मुंबई : "महाराष्ट्रात पेट्रोल, डिझेल किंवा स्वयंपाकाच्या गॅसचा कोणताही तुटवडा नाही. गॅसचा काळाबाजार रोखण्यासाठी विशेष पथके तैनात करण्यात आली असून, अफवा पसरवणाऱ्यांवर कठोर कारवाई करण्यात येणार आहे. केंद्र सरकारने शिल्लक गॅस वाटपाचे अधिकार राज्याला दिल्याने पुरवठा साखळी सुरळीत ठेवण्यावर भर दिला जात आहे", अशी माहिती अन्न व नागरी पुरवठा मंत्री छगन भुजबळ (Minister Chhagan Bhujbal) यांनी मंगळवारी दिली.
इराण आणि अमेरिका (Iran and America) यांच्यातील युद्धामुळे निर्माण झालेल्या जागतिक इंधन संकटामुळे संपूर्ण जगात चिंतेचे वातावरण आहे. या पार्श्वभूमीवर, इतर देशांच्या तुलनेत भारत देश मजबुतीने उभा असला, तरी इंधन आणि अर्थव्यवस्थेच्या बाबतीत एकदम पहिल्यासारखी परिस्थिती होणे सध्या कठीण आहे, असेही त्यांनी सांगितले. जागतिक बाजारात पेट्रोल-डिझेलच्या किमतींनी उच्चांक गाठला आहे. पाकिस्तान, बांगलादेशापासून अगदी जपानसारख्या विकसित देशांनाही या संकटाचा मोठा फटका बसला आहे. मात्र, केंद्र सरकारने आयातीचे धोरण लवचिक ठेवले आहे. पूर्वी आपण २७ देशांकडून इंधन आयात करत होतो, आता ती संख्या ४५ ते ५० देशांवर नेली आहे. यामुळेच जागतिक संकटातही भारताचा टिकाव लागला आहे. युद्धाच्या अनिश्चिततेमुळे जगात संभ्रमावस्था असून सर्वच देशांना स्वतःहून सावरणे गरजेचे असल्याचेही भुजबळ (Minister Chhagan Bhujbal) यांनी नमूद केले.
Nashik connection of NEET paper exam : ३ मे रोजी देशभरात पार पडलेली बहुचर्चित 'नीट' (NEET UG) परीक्षा पेपरफुटीच्या गंभीर आरोपानंतर अखेर रद्द करण्याचा कठोर निर्णय प्रशासनाने घेतला ...
वाढत्या किमती आणि संभाव्य टंचाई लक्षात घेता, गरज पडल्यास केरोसिन (रॉकेल) वितरणाचा पर्याय सरकारच्या विचाराधीन आहे. सध्या रॉकेलचा दर ६१ रुपये प्रति लीटर असून, एलपीजीला पर्याय म्हणून कोळसा आणि रॉकेलचा वापर करता येऊ शकतो. या संदर्भात जिल्ह्यातील साठवणूक आणि वितरण व्यवस्थेची माहिती सर्व जिल्हाधिकाऱ्यांकडून मागवण्यात आली आहे," असेही मंत्री भुजबळ यांनी सांगितले.
