Nashik : मनमाड शहरातून एक अत्यंत हृदयद्रावक घटना समोर आली आहे. आयुष्यभर सुख-दुःखात साथ देणाऱ्या पती-पत्नीच्या नात्याचा भावनिक प्रत्यय मनमाड मध्ये पहायला मिळाला आहे. पतीच्या निधनाची बातमी समजताच अवघ्या दोन तासांत पत्नीचाही मृत्यू झाल्याची दुर्दैवी घटना मनमाडमध्ये घडली आहे. एकाच दिवशी घरातून पती-पत्नी दोघांचीही अंत्ययात्रा निघाल्याने संपूर्ण परिसरात हळहळ व्यक्त केली जात आहे.
Indore Bus Accident : इंदौर : केंद्रीय संरक्षणमंत्री (Defence Minister) राजनाथ सिंह (Rajnath Singh) यांचे भाचे प्रभात सिंह (Prabhat Singh) यांचा मध्य प्रदेशातील इंदौर (Indoor) येथे झालेल्या भीषण ...
नेमकं काय घडलं ?
मनमाड शहरातील शांतीनगर परिसरात राहणारे सेवानिवृत्त रेल्वे कर्मचारी अर्जुन देवरे (Arjun Devare) यांच्यावर काही दिवसांपासून नाशिकमधील खासगी रुग्णालयात हृदयविकाराच्या त्रासामुळे उपचार सुरू होते. त्यांची प्रकृती गंभीर होती. त्यांच्या पत्नी सुनंदा देवरे (Sunanda Devare) या देखील कुटुंबीयांसोबत रुग्णालयात उपस्थित राहून पतीची सेवा-सुश्रूषा करत होत्या. मात्र, अर्जुन देवरे यांच्या प्रकृतीत सुधारणा दिसून येत नव्हती. त्यामुळे कुटुंबीय चिंतेत होते.
नियतीने खेळला खेळ
दरम्यान, काही आवश्यक वस्तू आणण्यासाठी सुनंदा देवरे या आदल्या रात्री मनमाडमधील (Manmad) घरी परतल्या होत्या. दुसऱ्या दिवशी सकाळी पुन्हा नाशिकला जाण्याची तयारी सुरू होती. मात्र, नियतीला काही वेगळेच मान्य होते. गुरुवारी सकाळी नाशिकला जाण्याची तयारी सुरू असतानाच अर्जुन देवरे यांचे उपचारादरम्यान निधन झाल्याची दुःखद बातमी कुटुंबीयांना मिळाली. रुग्णालयातून त्यांचा मृतदेह मनमाडकडे आणण्यासाठी आप्तेष्ट रवाना झाले. सायंकाळी अंत्यसंस्कार होणार असल्याची माहिती नातेवाईक आणि परिसरातील नागरिकांना देण्यात आली. घरात शोककळा पसरली होती.
Nashik Crime : नाशिक जिल्ह्यातील नांदगाव (Nandgaon) येथील दुय्यम निबंधक कार्यालयात लाचलुचपत प्रतिबंधक विभागाने मोठी कारवाई केली आहे. शेतजमिनीच्या खरेदी खताच्या ...
अखेरच्या प्रवासालाही एकत्र
मात्र, याच दरम्यान आणखी एक धक्कादायक घटना घडली. पतीच्या निधनाचा जबर धक्का बसल्यानंतर सुनंदा देवरे यांची प्रकृती अचानक खालावली. त्यांना अस्वस्थ वाटू लागल्याने तातडीने मनमाडमधील खासगी रुग्णालयात दाखल करण्यात आले. डॉक्टरांकडून उपचार सुरू असतानाच त्यांना हृदयविकाराचा तीव्र झटका आला. धक्कादायक म्हणजे, पती अर्जुन देवरे यांच्या निधनानंतर अवघ्या दोन तासांच्या आतच सुनंदा देवरे यांची प्रकृती गंभीर बनली आणि अखेर त्यांचीही प्राणज्योत मालवली. पतीचा मृतदेह घरी पोहोचण्यापूर्वीच पत्नीचाही मृत्यू झाला. त्यामुळे कुटुंबावर दुहेरी दुःखाचा डोंगर कोसळला.
नाशिक : अंबड औद्योगिक वसाहतीतील एम. के. फोर्जिंग कंपनीत झालेल्या भीषण अपघातात दोन्ही हात गमावलेल्या कामगाराला तब्बल तीन महिने उलटूनही न्यायाची ...
यापूर्वीही कुटुंबावर दुःखाचा मोठा आघात
देवरे कुटुंबावर यापूर्वीही दुःखाचा मोठा आघात झाला होता. देवरे दाम्पत्याच्या विवाहित तरुण मुलाचे दोन वर्षांपूर्वी हृदयविकाराच्या झटक्याने निधन झाले होते. कुटुंबीयांनी एकुलत्या मुलाला गमावण्याचे दुःख सहन केले असतानाच आता पती-पत्नी दोघांच्याही निधनाने संपूर्ण कुटुंब हादरले आहे.देवरे दाम्पत्याच्या पश्चात दोन मुली असून, या हृदयस्पर्शी घटनेने देवरे कुटुंबावर शोककळा पसरली असून, परिसरातील नागरिकांनाही या घटनेने हेलावून टाकले आहे. आयुष्यभर एकमेकांच्या साथीने जगलेल्या पती-पत्नींची अखेरची साथही अशीच कायम राहिली, अशी भावना अनेकांनी व्यक्त केली.
