वॉशिंग्टन : अमेरिकेचे राष्ट्राध्यक्ष डोनाल्ड ट्रम्प (Donald Trump) यांनी इराणला कडक इशारा देताना म्हटले आहे की, जर त्यांच्या हत्येचा प्रयत्न केला गेला तर अमेरिका त्याला कठोर प्रत्युत्तर देईल. ट्रम्प यांनी हे वक्तव्य त्यांच्या सोशल मीडिया प्लॅटफॉर्म 'ट्रुथ सोशल' वर केलेल्या एका पोस्टमध्ये केले.
रशियाच्या आंतरराष्ट्रीय टीव्ही नेटवर्क रशिया टुडे (आरटी) च्या माहितीनुसार, ट्रम्प (Donald Trump) यांनी दावा केला की, जर इराणने त्यांच्या हत्येसाठी किंवा हत्येच्या प्रयत्नासारखी कोणतीही कारवाई केली, तर अमेरिकन सैन्याला आधीच आवश्यक निर्देश देण्यात आले आहेत. त्यांनी म्हटले की, अमेरिका अशा कोणत्याही परिस्थितीत निर्णायक लष्करी कारवाई करण्यासाठी तयार आहे.
अथेन्स : ग्रीसमधून (Greece) जर्मनीकडे (Germany) जाणाऱ्या रायनएअर (Ryanair) या प्रवासी विमानात (Passenger Plane) ३० हजार फूट उंचीवर अत्यंत धक्कादायक घटना घडली. उड्डाणादरम्यान (Flight) ...
ट्रम्प (Donald Trump) यांनी शुक्रवारी 'ट्रुथ सोशल' वर लिहिले की, “इस्लामिक रिपब्लिक ऑफ इराणवर 1000 क्षेपणास्त्रे लक्ष्य करून सज्ज ठेवण्यात आली आहेत आणि आणखी हजारो क्षेपणास्त्रे तात्काळ डागली जाऊ शकतात, जर इराणी सरकारने जगभरातील अनेक ठिकाणी दिलेल्या त्या धमकीची अंमलबजावणी केली, ज्यामध्ये अमेरिकेच्या विद्यमान राष्ट्राध्यक्षांची म्हणजे माझी! हत्या किंवा हत्येचा प्रयत्न करण्याबाबत सांगण्यात आले आहे.” मात्र, त्यांनी आपल्या दाव्यांच्या समर्थनार्थ कोणताही पुरावा सादर केला नाही.
दरम्यान, इराणी अधिकाऱ्यांकडून ट्रम्प (Donald Trump) यांच्या हत्येची कोणतीही अधिकृत धमकी दिल्याची पुष्टी करण्यात आलेली नाही. मात्र, अलीकडच्या काळात इराणमध्ये आयोजित काही सार्वजनिक कार्यक्रमांदरम्यान ट्रम्प विरोधी घोषणा आणि पोस्टर्स दिसल्याच्या मीडिया रिपोर्ट्स समोर आल्या आहेत. एका अहवालानुसार, इस्रायलने अमेरिकेला ट्रम्प यांच्याविरोधातील कथित संभाव्य धोक्याबाबत सावध केले होते. मात्र, यासंदर्भात अधिकृतपणे कोणतीही सविस्तर माहिती सार्वजनिक करण्यात आलेली नाही.
ऑकलंड : पंतप्रधान नरेंद्र मोदी आपल्या तीन देशांच्या दौऱ्याच्या शेवटच्या टप्प्याला सुरुवात करत असताना, शुक्रवारी त्यांनी न्यूझीलंडमधील भारतीय ...
लक्षणीय बाब म्हणजे, अलीकडच्या काळात अमेरिका आणि इराण यांच्यातील तणाव सातत्याने वाढला आहे. प्रादेशिक सुरक्षा, सागरी मार्गांची सुरक्षा आणि लष्करी हालचालींवरून दोन्ही देशांमध्ये वक्तव्यबाजीही तीव्र झाली आहे. दुसरीकडे, अमेरिका आणि इस्रायलने आपल्या बॉम्बहल्ल्यांच्या मोहिमेदरम्यान इराणमधील डझनभर वरिष्ठ अधिकारी आणि लष्करी कमांडरांना ठार केले, ज्यामध्ये देशाचे दीर्घकाळ सर्वोच्च नेते राहिलेले अली खामेनेई यांचाही समावेश होता. ते २८ फेब्रुवारी रोजी तेहरानमधील त्यांच्या निवासस्थानी झालेल्या एका लक्ष्यित हल्ल्यात मारले गेले. (Donald Trump)
