नवी दिल्ली : व्हेनेझुएलामध्ये झालेल्या विनाशकारी भूकंपानंतर भारतीय सैन्याने मलब्याखाली अडकलेल्या ७९ वर्षीय वृद्ध महिलेला यशस्वीरित्या बाहेर काढले. ऑपरेशन अमिस्ताद अंतर्गत राबविण्यात येत असलेल्या मानवतावादी मोहिमेचा भाग म्हणून तिच्यावर तातडीने उपचार सुरू करण्यात आले. भारतीय सैन्याने वेळेवर बचावकार्य करत महिलेला त्वरित फील्ड हॉस्पिटलमध्ये दाखल केले, त्यामुळे तिचा जीव वाचू शकला.भारतीय सैन्याच्या या कार्याचे व्हेनेझुएलामध्ये सर्वत्र कौतुक होत आहे.
परराष्ट्र मंत्रालयाचे प्रवक्ते रणधीर जयस्वाल(Randhir Jaiswal)यांनी व्हेनेझुएलातील अशा कुटुंबांचे व्हिडीओ शेअर केले आहेत, ज्यांनी भारतीय सैन्याच्या फील्ड हॉस्पिटलमध्ये मिळालेल्या उपचारांबद्दल भारताचे आभार मानले. सध्या या वृद्ध महिलेची ओळख अद्याप पटलेली नाही. मात्र, भारतीय सैन्य भूकंपग्रस्तांच्या मदतीसाठी वेगाने कार्यरत असून, मानवतावादी मदतीबाबत भारताची बांधिलकी पुन्हा अधोरेखित करत आहे.
http://prahaar.in/2026/07/02/first-batch-for-amarnath-yatra-departs-from-jammu/या महिलेच्या पायाला फ्रॅक्चर झाले होते. तसेच तिला पेरिफेरल आर्टरी डिसीज हा आजारही होता. मलब्याखाली अडकल्यामुळे उपचारांना झालेल्या विलंबामुळे तिचा जीव धोक्यात येण्याची शक्यता होती. गंभीर धमनीतील अल्सर आणि तीव्र वेदनांमुळे तिची प्रकृती अधिकच बिघडत होती. भारतीय सैन्याने वृद्ध महिलेवर तातडीने उपचार सुरू करून तिच्या फ्रॅक्चरवर उपचार केले. तसेच तिच्या जखमांवरही आवश्यक उपचार करण्यात आले. त्यामुळे तिच्या प्रकृतीत सुधारणा होण्याची आशा निर्माण झाली आहे.
दरम्यान भारताने स्पष्ट केले आहे की, व्हेनेझुएलातील भूकंपग्रस्तांना शक्य ती सर्व मदत करण्यासाठी तो कटिबद्ध आहे. परराष्ट्र मंत्रालयाचे प्रवक्ते रणधीर जयस्वाल यांनी सांगितले की, “व्हेनेझुएलाच्या जनतेसोबत भारत ठामपणे उभा आहे.”
मुंबई : उच्च व तंत्र शिक्षण मंत्री चंद्रकांतदादा पाटील(Chandrakant Patil) यांनी विद्यार्थीहिताला सर्वोच्च प्राधान्य देत आणखी एक महत्त्वपूर्ण निर्णय घेतला आहे. ...
गेल्या आठवड्यात व्हेनेझुएलामध्ये झालेल्या दोन भीषण भूकंपांमध्ये २,२०० हून अधिक जणांचा मृत्यू झाला असून बचाव आणि मदतकार्य अजूनही सुरू आहे. मृतांचा आकडा यापेक्षाही अधिक वाढण्याची भीती व्यक्त केली जात आहे.अमेरिकन भूवैज्ञानिक सर्वेक्षण (यूएसजीएस) यांच्या अंदाजानुसार, या भूकंपांमध्ये हजारो लोकांचा मृत्यू झाला असण्याची शक्यता आहे.
नासाच्या संशोधकांच्या अंदाजानुसार, मध्य आणि उत्तर व्हेनेझुएलामध्ये झालेल्या दोन तीव्र भूकंपांमुळे सुमारे ५८,८७० इमारतींचे नुकसान झाले किंवा त्या पूर्णपणे उद्ध्वस्त झाल्या आहेत. व्हेनेझुएलाच्या राष्ट्रीय सभेचे अध्यक्ष आणि राष्ट्राध्यक्षांचे बंधू जॉर्ज रोड्रिग्ज यांनी सांगितले की, या भूकंपांनंतर मृतांचा आकडा सातत्याने वाढत आहे.
