लखनऊ : उत्तर प्रदेशमधील मशिदीवरील उतरवलेले भोंगे शाळांवर लावले जाणार असल्याची माहिती मुख्यमंत्री योगी आदित्यनाथ यांनी दिली आहे.
“संवादाच्या माध्यमातून आम्ही मशिदींवर लावलेले अनधिकृत भोंगे खाली उतरवले आहेत. अधिकृत लाउडस्पीकरचा आवाज हा संबंधित परिसरातच राहील, त्याचा त्रास इतरांना होता कामा नये.” असे आदेश त्यांनी दिले आहेत. खाली उतरवण्यात आलेले भोंगे शाळेत जनजागृतीसाठी लावण्यात येणार आहेत, असेही ते म्हणाले. याबरोबरच मुख्यमंत्री योगी आदित्यनाथ यांनी अनधिकृत वाहन स्थानकांना दोन दिवसांच्या आत बंद करण्याचे आदेश दिले आहेत. रस्ते सुरक्षेसंदर्भातही कडक निर्देश योगींनी दिले आहेत.
सरकारने आखून दिलेले नियम आणि आवाजाची पातळीचे नियम मोडण्यात आले तर तेथील स्थानिक पोलिस अधिकारी, उपजिल्हाधिकारी आणि अन्य अधिकाऱ्यांकडून कारवाई केली जाणार आहे.