Mumbai Airport Cocaine Seized : मुंबई विमानतळावर ११.२५ कोटींचे कोकेन जप्त; शरीरामध्ये लपवून ड्रग्जची तस्करी, चौघांना अटक

May 23, 2026 04:38 PM

मुंबई : अंमली पदार्थ तस्करीविरुद्धच्या एका मोठ्या कारवाईत, महसूल गुप्तचर संचालनालयाच्या मुंबई विभागीय पथकाने छत्रपती शिवाजी महाराज आंतरराष्ट्रीय विमानतळावर दोन वेगवेगळ्या कारवाया केल्या. या कारवायांमध्ये अंदाजे ११.२५ कोटी मूल्य असलेले २.२५ किलोग्रॅम कोकेन जप्त केले आहे. शरीरामध्ये लपवून ड्रग्जची तस्करी करणाऱ्या चार परदेशी नागरिकांना या कारवाईदरम्यान ताब्यात घेण्यात आले आहे. (Mumbai Airport Cocaine Seized)

Online Fraud : फेसबुकवरील एका क्लिकने केला घात! ‘ट्रेडिंग’च्या आमिषाला बळी; सोलापूरातील एजंटची तब्बल ६८ लाखांची फसवणूक

सोलापूर : सोलापूर शहरात ऑनलाइन ट्रेडिंगच्या नावाखाली मोठी सायबर फसवणूक उघडकीस आली आहे. फेसबुकवरील आकर्षक जाहिरातीवर क्लिक केल्यानंतर एका टेक्स्टाईल ...

गुप्त माहितीच्या आधारे कारवाई करत, २२ मे २०२६ रोजी डीआरआय अधिकाऱ्यांनी अदीस अबाबा येथून मुंबईच्या छत्रपती शिवाजी महाराज आंतरराष्ट्रीय विमानतळावर आलेल्या एक महिला आणि एक पुरुष प्रवाशाला ताब्यात घेतले. कसून चौकशी केल्यानंतर, दोन्ही प्रवाशांनी तस्करीसाठी अंमली पदार्थ असलेल्या कॅप्सूल गिळल्याची कबुली दिली. त्यानंतर त्यांना तात्काळ जवळच्या शासकीय रुग्णालयात दाखल करण्यात आले, जिथे त्यांच्याकडून एकूण ८४ कॅप्सूल हस्तगत करण्यात आल्या. अवैध बाजारात जवळपास ७ कोटी रुपये किंमत असलेले १.४० किलोग्रॅम कोकेन आढळून आले. (Mumbai Airport Cocaine Seized)

China coal mine : कोळसा खाणीत मोठी दुर्घटना, 90 कामगारांचा मृत्यू , अनेकजण बेपत्ता

Major accident in China's coal mine : चीनच्या शांक्सी प्रांतात एका मोठी दुर्घटना घडली आहे. शांक्सी प्रांतात असलेल्या कोळसा खाणीत ही भीषण दुर्घटना घडली असून या दुर्दैवी ...

या आधीच्या कारवाईत, १९ मे २०२६ रोजी डीआरआय अधिकाऱ्यांनी अदीस अबाबा येथून मुंबईच्या छत्रपती शिवाजी महाराज आंतरराष्ट्रीय विमानतळावर आलेल्या एका आफ्रिकन पुरुष आणि एका आफ्रिकन महिला प्रवाशाला ताब्यात घेतले होते. चौकशीदरम्यान, दोन्ही प्रवाशांनी अंमली पदार्थ असलेल्या कॅप्सूल गिळल्याची कबुली दिली. त्यांना जवळच्या शासकीय रुग्णालयात दाखल करण्यात आले, जिथे त्यांच्या शरीरातून एकूण ६३ कॅप्सूल बाहेर काढण्यात आल्या. अवैध बाजारात सुमारे ४.२५ कोटी रुपये किंमत असलेले ८५० ग्राम कोकेन जप्त करण्यात आले.(Mumbai Airport Cocaine Seized)