रत्नागिरी : रत्नागिरी जिल्ह्यातील चिपळूण तालुक्यातून एक अतिशय धक्कादायक आणि संतापजनक घटना समोर आली आहे. शेतात भात लावणीच्या कामासाठी सकाळी लवकर उठण्यास सांगितल्याच्या कारणावरून एका सुनेने आपल्या ७१ वर्षीय वृद्ध सासूला बेदम मारहाण केल्याची घटना घडली आहे. या प्रकारामुळे रेहेळ-गावणवाडी परिसरात तीव्र संताप व्यक्त केला जात आहे.
चेंबूर (पश्चिम) येथील डायमंड गार्डनजवळ 30 जून 2026 रोजी शाळेच्या बसवर पिंपळाचे झाड कोसळून झालेल्या दुर्घटनेप्रकरणी नियुक्त चौकशी समितीचा अहवाल सादर ...
काय आहे संपूर्ण प्रकरण?
सध्या पावसाळ्याचे दिवस असल्याने कोकणात शेतीची कामे, विशेषतः भात लावणीची लगबग सुरू आहे. याच पार्श्वभूमीवर चिपळूण तालुक्यातील रेहेळ-गावणवाडी येथे राहणाऱ्या ७१ वर्षीय सासूने आपल्या सुनेला सकाळी शेतीच्या कामासाठी लवकर उठण्यास सांगितले. मात्र, सासूची ही साधी सूचना सुनेला चांगलीच झोंबली.
नवी दिल्ली: २०२० च्या ईशान्य दिल्ली दंगलीदरम्यान गुप्तचर विभागातील (IB) अधिकारी अंकित शर्मा यांच्या हत्येप्रकरणी दिल्लीतील कर्करडूमा न्यायालयाने एक ...
सुनेचा संताप अनावर
लवकर उठण्याचे सांगताच सुनेचा पारा चढला. तिने सासूशी वाद घालण्यास सुरुवात केली आणि रागाच्या भरात वृद्ध सासूला अत्यंत खालच्या पातळीवर जाऊन शिवीगाळ केली. एवढ्यावरच न थांबता तिने घरातील एक लाकडी फाटा उचलला आणि सासूला बेदम मारहाण केली. या अनपेक्षित आणि हिंसक हल्ल्यात वृद्ध सासू गंभीर जखमी झाली आहे.
माहेरी जाताना २१ वर्षीय नवविवाहितेचा भीषण अपघातात मृत्यू जळगाव : जळगाव (Jalgaon) शहरात सोमवारी घडलेल्या भीषण अपघातात २१ वर्षीय नवविवाहितेचा मृत्यू झाला. ...
पोलिसांत गुन्हा दाखल
मारहाणीच्या या प्रकारानंतर जखमी सासूने धिरोदात्तपणे थेट चिपळूण पोलीस ठाणे गाठले आणि आपल्या सुनेविरुद्ध रीतसर तक्रार दाखल केली. या तक्रारीची दखल घेत पोलिसांनी आरोपी सुनेविरुद्ध विविध कलमांखाली गुन्हा दाखल केला आहे. चिपळूण पोलीस या प्रकरणाचा पुढील तपास करत असून, आरोपी सुनेवर कायदेशीर कारवाईची प्रक्रिया सुरू करण्यात आली आहे.
सासू-सुनेच्या नात्यातील वादाचे हे हिंसक रूप पाहून परिसरात हळहळ व्यक्त होत असून, ज्येष्ठ नागरिकांच्या सुरक्षेचा प्रश्न पुन्हा एकदा ऐरणीवर आला आहे.
