गोरेगाव गोकुळधाममधील इमारतीत उघड्या जागेवर बकऱ्यांची कुर्बानी

स्थानिक रहिवाशांनी घेतली हरकत


मुंबई (खास प्रतिनिधी): बकरी ईद निमित्त बकऱ्यांची कुर्बानी इमारती तथा गृहनिर्माण सोसायटीमध्ये केली जात असल्याने याला आता विरोध होत असून गोरेगाव गोकुळधाम मधील सॅटेलाईट गार्डन दोनमधील डी ३ इमारतीच्या आवारात उघड्या जागेवर कुर्बानी देण्यात येत असल्याने याला स्थानिकांनी जोरदार विरोध केला आहे. या इमारतीच्या आवारात अशाप्रकारे उघड्यावर कुर्बानी दिली जात असल्याने याला परवानगी देण्यात येवू नये आणि दिली असल्यास ती रद्द करावी अशाप्रकारची मागणीच स्थानिक माजी नगरसेविका प्रिती सातम यांनी रहिवशांच्या शिष्टमंडळासह महापालिका सहायक आयुक्तांची भेट देत केली आहे. त्यामुळे पी दक्षिण विभागाचे सहायक आयुक्त आता यावर काय निर्णय घेतात याकडे सर्वांचे लक्ष आहे.



गोरेगाव पूर्वमधील गोकुळधाममधील आरे भास्कर रोडवरील सॅटेलाईट गार्डन फेज टूमधील डी ३ इमारतीच्या आवारात मुस्लिम बांधव बकरी ईद निमित्त बकऱ्यांची कुर्बानी देतात. यासाठी इमारतीच्या आवारात उघड्यावर ही कुर्बांनी दिली जात आहे. यासंदर्भात येथील राज रुद्रम गृहनिर्माण सोसयटीने भाजपाच्या स्थानिक माजी नगरसेविका प्रिती सातम यांना निवेदन देत याठिकाणी दिल्या जाणाऱ्या कुर्बानीला विरोध केला आहे. मुस्लिम धर्मीय आपल्या सणानिमित्त मंडप बांधून अशाप्रकारे धार्मिक पशुवध करत कुर्बानी देत असल्याने एकप्रकारे आसपासच्या परिसरांमध्ये प्रचंड दुर्गंधीचे वातावरण तसेच किळसवाणा प्रकार दिसून येतो. तसेच अशाप्रकारे खुलेआम बकऱ्यांची कुर्बानी दिली जात असल्याने हे दृश्य पाहून लहान मुलांसह इतरांच्या मनात परिणाम होतो. त्यामुळे याठिकाणी उघड्या जागेवर कुर्बानी देण्यास परवानगी दिली असल्यास करावी अशी मागणी केली.


राज रुद्रम सोसायटीच्यावतीने प्राप्त झालेल्या मागणीची दखल घेत प्रिती सातम यांनी या सर्व रहिवाशांच्या शिष्टमंडळास पी दक्षिण विभागाचे सहायक आयुक्त अजय पाटणे यांनी भेट घेतली आणि रहिवाशांच्या मागणीचे निवेदन सादर केले. यावेळी रहिवाशांनी याबाबत प्रशासनासमोर आपली बाजू मांडून कुर्बानीला विरोध का आहे पटवून देण्याच प्रयत्न केला.


याबाबत स्थानिक माजी नगरसेविक प्रिती सातम यांनी माध्यमांशी बोलतांना स्थानिक रहिवाशांच्या मागणीनुसार येथील रहिवाशांच्या शिष्टमंडळाला सोबत सहायक आयुक्तांची भेट घेवून ही बाब त्यांच्या निदर्शनास आणून दिली आहे. तसेच याठिकाणी कुर्बानीसाठी परवानगी दिली असल्यास ती रद्द करावी अशाप्रकारची मागणी केली आहे.

Comments
Add Comment

मुंबईत आता जलवाहिनी दुरुस्तीच्या काळात होणार नाही पाणीकपात, महापालिकेने असे घेतले हाती काम...

मुंबई (खास प्रतिनिधी) : मुंबईला पाणी पुरवठा करणाऱ्या जलवाहिनींमध्ये बिघाड झाल्यास दुरुस्तीच्या काळामध्ये

भारत सागरी सप्ताह २०२५ मध्ये ५५,९६९ कोटी रुपयांचे १५ सामंजस्य करार

भारत सागरी आर्थिक महासत्ता होण्यात महाराष्ट्राचे योगदान मोलाचे ठरेल : मुख्यमंत्री देवेंद्र फडणवीस मुंबई :

मत्स्यव्यवसाय क्षेत्रात सहकारातून समृद्धी आणणार: मंत्री अमित शाह

प्रधानमंत्री मत्स्यसंपदा योजनेंतर्गत दोन मोठ्या नौकांचे सहकारी संस्थांना वितरण मुंबई : सहकाराच्या माध्यमातून

भाजपच्या प्रत्येक कार्यकर्त्यासाठी कार्यालय हे मंदिरासमान

भाजपच्या नव्या प्रदेश कार्यालयाचे अमित शहा यांच्या हस्ते भूमिपूजन मुंबई : भाजपच्या प्रत्येक कार्यकर्त्यासाठी

केईएम रुग्णालयात उपचार घेणाऱ्या छोट्या बच्चूंसाठी गायिका डॉ अनुराधा पौडवाल यांनी दिला असा मदतीचा हात...

मुंबई (खास प्रतिनिधी) : मुंबई महानगरपालिकेच्या राजे एडवर्ड स्मारक अर्थात केईएम रुग्णालयासाठी आता विख्यात गायिका

एसबीआयकडून मोठ्या प्रमाणावर भरती: ३,५०० अधिकाऱ्यांची होणार नियुक्ती

मुंबई : देशातील सर्वात मोठी सार्वजनिक क्षेत्रातील बँक 'स्टेट बँक ऑफ इंडिया' (SBI) आपली कार्यक्षमता वाढवण्यासाठी आणि