PPF Investment : PPF मध्ये गुंतवणुकीची ‘ही’ तारीख ठरते फायदेशीर! एका छोट्या नियमामुळे मिळू शकतो जास्त व्याज

पब्लिक प्रोव्हिडंट फंड म्हणजेच PPF हा दीर्घकालीन आणि सुरक्षित गुंतवणुकीचा लोकप्रिय पर्याय मानला जातो. करसवलत, हमीदार परतावा आणि कंपाउंडिंगचा फायदा यामुळे अनेक गुंतवणूकदार PPF ला प्राधान्य देतात. मात्र, PPF मध्ये फक्त किती गुंतवणूक करता यापेक्षा ती नेमकी कोणत्या दिवशी करता हेही तितकेच महत्त्वाचे ठरते. (PPF Investment)

आर्थिक तज्ज्ञांच्या मते, PPF खात्यात पैसे जमा करण्यासाठी प्रत्येक महिन्याची १ ते ५ तारीख सर्वात फायदेशीर मानली जाते. कारण PPF वरील व्याजाची गणना महिन्यातील ५ तारखेपासून महिन्याच्या अखेरपर्यंत खात्यात असलेल्या किमान शिल्लक रकमेवर केली जाते. त्यामुळे जर तुम्ही ५ तारखेपूर्वी पैसे जमा केले, तर त्या महिन्याचे पूर्ण व्याज मिळते. मात्र ५ तारखेनंतर रक्कम जमा केल्यास त्या महिन्याचे व्याज मिळत नाही आणि पुढील महिन्यापासून व्याजाची गणना सुरू होते.

Bank Holidays in June 2026 : जूनमध्ये बँकांना तब्बल ११ दिवस सुट्टी; व्यवहारांपूर्वी ‘ही’ यादी नक्की तपासा

मुंबई : मे महिना संपत आला असून सोमवारपासून जून महिन्याला सुरुवात होत आहे. अशा परिस्थितीत बँकेतील महत्त्वाची कामे करण्याचे नियोजन करत असाल, तर जून ...

विशेषतः आर्थिक वर्षाच्या सुरुवातीला म्हणजेच १ एप्रिल ते ५ एप्रिलदरम्यान PPF मध्ये वार्षिक गुंतवणूक केल्यास संपूर्ण वर्षाचे व्याज मिळू शकते. अनेक तज्ज्ञांच्या मते, वर्षाच्या सुरुवातीलाच १.५ लाख रुपयांची एकरकमी गुंतवणूक केल्यास दीर्घकाळात मोठा अतिरिक्त फायदा मिळू शकतो. (PPF Investment)

सध्या PPF वर ७.१ टक्के दराने वार्षिक व्याज दिले जात असून ही योजना EEE (Exempt-Exempt-Exempt) श्रेणीत येते. म्हणजेच गुंतवलेली रक्कम, मिळणारे व्याज आणि मुदतपूर्तीनंतरची रक्कम तिन्ही करमुक्त असतात. (PPF Investment)

Stock Market : अस्थिरतेनंतर शेअर बाजारात तेजी; आयटी शेअर्सची जोरदार मुसंडी

नवी दिल्ली : देशांतर्गत शेअर बाजारात (Stock Market) शुक्रवारी सकाळच्या सत्रात मोठी चढ-उताराची स्थिती पाहायला मिळाली. व्यवहाराच्या सुरुवातीलाच बाजारात ...

दरम्यान, सोशल मीडियावर आणि गुंतवणूकदारांच्या चर्चांमध्येही ‘५ तारखेचा नियम’ मोठ्या प्रमाणावर चर्चिला जात आहे. अनेक अनुभवी गुंतवणूकदार दरवर्षी १ ते ५ एप्रिलदरम्यान PPF मध्ये जास्तीत जास्त गुंतवणूक करण्याचा सल्ला देतात, कारण यामुळे कंपाउंडिंगचा फायदा अधिक मिळतो. (PPF Investment)

तज्ज्ञांच्या मते, छोट्या वेळेच्या नियोजनामुळे दीर्घकालीन गुंतवणुकीत लाखोंचा अतिरिक्त फायदा मिळू शकतो. त्यामुळे PPF मध्ये गुंतवणूक करताना फक्त रक्कम नव्हे तर योग्य तारीखही लक्षात ठेवणे आवश्यक आहे. (PPF Investment)