Nashik Rain Update : नाशिकककर अद्यापही पावसाच्या प्रतीक्षेत आहे. धरणांतील अपुऱ्या पाणीसाठ्यामुळे नाशिकरांवर पाणी टंचाई ओढवली आहे. याच कारणामुळे दर शनिवारी नाशिक शहरात पाणीकपातीचा निर्णय घेण्यात आला आहे. तर जिल्ह्यात देखील पाण्याचे संकट ओढवले आहे. शेतकरी आभाळाकडून डोळे लावून आहे. दरम्यान उद्या मंगळवारी नाशिकसह जिल्ह्याला दिलासा मिळू शकतो.
फडणवीस सरकारचा नवा विक्रम; शेतकऱ्यांच्या कर्जमाफीसाठी २० हजार ७५२ कोटींची तरतूद मुंबई : पावसाळी अधिवेशनाच्या पहिल्या दिवशी सोमवारी (दि. २२) ...
नाशिक शहरात उद्या यलो अलर्ट
नाशिक शहरासह जिल्ह्याला मंगळवारी (दि.२३) हवामान विभागाकडून 'यलो अलर्ट' (Yellow Alert) जारी करण्यात आला आहे. यामुळे पाऊस दमदार हजेरी लावण्याची दाट शक्यता असून आतुरतेने वाट बघणाऱ्या नाशिककरांना दिलासा मिळू शकतो. ताशी ३०-४० किमी वेगाने वारे वाहू शकतात आणि वीजांचा कडकडाटदेखील होण्याची शक्यता वर्तविण्यात आली आहे.
NEET UG Re-Exam 2026 : वैद्यकीय शिक्षणासाठी अत्यंत महत्त्वाची मानली जाणारी 'नीट यूजी' (NEET UG) फेरपरीक्षा रविवारी (दि. २१) जिल्ह्यात कडेकोट सुरक्षा व्यवस्थेत शांततेत ...
जिल्ह्यात पाणीटंचाईचे संकट गडद
मान्सूनच्या वाटचालीकडे सर्वांचेच लक्ष असून बळीराजासह सर्वांसाठी ही दिलासादायक बाब आहे. जिल्ह्यातील बहुतांश जलसाठे आटले असून पाणीटंचाईचे संकट गडद झाले आहे. यामुळे मान्सून सरींच्या जोरदार वर्षावाची नाशिककर प्रतीक्षा अन् प्रार्थनाही करत आहेत. पाऊस लांबणीवर गेल्यामुळे जिल्ह्यात पेरण्याही खोळंबल्या असून खरीपाचा हंगामसुद्धा संकटात सापडला आहे.
Nashik Vidhan Parishad Election : नाशिक विधान परिषद स्थानिक स्वराज्य संस्था मतदारसंघाच्या निवडणुकीत अपक्ष उमेदवार गोकुळ गिते (Gokul Gite) यांनी महायुतीचे अधिकृत उमेदवार ...
यंदा 'एल-निनो' प्रणाली अधिक सक्रीय
यंदा प्रशांत महासागरात 'एल-निनो' प्रणाली अधिक सक्रीय झाल्याने पर्जन्यमानाचे प्रमाण कमी राहू शकते, असे हवामान विभागाने म्हटले आहे. तळ कोकणात अडकून पडलेल्या मान्सूनला पुढे सरकण्यास या प्रणालीमुळे अनुकूल असे वातावरण निर्माण होत नव्हते, यामुळे संपूर्ण राज्य व्यापण्यास मान्सूनला जूनचा अखेरचा आठवडा उजाडावा लागला आहे. मंगळवारपासून मान्सून सरी सर्वदूर कोसळण्याचा अंदाज वर्तविण्यात आला आहे. दरम्यान, नाशिक जिल्ह्यातील त्र्यंबकेश्वरसारख्या घाटमाथ्यांच्या परिसरात मागील दोन दिवसांपासून सरींचा हलका ते मध्यम स्वरूपाचा वर्षाव सुरु झाला आहे.
दरम्यान, नाशिक शहराचे कमाल तापमान मागील दोन दिवसांपासून वाढले आहे. ३४अंशांपर्यंत खाली आलेला तापामानाचा पारा पुन्हा ३६ अंशांच्यापुढे स्थिरावत आहे. रविवारी सलग दुसऱ्यादिवशी कमाल तापमान ३६.३ अंश सेल्सिअस इतके मोजण्यात आले. यामुळे वातावरणात उष्मा जाणवू लागला आहे.
