कोल्हापूर : पाकिस्तानी गुंड शहजाद भट्टी, आबिद जाट आणि राणा हनेने यांच्या कथित सोशल मीडिया नेटवर्कशी संपर्क असल्याच्या संशयावरून महाराष्ट्र दहशतवादविरोधी पथकाने (ATS) राज्यभर मोठी कारवाई केली आहे. शुक्रवारी विविध शहरांमध्ये छापेमारी करत ११२ तरुणांची चौकशी करण्यात आली असून त्यामध्ये कोल्हापूर जिल्ह्यातील दोन तरुणांचाही समावेश असल्याची माहिती समोर आली आहे. (Maharashtra ATS Raids)
मुंबई : देशात राष्ट्राध्यक्ष पद्धत लागू होणार असल्याबाबत करण्यात येणारे दावे म्हणजे केवळ अफवा असून अशा निराधार चर्चा पसरवणे थांबवावे, असा जोरदार ...
कोल्हापुरातील दोघांची १० तास चौकशी :
कोल्हापूर जिल्ह्यातील दोन तरुण या कथित नेटवर्कशी संपर्क साधण्याच्या प्रयत्नात असल्याचा संशय व्यक्त झाल्यानंतर एटीएसचे पथक तत्काळ कोल्हापुरात दाखल झाले. या दोघांची तब्बल १० तासांहून अधिक काळ कसून चौकशी करण्यात आल्याची माहिती सूत्रांकडून मिळाली आहे. मात्र, तपासाच्या दृष्टीने एटीएसने या कारवाईबाबत अधिकृत तपशील जाहीर केलेला नाही. (Maharashtra ATS Raids)
पूर्वीही कोल्हापूर राहिले आहे चर्चेत :
यापूर्वीही कोल्हापूर जिल्ह्याचे नाव अशाच प्रकारच्या तपासात समोर आले होते. २०२२ मध्ये दहशतवादी संघटनांशी कथित संपर्काच्या संशयावरून हुपरी येथील काही तरुणांची चौकशी करण्यात आली होती. त्यानंतर २०२३ मध्ये राष्ट्रीय तपास संस्था (NIA) ने हातकणंगले तालुक्यात छापा टाकून एका संशयिताला ताब्यात घेतले होते. आता पुन्हा एकदा पाकिस्तानी सोशल मीडिया नेटवर्कशी कथित संपर्काच्या तपासामुळे कोल्हापूरसह पश्चिम महाराष्ट्राचे नाव चर्चेत आले आहे. (Maharashtra ATS Raids)
वॉशिंग्टन : अमेरिकेचे राष्ट्राध्यक्ष डोनाल्ड ट्रम्प (Donald Trump) यांनी इराणला कडक इशारा देताना म्हटले आहे की, जर त्यांच्या हत्येचा प्रयत्न केला गेला तर ...
तपास सुरूच :
या प्रकरणात सोशल मीडिया व्यवहार, डिजिटल पुरावे आणि संबंधित व्यक्तींच्या संपर्कांचे तांत्रिक विश्लेषण सुरू असून, चौकशीनंतरच पुढील कारवाईबाबत निर्णय घेतला जाणार असल्याचे सूत्रांनी सांगितले आहे. दरम्यान, एटीएसकडून राज्यभरातील तपास अधिक तीव्र करण्यात आला असून संशयास्पद ऑनलाइन नेटवर्कवर विशेष लक्ष ठेवण्यात येत आहे. (Maharashtra ATS Raids)
