Nashik Crime : काही दिवसांपूर्वी नाशिक शहरातील तपोवन परिसरात सुटकेसमध्ये मृतदेह आढळल्याने एकच खळबळ उडाली होती. ही घटना ताजी असतानाच रविवारी सायंकाळी कामगारनगर परिसरात एका घराच्या टेरेसवर गोणीत अज्ञात व्यक्तीचा मृतदेह आढळून आल्याने खळबळ उडाली आहे. मृतदेह कुजलेल्या अवस्थेत असल्याने परिसरात दुर्गंधी पसरली होती. यानंतर स्थानिकांनी पाहणी केल्यानंतर ही घटना उघडकीस आली होती.
विधिमंडळाच्या पावसाळी अधिवेशनाला सुरुवात; सुनेत्रा पवारांसह अक्षय कर्डिले यांनी घेतली आमदारकीची शपथ मुंबई : महाराष्ट्र विधिमंडळाच्या पावसाळी ...
घराच्या टेरेसवर गोणीत आढळला मृतदेह
काही दिवसापूर्वीच घडलेल्या एका घटनेनं शहरात खळबळ उडाली असतानाच शहरातील कामगारनगरातील साईबाबा मंदिराजवळील गल्लीत रविवारी सायंकाळी सुमारे सहा वाजण्याच्या सुमारास ही घटना उघडकीस आली. मृतदेह कुजलेल्या अवस्थेत असल्याने परिसरात मोठ्या प्रमाणात दुर्गंधी पसरली होती. परिसरातील नागरिकांना दुर्गंधी येत असल्याने त्यांनी परिसराची पाहणी केली असता एका घराच्या टेरेसवर ठेवलेल्या एका गोणीत मृतदेह असल्याचे त्यांच्या निदर्शनास आले. घाबरलेल्या स्थानिकांनी त्यानंतर तातडीने पोलिसांना याबाबत माहिती दिली .( Nashik Crime News )
Nashik Rain Update : नाशिकककर अद्यापही पावसाच्या प्रतीक्षेत आहे. धरणांतील अपुऱ्या पाणीसाठ्यामुळे नाशिकरांवर पाणी टंचाई ओढवली आहे. याच कारणामुळे दर शनिवारी ...
मृतदेहाची ओळख अद्याप अस्पष्ट
दरम्यान, घटनेची माहिती मिळताच सातपूर पोलिसांनी (Satpur Police) तात्काळ घटनास्थळी धाव घेत पंचनामा सुरू केला. मृतदेहाची ओळख अद्याप अस्पष्ट असून तो काही दिवसांपूर्वीचा असावा, असा प्राथमिक अंदाज पोलिसांकडून व्यक्त करण्यात येत आहे. मृतदेह गोणीत भरून टेरेसवर टाकण्यात आल्याने हा खूनाचा प्रकार असण्याची शक्यता असून पोलिसांकडून तपास केला जात आहे. ( Nashik Crime News )
फडणवीस सरकारचा नवा विक्रम; शेतकऱ्यांच्या कर्जमाफीसाठी २० हजार ७५२ कोटींची तरतूद मुंबई : पावसाळी अधिवेशनाच्या पहिल्या दिवशी सोमवारी (दि. २२) ...
परिसरातील सीसीटीव्ही फुटेजची तपासणी
पोलिसांनी मृतदेह ताब्यात घेऊन शवविच्छेदनासाठी जिल्हा रुग्णालयात पाठविला आहे. मृत व्यक्तीची ओळख पटविण्याचे काम सुरू असून मृतदेह तेथे कसा आणण्यात आला, याचा शोध घेतला जात आहे. परिसरातील सीसीटीव्ही फुटेजची तपासणी सुरू करण्यात आली आहे. ( Nashik Crime News )
NEET UG Re-Exam 2026 : वैद्यकीय शिक्षणासाठी अत्यंत महत्त्वाची मानली जाणारी 'नीट यूजी' (NEET UG) फेरपरीक्षा रविवारी (दि. २१) जिल्ह्यात कडेकोट सुरक्षा व्यवस्थेत शांततेत ...
या घटनेमुळे कामगारनगर परिसरात भीतीचे वातावरण निर्माण झाले असून अफवांवर विश्वास न ठेवता कोणतीही महत्त्वाची माहिती असल्यास सातपूर पोलिसांशी (Satpur Police) संपर्क साधावा, असे आवाहन वरिष्ठ पोलीस निरीक्षक प्रकाश अहिरे (Prakash Ahire) यांनी केले आहे.
