- किशोर गावडे
मुंबई : भांडुपमधील कोकणातील नागरिकांच्या खास आग्रहास्तव २६ ऑक्टोबर ते ३ नोव्हेंबर २०२२ या कालावधीत सायंकाळी ७ ते रात्री १० या वेळेत साई हिल, भांडुप पश्चिम येथे दशावतार नाट्य महोत्सवाचे आयोजन केले आहे. यानिमित्त दशावतार कलाकारांना प्रोत्साहन देण्यासाठी कोकणातील नामवंत दशावतार नाट्य मंडळांना खास आमंत्रित करण्यात आलेले आहे.
सार्वजनिक उत्सव समिती साई हिल, भांडुप पश्चिम व कोकण दशावतार कला दर्शन आयोजित सिंधुदुर्ग जिल्ह्यातील दशावतार ही लोककला सलग २८ वर्ष जोपासत आहेत. या दशावतार नाट्यप्रयोगाच्या दिवशी दशावतार नाट्य कलावंतांचा सत्कार करण्यात येणार आहे, असे प्रसिद्ध पूरोहित भास्कर गोविंद बर्वेकाका, सार्वजनिक उत्सव समिती साई हिलचे अध्यक्ष विवेक सावंत, उपाध्यक्ष राजेश कदम, कार्याध्यक्ष सुरेश धुरी आणि सचिव शैलेश बावकर यांनी कळविले आहे.