China coal mine : कोळसा खाणीत मोठी दुर्घटना, 90 कामगारांचा मृत्यू , अनेकजण बेपत्ता

Major accident in China's coal mine : चीनच्या शांक्सी प्रांतात एका मोठी दुर्घटना घडली आहे. शांक्सी प्रांतात असलेल्या कोळसा खाणीत ही भीषण दुर्घटना घडली असून या दुर्दैवी घटनेत आतापर्यंत 90 कामगारांचा मृत्यू झाला आहे. तर 9 जण अद्यापही बेपत्ता आहेत. मागच्या एक दशकातील ही चीनमधील सर्वात मोठी कोळसा खाण दुर्घटना असल्याचे सांगितले जात आहे.

शिन्हुआ या सरकारी वृत्तसंस्थेने दिलेल्या माहितीनुसार, शांक्सी प्रांताच्या किनयुआन काउंटीमध्ये शुक्रवारी एका कोळसा खाणीत ही दुर्घटना घडली. राजधानी बीजिंगपासून हा भाग महत्त्वाचे म्हणजे 520 किलोमीटर अंतरावर आहे. ही दुर्घटना घडण्याआधी कार्बन मोनोऑक्साइड गॅसचा अलर्ट जारी करण्यात आला होता. त्यानंतर काही वेळाने हा स्फोटो झाला. त्यावेळी खाणीत 247 कामगार काम करत होते. स्फोटानंतर अनेक मजुरांना बाहेर काढण्यात आलं. पण अनेक लोक आत अडकले होते.

राज्यात अचानक इंधन मागणीत ३० टक्के वाढ

 मुख्यमंत्र्यांना साठेबाजीचा संशय, जिल्हाधिकाऱ्यांना कठोर कारवाईचे आदेश मुंबई : देशभरात गेल्या आठ दिवसांत तिसऱ्यांदा झालेल्या इंधन दरवाढीमुळे ...

दुर्घटनेत आतापर्यंत 90 जणांचा मृत्यू

या घटनेत आतापर्यंत 90 जणांचा मृत्यू झाला आहे. मदत आणि बचाव पथक बेपत्ता मजुरांचा शोध घेत आहे. चीनचे राष्ट्रपती शी जिनपिंग यांनी बचाव पथकांना बेपत्ता मजुरांना शोधून काढण्यासाठी शक्य ते सर्व प्रयत्न करावे असा आदेश दिला आहे. या दुर्घटनेसाठी जबाबदार असणाऱ्यांवर कठोरात कठोर कारवाई झाली पाहिजे असंही त्यांनी म्हटलं आहे.

Indian Army Cheetah Helicopter : भारतीय लष्कराचे चीता हेलिकॉप्टर डोंगरात कोसळले, ३ अधिकारी किरकोळ जखमी

- अपघाताचे कारण शोधण्यासाठी पुढील चौकशी सुरू लडाख : लडाखच्या दुर्गम आणि उच्च पर्वतीय भागात भारतीय लष्कराच्या ‘चीता’ हेलिकॉप्टरचा अपघात झाल्याची ...

शांक्सी हा चीनमधला सर्वात मोठा कोळसा उत्पादन करणारा प्रांत

शांक्सी हा चीनमधला सर्वात मोठा कोळसा उत्पादन करणारा प्रांत आहे. चीनने मागच्या काही वर्षात कोळसा खाणीची सुरक्षा चांगल्या दर्जाची केल्याचा दावा केला आहे. मात्र, तरीही दुर्घटना थांबलेल्या नाहीत. फेब्रुवारी 2023 साली मंगोलियाच्या कोळसा खाणीत भूस्खलन झालं होतं. यात 53 मजुरांचा मृत्यू झालेला. मागच्या महिन्यात शांक्सीमध्येच लुलियांग भाग कोळसा खाण दुर्घटनेत चार जणांचा मृत्यू झाला होता. तर आता पुन्हा एकदा कोळसा खाण दुर्घटना समोर आली आहे.

कोळसा खाण चालवणारे अधिकारी ताब्यात

दरम्यान, चीनच्या सरकारी माध्यमांनी दिलेल्या माहितीनुसार, ही कोळसा खाण चालवणाऱ्या अधिकाऱ्यांना ताब्यात घेण्यात आले आहे. गॅस स्फोटाचे नेमके कारण अद्याप समोर आलेले नाही. परंतु सरकारी माध्यमांनी दिलेल्या वृत्तानुसार, खाणीमध्ये कार्बन मोनोऑक्साइड या अत्यंत विषारी, गंधहीन वायूचं याचे प्रमाण 'मर्यादेपेक्षा जास्त' आढळले आहे. चीनच्या आपत्कालीन व्यवस्थापन मंत्रालयानं या मोहिमेत मदत करण्यासाठी सहा बचाव पथकांमध्ये 345 जवान पाठवले आहेत. घटनास्थळी बचावकार्य सुरू आहे.