वॉशिंग्टन : अमेरिका आणि इराण यांच्यातील संबंध पुन्हा एकदा तणावपूर्ण वळणावर आले असून अमेरिकेचे राष्ट्राध्यक्ष डोनाल्ड ट्रम्प यांनी इराणला अत्यंत कठोर शब्दांत इशारा दिला आहे. इराणने आपल्या हत्येचा प्रयत्न केल्यास किंवा तशी कोणतीही कारवाई केल्यास अमेरिकेचे लष्कर इराणचा संपूर्ण विनाश करण्यास तयार असल्याचा दावा ट्रम्प यांनी केला. यानंतर इराणनेही अमेरिकेवर सामंजस्य कराराचे (एमओयू) उल्लंघन केल्याचा आरोप करत ठाम भूमिका घेतली आहे.शुक्रवारी ट्रम्प यांनी त्यांच्या सोशल मीडिया प्लॅटफॉर्मवर केलेल्या पोस्टमध्ये, "इराणने अमेरिकेच्या विद्यमान राष्ट्राध्यक्षांच्या हत्येचा प्रयत्न केल्यास किंवा तशी धमकी प्रत्यक्षात आणण्याचा प्रयत्न केल्यास इराणकडे लक्ष्य साधून एक हजार क्षेपणास्त्रे सज्ज ठेवण्यात आली आहेत. त्यानंतर आणखी हजारो क्षेपणास्त्रे तातडीने डागली जाऊ शकतात," असा दावा केला. तसेच, अमेरिकन लष्कराला इराणमधील सर्व क्षेत्रे पूर्णपणे उद्ध्वस्त करण्याचे आदेश देण्यात आल्याचेही त्यांनी म्हटले.ट्रम्प यांच्या या विधानामुळे पश्चिम आशियातील भू-राजकीय तणावात पुन्हा वाढ झाली आहे. विशेषतः अणुकार्यक्रम आणि प्रादेशिक सुरक्षेच्या मुद्द्यावरून गेल्या काही वर्षांपासून अमेरिका आणि इराण यांच्यातील संघर्ष अधूनमधून तीव्र होत आला आहे.(America-Iran)
व्हिएतनाम : व्हिएतनाममधील 'फू क्वोक' बेटाजवळ भारतीय पर्यटकांना घेऊन जाणारी बोट उलटल्याची हृदयद्रावक घटना समोर आल्यानंतर संपूर्ण देशावर शोककळा पसरली ...
दरम्यान अमेरिका-इराण तणाव पुन्हा वाढल्याने पश्चिम आशियातील सुरक्षेचा प्रश्न ऐरणीवर आला आहे. ट्रम्प यांच्या आक्रमक इशाऱ्यांमुळे आणि इराणच्या ठाम प्रत्युत्तरामुळे दोन्ही देशांतील मतभेद अधिक तीव्र होण्याची शक्यता व्यक्त केली जात आहे. दुसरीकडे, सुरू असलेल्या राजनैतिक चर्चांमुळे संघर्ष टाळण्याचा मार्ग खुला राहील का, याकडे आंतरराष्ट्रीय समुदायाचे लक्ष लागले आहे.(Donald Trump)
जागतिक धोकादायक ५० शहरांच्या यादीत पुणे, नागपूरचा समावेश; अहमदाबाद दुसऱ्या क्रमांकावर नवी दिल्ली : शहरातील सतत वाढत्या तापमानामुळे जागतिक स्तरावर ...
अमेरिकेवर करारभंगाचा आरोप
ट्रम्प यांच्या वक्तव्यानंतर इराणचे परराष्ट्रमंत्री सैयद अब्बास अराघची यांनी अमेरिकेवर पलटवार केला. त्यांनी अमेरिकेच्या अर्थ विभागाकडून सामंजस्य करारातील तरतुदींचे उल्लंघन होत असल्याचा आरोप केला. "इराणने आतापर्यंत आपले वचन पाळले आहे. मात्र अमेरिकेकडून सातत्याने करारभंग आणि चुकीची पावले उचलली जात आहेत. कोणत्याही कराराचा पाया हा परस्पर पालनावरच आधारित असतो," असे अराघची यांनी स्पष्ट केले.
नवी दिल्ली: देशातील प्रमुख महानगरांमधील वाढती वाहतूक कोंडी ही केवळ नागरिकांच्या गैरसोयीचा विषय राहिलेली नसून, ती देशाच्या अर्थव्यवस्थेवर मोठा भार ...
'इराण कधीही शरण जाणार नाही'
इराणी संसदेचे अध्यक्ष मोहम्मद बाघेर घालिबाफ यांनीही अमेरिकेच्या दबावाला झुकणार नसल्याचे स्पष्ट केले. तेहरान कोणत्याही परिस्थितीत अमेरिकेसमोर शरणागती पत्करणार नाही आणि कराराचे उल्लंघन झाल्यास स्वतःचे संरक्षण करण्यास पूर्णपणे सक्षम असल्याचा दावा त्यांनी केला. इराणची सार्वभौमत्व आणि राष्ट्रीय सुरक्षा धोक्यात आल्यास कठोर प्रत्युत्तर दिले जाईल, असा इशाराही त्यांनी दिला.
सांस्कृतिक कार्यमंत्री अँड आशिष शेलार राज्याचे सांस्कृतिक धोरण तयार झाले आहे, त्यामध्ये लोककलांचा विचार करण्यात आला आहेच. त्याचा अभ्यास करुन अजूनही ...
सीमेवर कडक नजर
दरम्यान, इराणच्या परराष्ट्र मंत्रालयाचे प्रवक्ते इस्माईल बघाई यांनी देशातील संरक्षण यंत्रणा पूर्णपणे सतर्क असल्याचे सांगितले. इराणच्या किनारपट्ट्या, बेटे, सीमावर्ती भाग आणि अन्य संवेदनशील ठिकाणी लष्करी दल शत्रूच्या प्रत्येक हालचालीवर बारकाईने नजर ठेवून असल्याचे त्यांनी नमूद केले. देशाच्या सुरक्षेसाठी कार्यरत असलेल्या सैनिकांच्या योगदानाचे त्यांनी कौतुक केले.
पिंपरी चिंचवड (Pimpari-Chinchwad) येथील मोशी (Moshi) कचरा डेपोमध्ये कोसळलेल्या इमारतीच्या भीषण दुर्घटनेला आता चार दिवस उलटून गेले आहेत. मागील चार दिवसांपासून ...
पडद्यामागे सुरूच संवाद
तणावपूर्ण वक्तव्ये आणि आरोप-प्रत्यारोप सुरू असतानाच अमेरिका आणि इराण यांच्यातील राजनैतिक संवाद मात्र सुरू असल्याची माहिती समोर आली आहे. वरिष्ठ अमेरिकन अधिकाऱ्यांच्या मते, दोन्ही देशांमधील चर्चा सकारात्मक आणि फलदायी ठरत आहेत. मात्र कोणत्याही संभाव्य करारासाठी इराणने अणुकार्यक्रमावर निर्बंध स्वीकारणे आणि संबंधित अणुसाहित्याच्या हस्तांतरणास सहमती देणे आवश्यक असल्याची अमेरिकेची भूमिका कायम आहे.