचे प्रयत्न पोलिसांकडून सुरू आहेत.
